|
ذكريات سوق الحماااام (50 صورة)
السلام عليكم ورحمه الله وبركاته هذا يا طويلين العمر سوق وحراج الحمام (يوم كان سوق للحمام) :P طبعا موب بس حمام الا كل انواع الحيوانات الي تتخيله كلللل شي بدون استثناء من الدينصورات اليييين النمل قال وش دراك انها نصبه قال من كبرها لا بالله كل شي موجود حمام دجاج بط قطاوه طواويس وبر ببغانات ضباع فهود بس ذا الحيوانات المتوحشه تتجي نادر ولا يجيبون الا بزور الكبار تصير متوحشه بعديت فيه ناس بالسوق اختصتصه اي شي تقول له يجيبه لك طيب نبدا بالصوره بسم الله وترا الصور كثيره 58 صورة هذا السوق من برا http://butairia.jeeran.com/photos/651179_l.jpg ضباضيب http://butairia.jeeran.com/photos/651180_l.jpg ضباضيب ثانيه اكتشف ان اكثر من ياكلها السعوديين والبنقال ايه والله البنقال بالسوق ياكلونها http://butairia.jeeran.com/photos/651181_l.jpg هذا محل من برا http://butairia.jeeran.com/photos/651182_l.jpg هذولي طيور الحب والله يافيهم رومنسيه غير طبيعية http://butairia.jeeran.com/photos/651183_l.jpg هذا شكل الحراج من برا طبعا يشتغل خميس وجمعه والله فيه خير كثير لو عندكم بريعصي بالبيت مزعجك لا تصكه بالنعله رح بعه بالحراج يجيب لك فلوس http://butairia.jeeran.com/photos/651196_l.jpg هذا وبر ماشاء الله يولدون بسرررررررعه يعني لو تجيب 6 وبران بنهاية السنه يصيرون مليارين وشوي <<<<< لعد تبالغ http://butairia.jeeran.com/photos/651197_l.jpg هنا حراج الكناري والحسون والبندوق يعني الطيور المغرده http://butairia.jeeran.com/photos/651198_l.jpg هنا يعلقونها عشان تشتغل يعني تغرد الي باليمين حسون والي يساره كناري والقفص الابيض بندوق طبعا البندوق يصير من ام كناري وابو حسون http://butairia.jeeran.com/photos/651199_l.jpg هنا نشوف الحراج على كناري http://butairia.jeeran.com/photos/651200_l.jpg هذا الحسون اسعاره من 150 الى 3000 ريال بس حالات نادره يوصل3000 http://butairia.jeeran.com/photos/651212_l.jpg هذا الديك الفارسي كبر قريح ماشاء الله http://butairia.jeeran.com/photos/651213_l.jpg هذا الطاووس راقبوا الانثى الي تحت الذكر بتسوي حركة اكشن نهاية الحراج http://butairia.jeeran.com/photos/651214_l.jpg هذا ثعلب مع العشاء تبعه ونلاحظ ثعلب ثاني تحته http://butairia.jeeran.com/photos/651215_l.jpg تيس خاش بالغلط http://butairia.jeeran.com/photos/651216_l.jpg طيور المينا بس ذي سياحيه من السعوديه النوع الثاني يوصل 7000 هذي ب 100 ريال وحرام عليها http://butairia.jeeran.com/photos/651239_l.jpg بلابل http://butairia.jeeran.com/photos/651240_l.jpg قطا http://butairia.jeeran.com/photos/651241_l.jpg قطاوه http://butairia.jeeran.com/photos/651242_l.jpg بائع الثعابين http://butairia.jeeran.com/photos/651246_l.jpg هذا محل داخل السوق يبيع كناري http://butairia.jeeran.com/photos/651247_l.jpg صقور http://butairia.jeeran.com/photos/651248_l.jpg أرانب http://butairia.jeeran.com/photos/651249_l.jpg بنات المذن http://butairia.jeeran.com/photos/651250_l.jpg سمك والله الي يحبون السمك مدري وش يحبون فيها سكتم بكتم مالها حس ولا صوت حتى الاكل يقولك لا تحط لهم واجد عشان لو كثرت يموتون ياكلون كل الي قدامهم لين يفطسون والله الشفااااااحه السمك حلاته بس على السفره غدانا اليوم سمك :-)) http://butairia.jeeran.com/photos/651257_l.jpg |
شكرا لك اخي عبدالله التقرير رائع والتعليق اروع بيض الله وجهك
|
اييييييييييييه
ياسوق الحمام ايام ××××ايام ايام راحت؟؟؟؟؟؟؟؟؟ الله يعافيك أخوي عبدالله لكن وش صار عليه من تالي الظاهر انه دج بعد مانقلوه... عساك سالم وماقصرت |
الغالى عبدالله تقرير سياحى موثق ودرجة أولى (5 نجوم) وملاحظة الغالى (كان) فى محلها .. التعليق أروع ياسلام على هيك تقارير ممتعة ومفيدة .. شكرا |
عبدالله:
والله يالغالي عندك تعليق ابد ماشفت مثله من زمان، الله على روحك المرحه شوف أرسلت لك عالخاص رسالتين، حقيقه موضوع رائع بمعنى الكلمه، انا أسمع بسوق الحمام في الرياض ولكن ماهو بهذا التصور، اللي شفته شى جميل جدا على الأقل فيه حيوانات ما قد شفناها من قبل، روح الله يسعدك ياعبدالله ونشوفلك مواضيع وتعليقات تفرح الخاطر. |
مثل ماقال كان وكان فعل ماضي السوق مررت عليه من قريب صاكين عليه بالحواجز من جميع الجهات ولا شفت فيه محلات مفتوحه ومريت من عند الاماكن المخصصه للحراج اللي خلف السوق ولا مجال للدخول لخلف السوق حيث الحواجز . ولكن سيبقى هذا الموضوع لاحياء ذكرى ذلك السوق ، علما انني لست من رواده ولكن مررت من عنده صدفه فاخذت حوله جوله ع السريع . مشكور اخوي على هذا التقرير الرائع . ولي سؤال كم مضى على هذه الصور؟ تقبل تقديري |
أخوي عبدالله أبدعت والله وكأننا شريطيه وحنا نتفرج على صورك ونقرأ تقريرك... :Taj43: بس هذي الصوره خشت عرررررررررررررررررض http://butairia.jeeran.com/photos/651272_l.jpg والله ضحكتني يوم قلت نعام بزران .... :smailes42: اخوك/ قناص الحبارى |
الصور رائعة وبصراحة انها فرجة وتستاهل العنوة ... لكن بعد ظهور المرض في المنطقة ما عاد فيه.
التعليق رائع اخي عبدالله ماشاء الله عليك تمتلك جمال القفشة والتعليق الساخر الجميل. بارك الله فيك. |
شكرا الغالي عبدالله
تقرير متعوب عليه صور روعة شكرا اخي |
يعطيك العافية أخ عبدالله
|
اخي الغالي عبدالله صراحه دخلت معك جو وتذكرت ايام السوق من كان بالديره حتى آخر حياته بالعزيزيه :rolleyes: حرمتنا انفلونزا الطيور من زيارة السوق ... عساه يرجع الف شكر على تقريرك الرائع |
الغالي عبدالله كل الشكر لك على هذاالابداع المتواصل عساك على القوة يالامير اخوك |
ههههههههههههههه سلمت يا أخوي عبدالله صور روعه وتعليق أروووووووع الله يوسع صدرك مثل ماوسعت صدورنا والله يعجل بفتح السوق بس الله يعيين راعي الطاؤوس |
بارك الله فيك أخي الكريم والمبدع * .::::::. .::::::. عبدالله .::::::. .::::::. * على هذه التقااااااااااااااااااااااارير الأكثر من رائعة... حقيقه موضوع وصور وتعليق أكثر من رائع... أللللللللللللللللف شكر يالغالي ... تقبل مني خالص الود والتقدير والمحبة أخوك ومحبك في الله عبدالله |
| الساعة الآن 09:47 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir