|
وش أطول فتره قضيتها بالبر ( بدون مخيم ) ؟؟
السلام عليكم ورحمة الله ..
طبعا الغالبيه من الكشاته يلتزم بطلعات خفيفه (خميس وجمعه ) بحكم العمل والارتباطات العائليه :mad: لكن ,,,,,,,,,,,,,,,,, تخيل ان الوقت ربيع وامطار وخير,, لا وعام على كل محل صحراً كان او بركان :smailes81: وتاخذ اجازه شهر انت وكم واحد من خوياك اللي على الدين ياسلااااااااااااااااااااااام :smailes44: وتبطح بهالفياض وهالنفد وكل ليله تبيتون بمحل , ومره تاخذون هريفي ومره تويس اخ خ خ خ خ خ بس ونادر تشوفون الشمس ماغير غيوم ومره تمطر وشوي تذرذر وتصير صاكن ( بالجوال ) الجدار هههههههههه :smailes79: :smailes79: شكلي طولته ... على العموم انا اطول فتره قعدته بالبر ( بدون مخيم ) سبع ايام انتظار مشاركتكم :smailes81: |
ذكرتني بأيام الربيع الوالد الله يحفظه من كل شر كان عنده غنم قبل 10سنين وكنا وقت الربيع نروح لمه بعزبتنا وخيمتنا والله ياهي فله يارعي سااموده ربيع وخير وامطاار وكل يووم في مكااان ومفيه الا قوة جلد طليااان من قريب واذكر كنا نصلي العشااء ونتعشى ونوومه ونقووم الفجر نقااامز من الفسقه:Taj43: والقهوه والشااهي والحليب وفله حجااج وجلسنا مع الوالد حوالي 15 يووم ويازينها من ايااام |
بسم الله الرحمن الرحيم والله ياعليك مواضيع ياراعي ساموده ... لكن حلوه بالحيل ... من ناحية أطول مدّه جلسناها بحدود 19 يوم ... مقناص بدون خيمه ... طلعنا من الرياض سيييييده على رفحا ـــ لوقه ... بدأنا المقناص من هناك ... وآخر المقناص طلعنا من عند شويه ... وكانت من أجمل الرحلات :Taj43: ... ــــــــــــــــــــــــــــــــــــــــــ وبعدها مادخلت البيت إلا بواسطه قويّه (من الوسخ) ... جيت للبيت وكنت مشتاق للأهل ويوم فتحت الباب ودخلت يقالي مسويها مفاجأه .... وفجأه صرخوا حرامي ... حرامي ... حرامي ...:smailes26: بغيت أروح فيها بفشقه وتصير (( نهاية رجل مبطي عن أهله )) :confused: ... وواحد من أخواني غايلني:smailes12: ويقول دقوا على الشرطه ... وأنا أقوله فك فك أنا أبو شعلان ... ويالله يالله صدّق يوم طلّعت إثباتي وحكيت الوسخ اللي على حبّت الخال اللي بخدّي>>> (علامة جودة )... يالله إقتنع وفكني ... وبعدين وشلون حرامي وداخل وهو مبتسم :)...هذي ماهضمتها إلى الحين ... بس تبي الصراحه عرفت إن معهم حق بعد مافصخت الثوب ... لا لا مافصخته أنا طلعت منّه تصدّق إنه وقّف وأخذله إسبوع ماتحرك هالثوب ... شهاب في شهاب ... الخدود تقل صنفره من المشق ... واليدين من كثر مخوش الطير صار بوحده من اليدين 7 أصابع ...:smailes44: وفي النهايه أخوي راعي ساموده ترى كل ماسبق ذكره من تحت الخط غير صحيح ;) :( فقط للتسليه ههههههه :Taj43: وإلا أنا عكس ذلك تماماً ;) ... والله ياأنا طولتها بعد ... عموماً مشكور كل الشكر على هالموضوع الرائع ... وننتظر المزيد ... من كل جديد ... ,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,, |
أقول ياسلام على مواضيعك الرهيبه الرائعه شوي;) .......... مهب كثير ....:smailes44:
أطول مده 8 أيام أصلا أذا صار مع العمده وربع المنتدى وبش تبي بالديره ( يصبغ بقوه :smailes12: ) ..... ------------------------------------------------------ أبوشعلان ::::::::: البس ثوبين أول ماتطلع من الديره وتدهن بفازلين كل يوم وتصير تلمع تقل منتب بالبر وأذا رجعت للديره خلك على الثوب الاول مثلي .......... :smailes42: :1aa: |
الغالى راعي ساموده أنت فعلا راعى مواضيع التفاعل المحببة الى القلب!!! يكفى انها خلت أبوشعلان يسرح بنا بسواليف ممتعة أطول مدة فى البر بدون مخيم كانت 5 أيام فى الربع الخالى (الغالى) لكنها كانت نوعا ما 5 نجوم لأن كان معنا سيارة (شاحنة) أبوآدم وأهم ميزة فيها خزان ماء كبير ومروش (دش) .. وكانت رحلة ربيعية ممتعة تعرفنا فيها على شيخ مرى وسط الطعوس وأرسل أولاده يجيبون القهوة والتمر وحليب الخلفات وأصر أنه يستضيفنا فى بيته ولكنا بكل أدب عيينا واعتذرنا منه ... وفى الصباح قبل ما نشد الرحال ونواصل رحلتنا أرسل أحد عياله بتيس هدية |
شخصياً لا أحب الخيمة والمخيم لأني تحد من تحركاتي كرحال.
آخر رحلة كانت سبعة أيام لم نتوقف في منطقة الا غصب عندما تعطلت سيارتي وسط نقرة . شكراً لك اخي راعي ساموده. |
الله بالخير ياشباب يعطيك العافية أخوي راعي ساموده ولاهنت:smailes44: أما أنا ياطويل العمر :smailes26: أطول مدة جلستها في مقناص خمسة أيام :Taj43: نغزة / كأن الاختصارات من تالي اعجبتني ... |
اقتباس:
فعلا من اجمل الطلعات اللي تصير مع الكبار سواءا الوالد او احد عمانك وانت توك جذع لها طعم خاص |
بالنسبة لي اطول مدة كانت سبعة أيام تمام ... وا حاديها وا باديها وضرب القوس معديها ههه
لم نستقر في مكان واحد نص نهار ....... كله درهمه وش دعوا بعارين الله يعيد ذيك الايام على خير البرّي |
اقتباس:
19 يوم يالظالم وش خليت للضبان , ونقول وش سبب التصحر وندرة الصيد واضراب شجرة الاثل عن شرب الماء :smailes79: |
ولله اني مااذكر بالضبط لكن ولله أعلم كانت 10 أيام وكنا في الشمال الرقعي على لينه على رفحاء وأنت جاااي كشته يستحيييييييييييييييل أن أنساها الله يعيدها |
الله يهديك يابو عبدالله جريتنا لذكريات وايام رائعة رحلتنا كانت لمدة 12 يوم من عنيزة للمدينة لخيبر للعلا للوجة لينبع لرابغ لمكة واخذنا لنا عمرة مقبولة ان شاء الله ومن ثم للطائف وبعدها غصنا بالجنوب الى حدود اليمن وسوق الخوبة الحقيقة خلال هالايام تغسلنا على الاقل ثلاث مرات ورجعنا نظيفين لهلنا وكان بودنا انها تطول اكثر ولكن ظروف بعض الاخوان لم تسمح فرجعنا مرغمين |
اقتباس:
ههههههههههههههههه هالحين الا تدهن بفازلين وطول بالبر وش يبي يصير :smailes79: :smailes79: :smailes79: اخاف يصير الواحد رطب من كثر الفازلين ولا وطى على رجله ماعت هههههههه |
اقتباس:
صراحه ماشاء الله على شاحنة ابو ادم احلى مافيها ذاك الونش ولا كانت الطلعه كله حفر ودفن من كثر التغاريز ,,لكن ماقلت وش صار على التيس راح مشوي ولا مندي :smailes44: |
من اجمل مواضيع قرائتها هي لراعي ساموده
السلام عليكم ورحمه الله وبركاته امسي على راعي ساموده وعلى جميع الموجودين بالمنتدى وكل عام وانتم بخير بمناسبه العام الجديد ولاتنسون ياجماعه صيام عاشورا ....
بالنسبه لا كثر مده جلستها في البر بدون تخييم هي سبع ايام كانت بالنفود الكبير انا ورجال شرواكم والحقيقه انها من اجمل طلعاتنا للبر فيها مع العلم انها كانت بررررد بس بعض الرجال طلعاتهم تشراء شراء اما انا بالنسبه لي فمن عشاق تبوك لاني ومن وجهه نظري انها اجمل مناطق المملكه بطبيعتها واثارها وجبالها ومناطقها الحلوه وربعنا الي فيها هناك ..... اتمنى التوفيق لراعي ساموده ولجميع الموجودين بالمنتدى وجميع المسلمين .. وشكرا |
| الساعة الآن 12:48 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir