|
قصيدة قالتها الزوجه لزوجها قبل وفاتها بساعات،
بسم الله الرحمن الرحيم السلام عليكم ورحمة الله وبركاته هذي قصيدة قالتها الزوجه لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه،، ترى الذبايح و أهلها ما تسلينـــــــــي .... أنا أدري إن المرض لا يمكن علاجه أدري تبي راحتي لايا بعد عينــــــــي .... حرام ما قصرت يديك في حاجـــــــه أخذ وصاتي وأمانه لا تبكينــــــــــــي .... لو كان لك خاطرٍ ما ودي إزعاجـــــه أبيك في يديك تشهدني وتسقينــــي ...... أمانتك لا يجي جسمي بثلاجـــــــه لف الكفن في يديك وضف رجلينــــي .... ما غيرك أحدٍ كشف حسناه وأحراجه أبيك بالخير تذكرني وتطرينــــــــــــي ..... يجيرني خالقي من نار وهاجــــــــــه سامح على اللي جرى ما بينك وبيني ..... أيام نمشي عدل وأيام منعاجـــــــــــه همي عيالي وأنا اللي فيْ ....كافينــي ..... علمهم الدين تفسيره ومنهاجــــــه اللهم اغفر لها واجعل قبرها روضة من رياض جناتك امين... امين... امين منقول من بريدي أبو عبدالعزيز |
صح لسانك يابو عبد العزيز ولسانها
غفر الله لنا ولها... |
أخوي الغالي / البارق ..
صح بدنك ... وأسال الله أن يغفر لنا ولها ولجميع المسلمين أخوك/ ابو عبدالعزيز |
غفر الله لها واسكنها فسيح جنانه وجزاك الله خير فهى حقاً قصيده مؤثره الشكر لك
|
قصيدة وداعية يابو عبدالعزيز رائعة
لف الكفن في يديك وضف رجلينــــي = ما غيرك أحدٍ كشف حسناه وأحراجه
حتى وهي ميتة لا تريد ان يرى احد عورتها هؤلاء هم نساء المؤمنين حقا |
اقتباس:
الله أكبر عزالله إنها أبيات مؤثره ... غفر الله لها وجميع أموات المسلمين ... لاهنت يابوعبد العزيز ... وبيض الله وجهك ... وننتظر المزيد ... من كل جديد ... ,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,, |
بيض الله وجهك يابوعبدالعزيز اللهم ارحم هذه المرأة الخيرة راعية الدين ((همي عيالي وأنا اللي فيْ ....كافينــي ..... علمهم الدين تفسيره ومنهاجــــــه)) عز الله وصية أخت رجال تفكر برضا ربها وصلاح عيالها |
أخوي الغالي / جـــلــمود الجـــبيري،، حياك الله وبياك ... وبيض الله وجهك ... وأشكرك على المرور .. أخي الكـــبير / أبو فــراس ،، تسلم يالعمده على المرور .. وفعلا تدل القصيده على الحياء الذي تتمتع به نساء المسلمين .. مرورك شرفني يابو فراس أخي الغالي / أبو شـــعلان ،، هلا وغلا والله ... واشكرك من كل فلبي ياغالي ... عمنا الكبير / أبو أسماعـــيل ،، جزاك الله خير على ردك الراااائع يابو أسماعيل .. مرورك وتعقيبك له مكانه عندي ... تقبل الله دعائكم جميعا وأستجاب لكم .. أيها الأحباب أخوكم/ أبو عبدالعزيز |
الله يرحمها وعزالله ان زوجها بيفقد جوهره نادره .
الله يرحم المسلمين لاعدمتك عليم العطش |
مشكور على القصيده الطيبه
وللعلم هذي القصيده لللشاعره المعروفه المغفور لها باذن الله عــــــابــــره ســبــيـــل وتقبل مروري المتواااضع |
اخوي مقرن الشوش
ممكن توضيح اكثر لما كتبت لاني ما فهمت وش علاقة القصيدة بالاحاديث الاسرائيلية |
| الساعة الآن 08:08 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir