![]() |
إقلالالالالالاع × إقلالالالالاع ومن نوع جديد ... رحلة ولا كالرحلات .... راعي الهـــدد
http://www.mekshat.com/pix/upload/im...k33838_28u.jpg بسم الله الرحمن الرحيم في يوم الخميس الموافق 25 / 2 / 1428هـ تم الإتفاق بين كلاً من ابو حمد طرفاً أولا وبين ابو عاصم طرفاً ثانيا على أن يقوم الطرف الأول بــ ........... هههههههههههه صار عقد بيع وشراء المهم رحت هالسبوع لمكان قريب من الرياض وعلى بعد 85 كيلو فقط وحقيقة وبلا خجل اقولها بصراحة الناس ماعندها تقدير تقولون ليش اقول لكم والله شفنا شي يفقع المرارة انا ما ابي انكد عليكم بتشوفون في ثنايا الموضوع كل حاقه توجهت انا والأخ الفاضل ابو عاصم ونعم الأخ اي والله وحملنا اغراضنا من عزبة وماء وكل شي نحتاجة هاه ابو عاصم وين ودك نوجه ابو عبدالله (( أحد كتاب مكشات اسمه السرهيد حفضه الله وقدس سره هههه )) دقيت عليه قبل شوي ويقول روضة أم القطا شي خيال تعلو يمنا وش رايك نروح لأم القطا او لأم سمحان هههههههههههه اقصد فيضة سمحان ورى ضرما قال الراي لك يابو حمد والي تشوفه مناسب قلت لا ودي برايك هالمرة المهم عقدنا المسير يم فيضة سمحان ورى ضرما ايييييييييييه وصلنا الفيضة ووجدناها ممتلائة بخلق الله دجنا لنا شوي في الفيضة ندور شجرة او شي لأنا متوقعين الشمس حارة ولكن ماحصلنا شجرة كلهن مشغولات هههه ولا به زود شجر فيها ماغير اربع او خمس المهم وقفنا بمكان طيب أخضر وفي وسط الفيضة وصارت الشمس ولله الحمد بويردة او حلوه مابها زود أذى المهم نزلنا العزبة وكل مانحتاجة وطقين الرواق الذي لايمكن لأي كشات او قناص الأستغناء عنه (( قريباً سوف انزل موضوع عن إختراع جديد وقفزة عالمية في عالم تطوير الرواق وبأسلوب عجيب سيعجبكم كثيراً )) وروسنا دايخة حيل حيل وشبينا على الماء وصلحنا اقهوتنا http://www.mekshat.com/pix/upload/im...mk33838_4u.jpg أوييييييييييييييه اضبطت القهوة الله يعافي من صلحها وكسرنا كم فنجال وكم فردة اخلاص يحبه قلبك ووسعنا الصدر وسوالف واعلوم وزانت السالفة وياربي لك الحمد والله نحن في نعمة نحسد عليها يالله لك الحمد http://www.mekshat.com/pix/upload/im...k33838_1-u.jpg روقنا ووسعنا الصدر وبدينا بتجهيز الغداء والله اني ما ابي انزل اي وجبة لي بالنت بس الشباب ملزمين علي في مواضيع ثانية ووعدتهم بتلبيت الطلب في هذا الموضوع المهم الي أخذ اللحمة ينضفها ويغسلها اووووه الحيمت حويشي يحبها قلبك والي قام يقطع البصل والطماط وهاه من هالعلوم الطيبة الي انتو خابرينها وهذا قدري العزيز والغالي على قلبي قدر الضغط الصيني وارد السيف ونطلنا به الحمة الحاشي والطميطة هههه والبصيلة ويالله لك الحمد http://www.mekshat.com/pix/upload/im...mk33838_3u.jpg طبيعي انك بتزيده ماء وتوزن الماء عليه كما بالصورة أدناه http://www.mekshat.com/pix/upload/im...mk33838_5u.jpg انتضرت الين بدى يقلب الماء ثم كتمته وخليته يتقلّب لحاله قلت خلك على راحتك تقلّب الين اجيك ههههههه http://www.mekshat.com/pix/upload/im...mk33838_7u.jpg وفيه شي دايم مايفارقني في كشتاتي او مقانيصي وهو القرع الأمريكي ياأخوان ترآه زيادة على طعمه الحلو فترآه مفيد مفيد مفيد يقولون علماء التغذية أن القرع هذا يعطي فوائد اللحم بنسبة 80 أو 70 بالمائة فلا يفووووتكم وهذاهو جاهز للنطل مع كبسة الرز حلوه النطل ههههه لاحظ معي السكين السويسرية يعنبو من صنعها اشهد بالله انها سكين واوك ما اطيبها لاتفوكم يالربع يلزم كل واحد سكين مثلها http://www.mekshat.com/pix/upload/im...mk33838_8u.jpg ونحن بنتظار الغداء جهزنا الخيار والطماط واليمون وانا احب السلطة في البر تكون عدله بدون تقطيع لنواحي صحية ونواحي شهويه هههههههههه حلوه شهويه يعني اشتهيها كذا الذ وأطعم http://www.mekshat.com/pix/upload/im...mk33838_9u.jpg لكن ابو عاصم وده بتقطيعها قلت سم الي تشوف لكن لاتكثر انا باعرم عرم افضل واحسن ههههههه http://www.mekshat.com/pix/upload/im...k33838_10u.jpg تــــــابــــــع >>>> ارجوووك لاترد أنتضر باقي تكملة للموضوع تــــــابــــــع >>>> |
طوط طوط طوط طوط طوط طوط الخطوط مشغوله الكبسة وصلت والكل بينشغل بها تكفون يالربع قولو بسم الله ماشاء الله لاقوة الا بالله يالله تبون تشوفونها طيب طيب بس مثل ما اتفقنا واحد مآخذ في نفسه مقلب ههههههههه والله من الرفالة يابو حمد ههههه http://www.mekshat.com/pix/upload/im...k33838_11u.jpg ولعشان ابو حمد مايحب التمطيط وتكثير الكلام قرر ان يصقعكم ويصعقكم بصورة الغداء مباشرة (( الا والله انك ابو التمطيط والخربطة يالخرموطي ههههههه )) http://www.mekshat.com/pix/upload/im...k33838_12u.jpg وهذه الكبسة من صورة أخرى وبمشهد خلاب لايفوووتك حبة الرز الي متمغطة تمغّط الين قالت بس هههه http://www.mekshat.com/pix/upload/im...k33838_13u.jpg ومابين كبسة البر وكبسة البيت يفتح الله يفتح الله يفتح الله تحت السواهي دواهي على قولتهم لاحظ الفرق بين إعداد البيت وإعداد البر http://www.mekshat.com/pix/upload/im...k33838_40u.jpg تغدينا وعينا من الله الف خير وضبطنا لنا بريق شويهي يحبه قلبك ياغالي ويقولون أن طريقة الشاهي المخنوق الذ وافضل من غيرها ههههههههههههههاي اكيد بتقول وش الشاهي المخنوق تابع معي هذا البريق يطبخ سكر وماء فقط http://www.mekshat.com/pix/upload/im...k33838_14u.jpg بعدين طف عنه النار وكب ورق الشاهي فيه وسكره وخله شوي يخدر http://www.mekshat.com/pix/upload/im...k33838_15u.jpg ثم تعال شف كيف يصير الشاهي وزنه وحده لا في اللون ولا في الطعم الى آخر قطره ه ه http://www.mekshat.com/pix/upload/im..._zzzzzzzzz.jpg ياسلالالالالالام سلّم شاهي وخضار من ربي وجلسة مع ارجال شرواكم وسالفة رايحة وسالفة جايه يالله لك الحمد http://www.mekshat.com/pix/upload/im...k33838_16u.jpg وتمدد ابو عاصم وردد يالله لك الحمد الله لايغيرها نعمة وبسط على هالشويهي http://www.mekshat.com/pix/upload/im...k33838_20u.jpg تــــــــــــــــــــــابــــــــــع >>>> ارجوك لاترد تــــــــــــــابــــــــــــع >>>>>> |
شف بيالة الشاهي وعن قرب تلذذ لو بالمشاهدة ممكن يكفي والا وش رايكم ههههههه طيب يالخو ماودك تقرب بعد شوي ممكن يطول فمك شي منه الا ماودك تغطس فيه وتسبح ههههههههههه هههههههاي لونه لون الذهب ماشاء الله بعد كل هالصور التفت علي البريق ولسان حاله يقول ماتخاف الله صورتني وصورة بنياتي البيالات وفضحتني خف الله تكفى لاتصور تكفى واتمعن واتمقل الا والله ذيك البيالة المزيووونة بيالة بادريق منخشة ورآه قلت آخر صوره تكفى ابي انزلها لقروووم منتديات الرحلات ولا جايك ولا بناتك شر الا كود كسر بالغلط وخرت دموعه وطلع ورق الشاهي مثل ماتشوفون وتحسّفت شفه فاق اخشيشته يبكي مــــلاحــــضــــة البريق ونوعيته تفعل الأفاعيل البريق وكما شاهدتم هو افضل بريق يضبط فيه الشاهي ويعطيك نكهته الحقيقية وبنقاوة عجيبة وهو بريق الستيل الكوري 10/18 وهو شبهمعدوم من السوقيلزمك تفر شوي وتتعب وبتحصله ان شاء الله المهم وزبدة الموضوع صلينا العصر والضهر وبدينا نتمشى ونلقط صور للموقع ووالله شاهدنا مناظرعالمية وفي نفس الوقت شاهدنا مناظر يندى لها الجبين من حال امة متخلفة تابع معي ستفرح وتبتهج وستبكي دما في نفس الوقت انظر للعشب وقد بدت الشمس تغازل خضرته منظر يعجب الكثير خضرة ورمله وجبل العالم منتشرين في الفيضة يالله لك الحمد والشويهات دقت الفيضة دق وماخلق العشب الا لذالك فمتع الله اهل الإبل بإبلهم واهل الشاه بشوايهاتهم ومنظرمسحي وعلى قطر اوسع تـــــــــــــــــــابــــــــــــــع >>>>>> ارجوووووك لاترد تــــــــــــــــــابـــــــــــــــــع >>>>>> |
صورة مقربة من بعد http://www.mekshat.com/pix/upload/im...k33838_23u.jpg وابشركم السيارات الصغيرة تآصل حتى الأمريكي يآصل تكفوووون تكفووووون تكفوووون برو آبائكم تبركم ابنائكم متعو والديكم وزوجاتكم واولادكم ولاتبخلون عليهم بكشتة ولو بالشهرين مره http://www.mekshat.com/pix/upload/im...k33838_32u.jpg وابشركم العشب حتى في الضلعان وفي روس الجبال السنه هذي جانا خيرعظيم انضر للصورة ادناه http://www.mekshat.com/pix/upload/im...k33838_36u.jpg وهذه ايضاً تقول معشّى ارنب يازينه http://www.mekshat.com/pix/upload/im...k33838_37u.jpg يحد الفيضة من غرب جنوب عريق يحبه قلبك ينتهي في راس الجبل بمنظر بديع يازينه وزين مقاعد فيه عقب عصر انضر للصورة أدناه http://www.mekshat.com/pix/upload/im...k33838_35u.jpg وهذي صورة اسعى فيها للأحترافية (( تبطي يابو حمد خلك على الأوتو ويالله يالله ههههههه )) http://www.mekshat.com/pix/upload/im...k33838_34u.jpg انضر للمآسي المبكية انضر معي وتأمل لغة القوم تابع وستمل ولاشك من المتابعة قوم اشبه مالهم وش اقول بس والله لو شبهتهم بوصفهم الحقيقي لبتر الموضوع من أساسه شف القمايم كرمك الله وقد أبادت وستبيد لسنوات قادمة العشب والخضرة http://www.mekshat.com/pix/upload/im...k33838_24u.jpg بالله هذا ليش مجمع زبالته وراميها هنا بيعجزه يحملها بسيارته ويرميها في اقرب زبالة قالك الحين انه ماقصر ولا احد قده انحش عنه شف الصورة حدر وانضر للمعلم بالأحمر http://www.mekshat.com/pix/upload/im...k33838_30u.jpg طبعاً المشهد المألوف الذي لابد منه في مجتمع مثل مجتمعنا قليل التوعية ان ترى الفيضة وقد قسّمت بتقاسيم اشبه مالها بمخططات الموسى او ابن سعيدان للعقارات ماناقص الا يعلنون البيع حسبي الله ونعم الوكيل شف الفيضة وش صارت http://www.mekshat.com/pix/upload/im...k33838_39u.jpg تـــــــــــــــابــــــــــــــــع >>>>> ارجووووك لاترد تــــــــــــــــــــابــــــــــــــع >>>>> |
مــــتــــــبــــوع <<<< وحتى البلدية وهي البلدية مسوية ضجه في الفيضة ووالله يا أخوان اني موقف طولي ادور وش صوت هالموتر الله يستر لايتوطانا الا والله هاك الموتر اللحمر واعاين واتمقل الى ختم البلدية عليه قلت ايه ممتلكات الدولة راحت خيخه بين هالعمالة والي مايخافون الله تقول كنه شاريه من جيبه طاير طيرة ماتصدق بها تأمل المعلم بالأحمر تصدقون اعجزت الكمرة تلحقه http://www.mekshat.com/pix/upload/im...k33838_33u.jpg وعند الوداع واجهتنا هذه الدودة الكثير سيعرفها ولاشك منضرها جميل وخلاّب الوانها تقول تشع نور http://www.mekshat.com/pix/upload/im...k33838_38u.jpg الله يحفضني وأياكم من كل شر وسوء تقبلو محبتي وتقديري ياأعضاء ومشرفين وزوار وضيوف ياغالين انتهى موضوع الرحلة اتمنى انكم استمتعتم ياغالين وهذه فيضة سمحان بعد ضرما بعشرين كيلو تقريباً لم يكن من عادتي الإعلان في العام عن المواقع اياً كانت نباتية او حيوانية وفعلت ذلك هذه المرة لأن العشب ولى وراح والله يوفق ويسدد وهدفي مصلحة الموقع ذاته محبكم ومغليكم والداعي لكم بضهر الغيب ابو حمد |
يازينك وزين مواضيعك يابوحمد
والله اني استمتعت في الوصف وكأني رايح معكم الله لايخلينا منك ولا من مواضيعك الرائعة بارك الله فيك وجزاك الله خيرا |
رحلة ممتعة اخي راعي الهدد ... وقمة الوناسة .
يبدو انكم انسطتوا من ربيع الفيضة والنفود المطل عليها ( قمة الجمال) الابريق رائع ولكن لاتصور بجنبه تراه فضيحة: http://www.mekshat.com/pix/upload/im...k33838_15u.jpg تحياتي لك ولرفيقك يابو حمد . وبارك الله فيك. |
تشكر أخوي راعي الهدد ..
ابو حمد . على ما بذلت وأعطيت ... |
بسم الله الرحمن الرحيم الله عليك يابوحمد ... الصراحه رحلّه بقمّة الوناسة ... ماشاءالله عليكم ... تصدق أحسن إنك تسوي دعاية لعزبتك ... مادري عندك نيّة إنك تنافس أخونا أبو فراس ... وإلا وش السالفة ....هههههههههههه ( ندور الحرش ) لاهنت يالغالي ... الصراحه وسعت صدورنا ... بالصور .. وسع الله صدرك ... أبوحمد ننتظر المزيد ... من الجديد ... ,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,, |
اقلالالالالالالالالالالالالاع اقلالالالالالالالالالالالالالالالالاع اقلالالالالالالالالالالالالالالالالالالالالاع ابو شعلان لا تشعللها عزبتي ومشهورة واللي يبي ينافس حياه الله يدفع مقدما . |
الله يعطيك العافيه
رحلة ممتعة وملاحظات مهمه واقلاع محمود وفالكم التوفيق يارب |
اقتباس:
تسلم ياغالي واشكرك على هذا المرور الطيب وبارك فيك دمت بود |
اقتباس:
الغالي صقر هلا بك ويعلم الله اني سعيد بردك شكرا لك وصدقت البريق فضيحة بس ابشرك مآخذ احتياطي ولايمكن يبان شي وشكرا لك ياغالي دمت بود ومحبة وإخلاص ياغالي |
اقتباس:
هلا بالغالي الليل شكرا لك على هذا المرور الطيب والله يغفر لي ولك وللمسلمين لاحرمك الله الأجر والمثوبة على هذا الرد الطيب دمت بود ومحبة وإخلاص ياغالي |
اقتباس:
ههههههههههه لا والله ما اسوي دعاية ابد ولو ناوي على دعاية كان قلبت رووسكم كلكم وخليتكم تسومون على عزبتي وحتى لو فيه مثلها ماتبون مثلها تبونه هي نفسها هههههههههه بس ما اقول الا خل عنك التحريش وابو فراس اخ غالي واذا جات على المقاوم فهذا باب وله جواب شكرا لك ياغالي وابشر بكل جديد يسرك يعلم الله أن الأرشيف مليان مواضيع مهمه بس وين الوقت أن شاء الله تشوف الي يسرك بس دعائك بأن يطرح الله البركة في الوقت وان شاء الله تسعد ومنك نستفيد يابعدهم |
| الساعة الآن 12:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir