|
نبغا ارائكم لاهنتوا
بسم الله الرحمن الرحيم السلام عليكم ورحمة الله وبركاته كل عام واعضاء منتدى الرحلات وزوارها بألف خير انا ياجماعة الربع وفقني الله في شراء جيب vx.rمن اشكال ال 97ونازل(باركولي):Taj43: وابغا اجهزة تجهيز كامل للطلعات ودي انكم تقترحون علي الاشياء الاساسية من ناحية اليايات والمساعدات والعزب ولو تعرفون احد يركب بطارية اضافية ومن ها الامور وبالنسبة للكفرات الله يكرمكم وش اركب واقتراحات اضافية.... مع التحية |
ألف مبروك يابوخالد:smailes44: يعطيك خيرة ويكفيك شرة ماشاءالله تبارك الله البطارية الاضافية عند سوافي 800 ريال المساعدات عند الرماية في محطة نفط نهاية التخصصي وجهك شرق المساعد الواحد 350 وطقم يايات 1250 مع التركيب اما الكفرات انا اركز على هانكوك مقاس 16 # 70# 275 صبر معي في الحصى صبر غريب ماتوقعتة وانا شاريها مستعملات مصلعات بعد فكيتن وبعتها ب200 ريال ............................................ اما العزب فية ناس احسن مني............ تحياتي لك ..... |
لله يبارك فيه ويجنبك عثرات الطريق
يوجد في الرحلات مواضيع قيمة تتحدث عن كل ما تريده - تجهيز الباترول سفاري 2008 بالصور للبطاريه الاضافيه وماطور الهواء ومحول الكهرباء ولمبه الكبوت ولمبه الكبس الخلفي وبعض الاضافات الآخرى للسياره والاسعار* الاسعار - تجهيز اللاندكروزر بالصور تركيب البطاريه الاضافيه وتركيب خزان الماء وتركيب الطبق وتركيب شبك علوي وعلاق للسبير - الجزء الثاني لتجهيز الباترول سفاري اضافه بعض الافياش للمحول وسلك ل 12 V (متعدد الاستخدامات) ولمبه الكبس الخلفي - شاهدو الــطــبــق الـمــريــح يا أهـل الجـيـوب........فيصل المنصور تركيب طبق مخصوص وتانكي ماء طبعا يوجد الكثير من المواضيع عن تجهيز السيارة في منتدى السيارات وتجهيزاتها وللعدد ســنــه أولـــى بــريّـه إلـيـك العـزبـه الـمخـمـلــيه ...فيصل المنصور الطبخ وملحقاته والقهوه والشاي وملحقاته ومتفرقات أساسيه وتكميليه وأفكار وغيرها من مواضيع قيمة عن العدد موجوده في منتدى عدد الرحلات والأجهزة ولا تنسى أن تشاركنا في ما رسيت عليه من تصميم وبالتوفيق |
داب الرمث .. ابو مروان
بيض الله وجيهكم وماقصرتوا والي عندة اضافة من بقية الاعضاء ما نقول لا.... |
الغالي ابوخالد ماشاء الله الله يعطيك خيرها ويكفيك شرها من الاشياء المهمه لتجهيز السياره والله اعلم البطاريه الاضافيه ونظام اشتراك بين البطارياتان ماطور الهواء محول الكهرباء تانكي الماء الطبق للشنطه لترتيب الاغراض والجراب للمحافظه على الشنطه تركيب لمبات على الكبوت من الداخل للاضاءه اثناء الجلسه مساعدات للسياره او بوالين والمساعدات برأي افضل واطول مده تحمل دعاميه اماميه كشافات اضافيه على الصدام او على الدعاميه ونش اذا اردت وانصح ب waran الامريكي الكفرات انصحك بالدنلوب من المهم وجود جهاز الايكوم او الكنود معك للتراسل مع زملائك او عند الضروره والانقاذ وكذلك جهاز ال GPS الجارمن العزب وتجهيزاتها: عندك محلات كثيره في الرياض والقصيم وننتظر باقي الاخوان موفق بإذن الله ... لك مني أجمل تحية . |
مشكور اخوي بسام
لكن وين القى الونش وبكم سعرة؟ |
اخوي ابو خالد
الاخوان داب الرمث وابو مروان و بسام كفو وفو والله يجزهم كل الخير ممكن اخوي تجيب لانا صورة للجيب الجديد لاهنت لو انت في الشرقية افضل محل للعزب هو القناص على طريق الملك فهد بعد المعارض السويد وغيره... وإذا حبيت تعرف وش العزب ادخل على المواضيع العامة في نفس المنتدى في موضوع بعنوان (متطلبات طلعة البر من إلى) الكاتب ابو عبدالله الغامدي وهناك سوف تجد ماتبحث عنه بإذن الله . تحياتي حبيب ................................ |
اقتباس:
الغالي الونش انواع وافضلها برأي هو warn ووكيله هو السليماني بالرياض ويباع عند بعض الموزعين واسعاره لقوه 3.5 او 5 طن تتراوح بين 4000 الى 7000 ريال تقريبا او ربما اكثر بدون تركيب موفق بإذن الله ... لك مني أجمل تحية . |
السلام عليكم ورحمة الله وبركاته بسام..الرحال الغامدي بيض الله وجيهكم وماقصرتو ... ابشركم شريت عزب القهوة والشاي والطبخ كاملة والكامل وجه الله ثاني شي معروضة علي جهازين ايكوم واحد 2100 وواحد8000 وشرايكم وش الي ينفع واحسن استعمال واقل خرابات؟ الشي الثالث اخوي بسام لاهنت الونش ابي اركبه ولا ادري وين اروح وبكم يثبتونة؟ اخوي بسام انا اطلعت على موضوعك في تجهيز السفاري وش نوع المحول الممتاز ومن وين شريت الافياش الي مركبها في الطبلون حقت الكهرب 220؟ الشبك العلوي للسيارة من وين يفصلونة؟ وهذا الموتر وش ناقص من الخارج من التجهيزات علمونا بيض الله وجيهكم؟ |
اقتباس:
الغالي مبروك العزبه الجديده الجهاز الذي اعتقد انه مناسب هو 8000 لانه اقوى واط وكذلك يجي معه مروحه لتبريد الجهاز وكذلك سماعه الجهاز تأتي بالامام ,ولكن حجمه اكبر من 2100واتوقع كل الجهازيين في نفس الجوده وقله الخرابات ولكن 8000 يجي منه صيني فأنتبه الونش تركبه من عند اللي تشتريه منه (السليماني بالرياض وورش الترهيم سوافي وغيرها ولا اعرف قيمه تركيب الونش فأعذرني) المحول الكهربائي هو koyo ياباني بقيمه 150 ريال تقريبا وشغل التجهيز والافياش عند بتار بالدمام والعنوان سوف ارسله لك بالخاص مع عنوان ورشه القصيم اللي ركبت الشبك العلوي للسياره والله يوفقك وييسر دربك بسام |
الله يطعمك من خيره ويكفيك شره وبأذن الله الشباب ماقصرو ولا تبطي علينا بالصور النهائية للمبروك بعد التجهيز اخوك |
عافاكم الله ياجماعة الربع وماقصرتوا...
وسنوافيكم بكل جديد... |
على البركه .. ألف مبروك يعطيك خيره ويكفيك شره
أنا توي بايع موتري ( باترول ) وعندي كثير من التجهيزات إذا لك فيها نظر : _ ونش ( مركبه من السليماني ) ممتاز جداً وأظهر كفاءته في كثير من المواقف ولله الحمد . _ صدام استرالي ( arb ) أيضا شاريه من السليماني . _ سلة علوية مع خيمة 2×3 من الجانب الأيمن .. ومن الجانب الآخر ( ظل ) أيضاً 2×3 وعليها تانكي وعزبة للحطب .. إذا لك نظر أرسل لك الصور أو تشوفها مباشرة أتشرف بذلك .. أخوك / ابونوره 0553135665 |
| الساعة الآن 07:57 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir