|
لاباس ياقرمٍ كريمٍ ذراعه *** لاباس علّ الباس في مخلف الصاع
لا باس ياقرمٍ كريمٍ ذراعه ........................لاباس علّ الباس في مخلف الصاع هذي هي الدنيا عبور ومتاعه .......................نــوبٍ تبور ونوب نلقابـهـا امــتــــاع واللي لدغ فيها ترا الحبل راعه ......................عينه تشوف حبـــال والجسم مرتــــاع اهل اللكاعه فاسدين البضاعه .....................منهم تراي محـذر العـيــن واســـمـــاع اهل اللكاعه والحكي والجشاعه ....................اللي علـــى غـــرات الاجـــواد قطـــاع عندي عليهم يارفيقي مناعه ....................وعنـــدي لهم سمٍ للاعضــاء مشـــــاع ماقرب مجالسهم ولو ربع ساعه .....................بعدن عن الهيّــن معــزه ومشــفـــــاع واللي يشرّفني ولي به طماعه ...................شــرواك يايــوسف انـــا فـــيه طمّـــاع اهل الكرم والجود فيهم وطاعه ..................اللي لهم في داخـل القــــلـــــب ميقــــاع يازين مجلسهم وزين اتساعه ...................فيــه الهــــروج الطــيبــه والتمــتّــــاع فنجال بنٍ مع اخلاص قداعه ....................يبعد عماس الراس لـــو فـــيه مصـداع والبر مودع في ظميري وداعه ..................احــب شـوف البر في وقــت مربـــــــاع في خايعٍ نبته سوات الزراعه ................فيــه ام ســالم تبـــدع الصـــوت بــبداع ومعنا طيورٍ ساطياتٍ قطاعه ..............تودع كبير الخـــرب طـامن ومنصـــــاع هذا هوى بالي وهذي طماعه ............والـــرزق عنـــد اللــه كـــريمـــن ومنــــاع وصلّو على محمد زعيم الجماعه .................عـــدّ الرمــل واعــداد مانـــاض شلاع ((طلال بن فهد العيد)) |
صح لسانك وعلا شانك
قصيده جزله من شاعر جزل |
اقتباس:
قصيدة جزلة وليس لمثلي ان ينقد امثالك ويظهر لي من هذا البيت ان لها سبب ليتك استوفيت معلوماتها لنا او ان كان لها قصة ! دمت سالما وصح لسانك |
صح لسانك اخي ابو فهد
ومشكور على هذه القصيدة بارك الله فيك. |
اقتباس:
صح بدنك,,وسلمك الله وبارك الله فيك |
اقتباس:
اقتباس:
الله يرفع مقدارك,,ولاهنت على الرد العطر. والقصيده فعلاً لها مناسبه. وهي مجاراة لقصيده للشاعر الكبير: يوسف الخليفه.عندما ارسل علي قصيده يقول فيها: من يرجي بسوق السراب البضاعه ..................يبني علـى كفـه ثلاثيـن مرقـاع يقيس في رمـل الروابـع ذراعـه ..................يمكن يحصل مضرب العود ما ضاع او يلقى في كنز الـذواري طماعـه ..................الجرم والعـودان مـا جـاه بيـاع من يقضي الحاله على غير طاعـه ...................يمضي على ريع الخساير بلا صاع ومن يلتهي فكره ولو ربـع ساعـه ..................يحس في مدهالـة التيـه الاوجـاع ما به حسافـه لـو تهيـا قلاعـه ...................مثله مشى واحدى الوريكين نسـاع احـدن تمكـن بالمحانـي مشاعـه ...................واحدن يفوح بطيب وارشوق دفـاع احدن يعادل قوم باطـرف اصباعـه ....................واحدن ولا يساوي شراريبن مزاع بلاي انا بعض البشر يـا جماعـه ...................شين عرفته يجعـل القلـب ملتـاع وانا احمد اللي مستـوي بارتفاعـه ...................انه كفانا مـن عجاريفـن فضـاع يا ليت من يبعد عن اهـل اللكاعـه ..................اللي مجالسهم بهـا فعـل الاشنـاع حتى ولـو فيهـا ملاحـق وقاعـه ...................ترا السعيد اللي عرف ربه وطـاع حتى لو انه مفتـرش رمـل قاعـه ...................والرمث عطره في نسانيسن لسـاع والطير غنـا مستطيـب استماعـه ...................واقصى الحزم يسرح بالاغنام مرياع اخير من قصرن نهـض بالبراعـه ...................حتى ولو هو بين الافـواه منـذاع البر يصلـح للـي فيـه استطاعـه ...................اللي هوا باله زهـر كـل مربـاع وقت الاجازه حتى لو طـال باعـه ...................يسري بعيد الـدو هـاوي ونجـاع |
مجاراة رائعة وجزل لقصيدة ايضا جزلة
صح لسانك أخي العزيز وصح لسان الشاعر المميز ابو عبدالله |
والبر مودع في ظميري وداعه
..................احــب شـوف البر في وقــت مربـــــــاع اخوي ابوفهد ما اقول الا الله يحرم وجهك عن النار قصيده طيبه بارك الله فيك |
صح لسانك اخي ابو فهد ومشكور على هذه القصيدة |
أبوفهد صح لسانك وصح لسان أخونا يوسف الخليفه ... شاعرين مايقدح منكم إلا الجزل ... الله يجزاكم الجنه ... ولاتحرمنا من جديدك يابو فهد ... ,,,,,,,,,,,,,,,,, تحياتي ,,,,,,,,,,,,,,,,,, |
صح لسانك واعتلى شانك ولا هنت
بيض الله وجهك ع القصيدة الجزلة وزين يوم انك بينت قصتها لكي نستمتع بها اكثر لا هنت يالقرم ابوخالد نوماس سدير |
الغالي ابو فهد بيض الله وجهك يالامير ورد وافي والشكر موصول للشاعر يوسف اخوك |
صح لسانك قصيده جزله تسلم
دنيا كفاالله شرها شينة اطباع ==== تقطع عقب زين القبول بقطاعه احد لقا فيها مرامه والاطماع ==== واحدن لك الله مايحصل متاعه الوقت لوزين لك ايام خداع ==== ياما هدم بيت اوساعن ارباعه وياما ضهد رجل صميدع وصعصاع=== اللي اجتمع فيه الصخا والشجاعه تقبل تحياتي --- |
اقتباس:
صح بدنك ,,ورفع الله قدرك. ولاهنت على المرور العطر |
اقتباس:
الاخ صقر,,صح بدنك والعفويالغالي |
| الساعة الآن 08:21 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir