تدخل الريح طرماء من فتوق الجبال
 

دون درب النهاروفـي دروب الليـال

أمشي النور خطوه والظلام الف ميـل

وألف ليله وليلـه دون دون الوصـال

يكحل الهجرطرفي دون طـرف كحيـل

يامظامـي غـرام مالشمسـك ظـلال

تاقف الشمس فوقي يـوم أدور مقيـل

ويغري الشوف برقك يابعيـد الخيـال

والمطرمنك رمضى في متون المسيـل

في مطابيح شوفي لـك وجودوخيـال

واكره البخل وانت اغليك لجلك بخيـل

غبت عني بحال وجيـت يمـك بحـال

جيت ماتدري أني جيت عابـر سبيـل

تدخل الريح طرماء مع فتوق الجبـال

وينطق الظلع منها صوت صبر جميـل

وتلفح البيد عجله في اردون السـؤال

ويتبع الصوت أثرهـا مابغالـه دليـل

روس الأشجارمالت وين ماالصوت مال

وأنت وسـواج مثلـي كلنـا مانميـل

ابو سليمان
صح لسانك
جميله جدا

على الهامش.... فاتك نصيبك من الفلاشات

السلام عليكم ورحمة الله وبركاته
قصيده رائعه وجزله ورائعه بكل المقاييس .
ما شاء الله عليك الله يحرسك.
لاهنت

بسم الله الرحمن الرحيم

أخي الكريم أبو سليمان
إختيار جميل جدا وبيت القصيد تدخل الريح طرماء مع فتوق الجبال
لا هنت على النقل الجميل

وصف بليغ لا تكلف فيه


صح لسانك واعتلى شانك ولا هنت




ابوخالد

الغالي
ابو سليمان
صبا نجد
السلام عليكم
قصيدة جميلة صح لسانك
اعجبني الشطر
(تاقف الشمس فوقي يـوم أدور مقيـل)

اخوك
خشم الحصان
نغزة ....... باقي فيك عراش ........

صح لسانك يا صبا نجد..

وافيه من وافي

تحياتي لك