[ابو عبدالعزيزز]

اخواني

حياكم الله جميعا وشرفتو ولاكلفتو

وانشاء الله ابطرح موضوع عن الدربيل اوسع واشمل من هالموضوع عن قريب


اخوي البارود

على حسب فلوسك

الالماني السايز واللايكا ومعهن الشفارسكي هن الافضل وقيمتهن من ال6000 الى ال10000 ريال

واعتقد ان فيه نوع شفارسكي سعره في حدود ال80000 ريال وفيه مانع اهتزاز وهو من افضل الدرابيل في السعوديه وحجمه 10*42 وصناعته نمساوي

اما الدرابيل الرخيصه فبوتاج جيد وانا توني شاري واحد صغير ابو تاج 10*25 وحجمه صغير مره وممتاز وصافي ومشكلته انه قبل غيبة الشمس بساعه معد تشوف به زين لان قطر العدسه صغير ومايدخل الاضاءه الكافيه الا في النهار وقت الاضاءه القويه

وفيه النيكون لاباس فيه وسعره مناسب وفي حدود ال200 وعندي واحد 8*35

وعندي بوشنل ايضا ممتاز مقاسه 12*50 وقيمته في السوق على ماظن 1070 ريال

وكان عندي سايز الماني 7*50 وفرطت فيه وتحسفت عليه كثيرا وكان صافي جدا وتقدر تشوف فيه بعد غيبة الشمس بساعه وهذا دليل على ان زجاج العدسات يوصل الاشعه مهما كانت ضعيفه

وفيه نوع اسمه جلوريا واشوف الناس تتكلم عنه في المنتديات وماعندي عنه اي فكره


على كل حال اذا كنت منت عارف وش تبي واستخدامك له يبي يكون قليل فشتر ابوتاج