[محمد الملحم]

1- الهواية.

2- إدراج الصور إن امكن .

3- طريقة التصميم متحرك،عادي.

4- كتابة نص أو جملة في التصميم.

****************************************

الغالي / أبو محمد . .

ج 1 : المغامرة و الإستكشاف و حب المكاشيت بشكل جنوني .

ج 2 : لا توجد لدينا صوره ، لكن ضعها على ذوقك وتكون مرتبطه بالبر مثل ( توقعيك يالغالي ) ويكون هناك حطيبات مشتعله ودلالال رسلان وتميرات .

ج 3 : تصميم متحرك و ساكن في نفس الوقت .

ج 4 : هذي الأبيات أختر مايدل على الحب للبر و المكاشيت

يالله بـمــزنً يــهــول وتــذهــل بــروقــه
رعـادهـا ينـسـمـع مـــن قـبــل بـارقـهـا

مــزنً حـقــوقً صـــدوقً ثـقـلـه يـعـوقـه
في مشيهـا كـن والـي العـرش عايقهـا

ينشى مـن الغـرب ريـحً صلفـه تسوقـه
والـريـح مــن وآلــي الاقــدار سايـقـهـا

مــن شافـهـا قـــال يـاسـاتـر لمخـلـوقـه
يالله تـحـفَـظ عـبــادك وانــــت خـالـقـهـا

علـى اول الـوسـم كــلً يطـلـب اوّفـوقـه
حـسـاب عـلـم الفـلـك علـمـه يوافـقـهـا

لا جاء مع الفجر تمطر صافي حقوقـه
عـلـى أول الـسـر تـبـدأ فـــي حقايـقـهـا

سـيــلً يـسـيّـل مـسـيـلً تـكـثــر طــروقــه
من ضلع جمران الـى الملقـا طرايقهـا

والظهر من فوق صفرا السـر مدفوقـه
تـصـب خـيـره عـلـى القيـعـان تغـرقـهـا

والعصـر فـوق النـفـود تسـيّـل عـروقـه
مشـيـه مــع النّـفـد كــن احـــدً يعـرّقـهـا

وتـالـي نـهــاره تـهــل بـطـيـب غـدوقــه
عـلــى ديـــار الـوشــم تـكـثـر غدايـقـهـا

يسـيـل منـهـا شعـيـبً مـرمــسً عـوقــه
ضـيـع مجـاريـه وكــل عـقــوم يشلـقـهـا

يملـئ الخبـاري وكــل دروب مشقـوقـه
حـتـى الـحـزوم الرفيـعـه قــام يصفقـهـا

نهـار خامـس تشـوف الارض منتـوقـه
بـــاذر نـبــات الـوســم بــيّــن منـاتـقـهـا

وتربـع ارض عقـب ماهيـب محـروقـه
من حـر شمـسً طـول الصيـف تحرقهـا

يـفــرح بـنـبـتـه فِــريــقً يـتـبـعـه نــوقــه
بـدوً مـن الوقـت عجـزة عـن علايقهـا

واهل المكاشيت عاشق شاف معشوقه
يـضـمـهـا لــيــن يـسـمــع دق خـافـقـهـا

يـازيـن مجلاسـنـا والـصـبـح بـشـروقـه
في وسـط خبـرىً ربيـع الوسـم وافقهـا

متـخـالـطً حـرفــه وروضـــه وثـعـلـوقـه
وان هـب نسنـاس تكـثـر مــن تعانقـهـا

ريـح النفـل والخزامـى طـيـب انشـوقـه
يغـشـاك عـطـره مــع النسـمـه تنشّقـهـا

وتلقـى الزبيـدي يبـاري نبـت رقـروقـه
لا شـفـتـهــا تــذكـــر الله ثـــــم تـنّـتـقـهــا

والـنــار مـــن بيـنـنـا تَـشـعـم ومعـلـوقـه
بـعـروق رمــثً وراعــي الـبـر يلحقـهـا

فــي جنبـهـا دلـــةً صـفــراء ومـدقـوقـه
دلـه مـن الكـيـف راع الكـيـف ناسقـهـا

فنـجـالـهـا كــــن در الــحــور بـرمـوقــه
يـسـوى ثلاثـيـن مــن غـيـره ويفـرقـهـا

احــب انــا الـبـر فــي ذكــره ومنطـوقـه
كلـمـه تـزيّـن وجـهـه وشـفــاه ناطـقـهـا . .

منقوله القصيده من منتدى و تم أخذ الموافقه من صاحبها على ذلك . .
ومشكور على تعبك معنا يالغالي . .

وكتابة أسمي بالتوقيع ( أبو تالا ) و عاشق عيون الجواء