السلام عليكم
اتحدث لكم من تجربتي الشخصيه مع الجيران
نسكن في احد الاحياء الراقيه بشمال الرياض وحيث ان والدتي اطال الله بعمرها دايم تقول لي انتي مافيك خير يابنتي
ماتعرفتي على الجيران ولا عزمتيهم ولا شئ قلت ياماما انا مااعرفم ولا اعرف نفسياتهم هل هم يستقبلون الزوار والجيران ويحبون اتعرف والا لا
تدرون وش الطريقه اللي اسلكها الان للتعرف على الجار
اطلع من الدوام بعد ال س 12 ويكون الشارع هادي وبالصدفه تكون صاحبة البيت توها راجعه جايبه عيالها من المدارس على طول اسلم عليها واصافحها واتعرف عليها واقول انا بنت جارتكم ام محمد واعرفها بالعائله وان الوالده ودها فيكم وتتعرف عليكم وسيرو علينا وسبحان الله يلبون الدعوه على طول ويجون ويسيرون علينا وسلكت هالطريقه يمكن مع اكثر من اربعة بيوت اني اتعرف عليهم واعزمهم ويلبون الدعوه ولله الحمد
وهذا كله نسويه لعظم حق الجار واحاول اني ادعو جاراتنا واجمعهم مع بعض ليتعارفو ولله الحمد
والله يعييننا واساكم ويوفقنا الله لما يحبه ويرضاه