[الوافي عزام]

الله يعطيك العافيه

وفعلا صوره رائعه جدا والارانب كبيره بالحيل
ارانبهم هذي عن ثلاث من ارانب الشمال
وايضا عن خمس من ارانب الرمله

مقطع الفديو ذكرني بسالفه قبل 6 سنوات
رحنا لمقناص وكان معنا واحد من الجماعه صغير سن نوعا ما جايبه اخوه معنا يوسع صدره والولد مهوب راعي طير ولا سلق ( الله يعزكم )
ولا استانس ويبي يرمي بالبندق
والطيور اللي معنا فوق السبعه
ولا هم مخلينه يرمي لان ماتعتبر متعه بالنسبه لهم

وقالي الولد ابي ارمي تكفى وقلت له ابشر يوم جا المسا وحنا بغدره وادور انا وياه والا ذيك العدنه الكبيره والحقها بالموتر ويرميها رميه شلتها عن الحركه يوم نزل الولد ومعه البندق وجا يمسكها وهي تنحاش شوي ماتتعدى متر لانها مواته خالصه
ويقوم الولد الله يصلحه ويقشها والاها من قو الرميه مرتفعه عن الارض
ولا فيها عضم الا وهو مكسر وقعدت اضحك بيني وبين نفسي قلت خله ينبسط

ودرنا بالليل ورما له اربع غير الاوله ورجع وهو مبسوط

وشاكر لك موضوعك يالغالي