قصيدة
مين يقدر على الزمن
سبحان اللة
دايما فى الصبحية
كلمة صباح الخير
فى البرد وشاح
وقناة المجد
فوق مايتصور
الانسان
فى الفرحة براح
بتزيد من سعادتنا
كوباية شاى
متظبطه
وشوية مية
صقعة قراح
وشندوتش فول
بالطحينة ملخبطة
وزوادة
تفرفش
للواحد رواح
واحد شندوتش
طعمية
مدندش
واطلع على الشغل
اسرح
كلى نجاح
فى الضهر
اصلى واسبح
ابغى الصلاح
وبعدين نطلع
من الشغل
صقعنين فى
يوم شتا
نتكتك
فى الرياح
وحرنين فى
يوم صيف
من نار الشمس
نتمنى الغمام
ترخرخ سحاح
فى البيت ناكل
اكل خفيف
وننام
فى البراح
فى العصر نصحى
على صوت ضيفنا
زى الدلو
اللى بينزح
من بير احلامنا
والصبايا الملاح
نطلع نقضى
مصالحنا
ونقعد
على القهوة
بعض الوقت المتاح
قهوتنا
سكر زيادة
وطبق مهلبية
يجيبة القهوجى
محروس ابو طاقية
وبنفرح ما مدينتا
تحتها شرطة
فى التلفاز
السونى
وهى على
الخرطة
ماركة فرعوني
يعجب السياح
فى الليل
ياجى بدرى
وجراحة
جراح
مايطببناش
الا انتظار
صباحة الصباح
نكرر امسياتنا
واحيانا نزور
قاريبنا
والطفلة قدامنا
تكبر فى
بيت الجيران
لغاية ماتاجى
دخلتها
نبدأ الافراح
نطبل
وتخلف طفل
يكبر قدام بيتنا
يحنجل
فى العيد
تكمل فرحتنا
ورا العيد عيد
وراها عيد
ثالث ورابع
وتعدى اعوام
بعدها اعوام
لا زمن
يقدر يكلمنا
ولانقل لة هوس
مين يقدر
على الزمان
او بية يحس
ولا نقدر نوقف
وسط الايام
نرتاح
نفكر
لغاية
ماتاجى ميتتنا
نكركر
نغرغر
ونقابل
رب الانام الفتاح
سبحان اللة
محمود العياط
من ديوان
رصاصة فى قلب الجياد العجوزة
******
قصيدة
قالوا لى
سافرت لبنان
عند الخضرواتى
وكفة الميزان
وكسوف شراك
اتوحشتك
فى الغياب
فى حى
رخو اللبان
وعند المسجد
وختمة القران
قالوا لى
سافرت لبنان
قالوا رحت هناك
لاخوانا الشجعان
فاكر من ازمان
قلت اسافر اليمن
الكويت او ايران
قلت كل بلاد
العرب لى اوطان
بيروت
محافظة البقاع
راشيا بعلبك
محافظة لبنان الشمالي
طرابلس
الكورة
محافظة جبل لبنان
الشوف
محافظة الجنوب
صيدا
قلت انك
بتحب تلك البلدان
ما تنسانا
ياصاحبى
عند شجر الارز
والكروم
هناك النعيم
بيدوم
والعبق المختوم
اية ياصاحبى
مكان مابنقعد
بعدك
فى القهاوى
ضلت الحكاوى
وتصدع الفخار
القناوى
اللى كان
مليان كلام
وقف على
رجلية الزمن
لما بخل بنا
السلام
وبيلعن المحن
كيف فى بعادك
يهدينا السراب
واية نعمل
فى العيشة الضباب
واقول بشجن
تاهت الطائرات والسفن
وبيدفع اصحابك الثمن
اما آن
لليمام الجريح
انة ياجى
على البان
ليستريح
انة يسمع اللة
دعوتى
عند الضريح
انك ترجع
مع الريح
دة الغربة تلال
دة الغربة جبال
مكان فى النار
بيد عمرها
ماشافت امطار
ضجيج السكون
اسى جوة العيون
دة الغربة
كلب مسعور
بياكل زى النار
فى الحطب
بس هو
بياكل فى الشعور
وبصيتك الظلال
وعند طوابيرالرجال
لقيتك فى النزال
نعم الصديق
وكنت الاخ
الشقيق
والساند لى
فى الطريق
لو صرخت
كنت معى
تاجى
لسمعى ومسمعى
وتقضى حوايجى
لو كنت مريض
وزادت الحاجة
فى اذلالى
تطيب حالى
واسترسالى
تدب الروح
فى كل اوصالى
تزيل من
قلبى شجونة
وبيتى تصونة
دايما الامل
بيهل
لو مس شبابة
الدل
بصيتك التخوم
تاجى ترفرف
زى الطيور
وترجع الديار
وترجع النجوم
فوق سطحك تعوم
وتسكن الحراير الرواسيا
وتبطل الجيران المواسيا
محمود العياط
من ديوان
رصاصة فى قلب الجياد العجوزة
******
قصيدة
ورقة نقدية
فئة مليون جنية
سالوا المجذوب
عن هموم الوطن
وكان السؤال جد
قال ليهم
فى يوم هبوب
فية ريح
مطر وبرق ورعد
وكان حسة وطنى
مليان حب للغلابة
وللمشاكل عندة
ابلغ رد
قال لاجل ما املى
بطنى
واتكسى من البرد
لية وزارة المالية
ماتطرحشى
ورقة نقدية
فئة مليون جنية
وقف على القنطرة
والسد
مليون جنية
يا خلق
زى الفل
وزى الورد
وكان المجذوب
لية فى فكرة بعد
قال قدام العيال
والحشد
عملة للتداول
المحلى الداخلى
والامم
يفتح اللة
للدول
تتعامل بيها
دى لينا احنا
المصريين
بلا حد
لية ياسيدنا
المجذوب
قال بعد دول
وجانا الرد
لتغطى
شهادة الملايين
والمصريين
يكونوا
اصحاب الملايين
والمجد
يبقى الفايز
ورقة واحدة
فى يوم سعد
شوف تجيب اية
يبقى زى
المجذوب نفسة
ولاحوجة لحقيبة
ولاماكينة
ولا ورق
ولا عد
شوف وضعنا
وسط الخلق
وكيف
يكون الحمد
وقال المجذوب
لاعايزة موازنة
ويروح التضخم
يعنى الدولة
تبقى مش مسئولة
افلاس او
تكاليف او عقد
ياة فكرة يامجذوب
بس اول واحدة
تبقى نصيبك
وعد
محمود العياط
من ديوان
رصاصة فى قلب الجياد العجوزة
******
قصيدة
الجمل جملنا
ويركبونا على الديل
الجمل جملنا
ويركبونا
على الديل
اصلنا فى الاصل
متاصل
فى وادى
اصيل
والخير مالينا
والعين مليانة
كل العز
تاج فوق
رواسينا
ولو جابوا
العبيد فعال
مانرضى ابدا
تتقال ولو جابت
كنوز ومال
لو علا الفجار
وجابوا الغريزة
محال
حتتباد بطبع
الحال
ولو عبد الكفار
بصدق وحيلة
واصرار
ولو زادوا
الطقوس طقوس
مايزيدنا
الا ايمان
ومهما يكون
قلبنا واحد
لا نرضى نقصان
او جاحد
ولو جابوا
الجبال ظنون
ولو خلوا
البحر وشاية
ولو كانت الهموم
تلول
ما يزيد
من اعادينا
بعزم اكيد
لنا فى الفخر
مداية
نتباهى
وسط الخلق
ونركب امام
الركب
وتكون
الصفوف اولى
وهزلنا عين الجد
ونتباهى
اذا ما الشمس
دانت
من
الشرق مسعاها
نحوالغرب
ويحترمنا اصعب
قلب
ونشرب من
كاسات الشهد
دا ماؤنا صفو
ولو كانوا
فى المياة الكدر
على جناح
الهوى ميلنا
ومايكون
سوى ميلنا
وفى ربوع
القنا والدهر
حفرنا
من اسامينا
ليسمعها
كل الخلق
ونقول للتاريخ
القول
ما كنا يمسنا
فتون
ولاحتى
طيف جنون
ولا يسوء
لنا مقام
ووسط الورى
الشجعان
وعند الجياد
الفرسان
وكان حبنا
لكل سلام
حب لااستسلام
بعزة وشهرة
وفن
سلمنا على
كل الناس
حتى ايدينا
ماتتباس
رجال خيرة
الناس
فى الفرح
والاحزان
وديوانا فوق
كل مكان
ولايهم اى زمان
وجيل بعد جيل
لانهدى ولا بنبيد
ولكل جيل طبعة
فريد
ويطاطى لنا
رعديد
اللى مايطاطى
للى خان النفس
ويهون اللى
مالة فرحة
بصدق
يهون
مالة لمحة
فى دنيا
تخون
من عيون
جارحة
تحت جفون
او يسخر من
بعض القول
ويكون فعلة
من القلوب
مقبول
ولو كان
هواة الطيش
عمرنا
مرة نطيش
ولو صدق
فينا القول
نكون سادات
بطول الكون
ونسجد
امام الرب
محمود العياط
من ديوان
رصاصة فى قلب الجياد العجوزة
*******
قصيدة
احبك بالانجليزى
اى لف يو
وحبك زى البلابل
فوق الاشجار والهو
ان كلاس اف اسكول
والكلام معقول
تغنى البلابل
احلى الاشعار
نير ماى هارت
او فار
موسيقى المزمار
عشق الغريب للدار
حبك عدد اوراق
شجر الارز
يور لف از استارز
وحبك عدد النجمات
فى الكون
ان افرى لاند
اند افرى استون
دا النجمات
فى الصباح تتذكرك
وتبات طول الليل
تناجيك حيرى
قو تو باك تو
اغانى الاوبرا
ان ذا يونفرس
وعند القمرة
اى سى يو
قلب حبيبى
نادوة
ارى قلبك
فى كل الاماكن
و فى كل الاتجاهات
ساكن
فروم ون تو تن
قمرا فوق الهضاب
ومابين السحاب
يزيح الغيم
يرسل اجمل البسمات
ان افرى ديركشن
اند بليس
مازال فى اول
خطوات رسيس
حبك الهميس
-----
بيهايند ذا وست
يور ايز قولد
مع الغروب
تبدو عينيك ذهبية
وفى الصباح تشرق
مثل الشمس
ماى هارت بوينت
يو وز فنقر
وكلة همس
يشير عليك قلبى
بمعصمة
يتمنى قبلة
هى ونتد ون كيس
لوس ونك
ان ذس ليف
الف سور
وزا مور فنيس
والجناح مكسور
والشتاء قارس
اهواك فى الشتاء
اهواك فى الخريف
ان افرى تايم
و ساظل احبك
بالانجليزى
وبكل اللغات
فى كل الازمان
تايم ونتر
بت ماى هارت
ان فايربليس
انى بدونك
فى الربيع
لاحبيب
ولا خل ولا ونيس
محمود العياط
من ديوان
رصاصة فى قلب الجياد العجوزة
*******
فهرس
ديوان
رصاصة فى قلب الجياد العجوزة
------
قصيدة
الساقيه
قصيدة
شجره المانجا
قصيدة
لقاء الماضى
قصيدة
رصاصة فى قلب الجياد العجوزة
قصيدة
المهاتما رجل السلام
قصيدة
الصعيدى
قصيدة
ذكرى سوداء الرداء
قصيدة
فصول
قصيدة
سنهبط فوق الشمس
قصيدة
دجاجة تحذر عائلة من حريق
قصيدة
الكويت
قصيدة
تبيع شعرها والاخرون
يبعون أشياءا أخرى
قصيدة
بيروت فى طبول الحروب
قصيدة
نهاية العالم
قصيدة
علوم الايمان
والثبات
قصيدة
سعاد تاكل الفول
قصيدة
من التحرير
الى كل العالم
قصيدة
عذابات فى جدار الليالى
قصيدة
يوم ممطر
قصيدة
الحمير دائما متعبون
قصيدة
مطرب القطار
قصيدة
تصوير إعلان
قصيدة
منارة الاسكندرية
قصيدة
البشر يجعلون رجل الجليد
جانبا
قصيدة
ارى عجوزا
قصيدة
لاغاب وجهك يروينى الندى
وردا
قصيدة
اكواخ الحب
بلا ابواب
قصيدة
مناطق لاتعرف
النوم
قصيدة
بيلية ملك قبيلة
الملاعب
قصيدة
الكل يتجة نحو
الاسكندرية
اوبريت عرايس
نوادر شعيب
فى عصر الصحابة
قصيدة
اقول تعالى الف مرة
قصيدة
ياابوطبع راسى
قصيدة
هناك الضوضاء
قصيدة
شراع الهوى
يجوب البحار
قصيدة
وتعالى تعالى
يااميرة
قصيدة
احتفال القرية
قصيدة
جاى فى معادة يابنات
قصيدة
مين يقدر على الزمن
قصيدة
قالوا لى
سافرت لبنان
قصيدة
ورقة نقدية
فئة مليون جنية
قصيدة
الجمل جملنا
ويركبونا على الديل
قصيدة
احبك بالانجليزى