يا خيمة بالرمل تلعب بها الريح = في تل قفر معشب السفح خالي
فيها النفل والزهر والورد والشيح = والذيب يطرد جافلات الغزالي
والجمر له ولعه وللنجر تصريح = وتشوف زول مهيلات الدلالي
وامشي بوسط الرمل واقوم واطيح = واودع الاحزان طول الليالي
واكتب قصايد وانشد الشعر واصيح = وانسى هموم القلب رايق وسالي
والطل فوق الزهر ينهل ويسيح = ويغرد القمري على رجم عالي
جات الضبا ولها مع الرمل تسطيح = تلعب مع بهم الربوع التوالي
وقت السحر حانت صلاة وتسبيح = والجو صافي مثل نور الهلالي
ا
حب من قصر رفيع بتسليح = في وسط لندن غيمها سم حالي
للشيخ سلطان بن سحيم آل ثاني