اقتباس:
المشاركة الأصلية كتبت بواسطة وراط
هلا بالغالي هزيم الرعد <<< الله يجيبه آمييييييييييييين
اولا البركة على الجهاز
ثانيا وراك بتيعه وش عيوبه ووش مميزاته ....
ان كانك ما لقيت الـ K800i ياخوي ما يغلى عليك اللي معي
انت بس هيت للرياض و ابشر بسعدك
اما الصورة اللي نزلتها ما شاء الله عليك و الله انها رووووعة بس لو كبرتها شوي ..
الله يعطيك العافية
|
هلابك والله ياوراط ...
الله يبارك بك ويسلمك
أنا لقيت عند المحل k800i حبة وحدة فقط ... قلت له أبي هذا حطه بالكرتون وحط الضمان لاتنساه << واثق
قال وين يالأخو ..هذا محجوز ..ويبي يجي راعيه ياخذه ...قلت يابن الحلال هاته بس مهوب جاي بس يهايط عليكم
قال الرقال اللي يبي يقي ياخزه من ترف "طرف" المعزب << خل تحت الزاي كسرة ..لأن اللي بالمحل مصري
عاد قلت له أبي شي مثل k810i بالتصوير .. قال هذا k770i
بس الصراحة ..مهوب مثلهن لسبب بسيط ...إن الـ k810i و الـ k800i يستخدمن الزينون بالتصوير
يعني فلاش زينون
لكن هذا فيه لمبة فقط ..لمبة led
مايعطي فلاش إلا في حال شغلت اللمبة ..يعطي فلاش بسيط ..وبدون فلاش الجوال يعطي شتر بطئ والنتيجة صورة مموجة إلى حد ما ... لكن بالخارج يعطي صور ممتازة
وهذي صورة الجوال
هذا هو نفس اللون اللي معي ... ويجي منه لون بنفسجي .. وأسود وبردقاني
من حيث الأناقة ...هو أكثر أناقة وسمكه بسيط .. بس هذا عيبه الوحيد ..يعني لما تصور بوسط الغرف ..تحتاج لثبات الهدف أو تبي تطلع الصورة مشوشة
وهذي صور له زيادة
.
.
وهذي ألوانه

وبيني وبينك ... أنا للحين براسي k810i
وإن لقيت لي مستعمل علمن وين هوبوه
تحس إني واحدن قلت حليته أنا وهالشرح
بالنسبة للصورة .. أبعدل به من جديد وأحطه مرة ثانية إن شاء الله
* على فكرة ... أنا أخذت منه k810i وجلس معي يوم كامل .. وهو رائع جدا .. بس عيبه الكيبورد إنجليزي خالص مافيه حروف عربي
لقيته مثل ماقلت قبل كم يوم في عالم سوني ببريدة بكيبورد عربي
وأي سؤال أنا حاضر