[عمعوم]

ثانيآ
المطار

اللحين رجعت المياه الى مجاريها والنفسيه صارت توب ولله الحمد وادخل واضف عفشي في الشحن... واقص البوردنق,,
وامر الصراف واصرف الدراهم اللي معي الى دولارات ريحتها تصك المخ..!!
وانتظر إلى ان ركبت الطياره واجلس في مقعدي وعن يميني وعن شمالي سيرلانكيات لايتكلمون العربيه.!!
وبعد فتره قصيره اقلعت الطائره وكان مافيها ولا واحد يتكلم العربيه ألا قائد الطائره محمد صبري مصري الجنسيه ..
وأحد افراد الطاقم اسمه بشار لبناني الجنسيه ..
اما باقي المسافرين فجميعهم سيرلانكيين ماعدا عائلتين اوروبيين..!!
وبعد مروراكثر من ساعتين ,,
وزعوعلينا كروت التعبئه لدخول الدوله واتورط بكرتي..!!
بحكم اني ماأفهم الانقليزي بتاتآ..!!

واطالع الا في مقدمه الطياره واحد له دقن ..!!
قلت انحلت هذا أكيد مسلم والمسلم أكيد يعرف عربي..
وبيعبي الكرت ويخارجني من المطار ..
واروح يمه واسلم ويلتفت علي ولارد السلاام تدرون ليش..!!!
لأن في نص جبهته نقطه حمراء .!!
يعني من عباد البقر ..!!!
واصرف الموضوع قلت تواليت تواليت... ويأشر لي على دورت المياه الله يكرمكم.,,
وانادي بشار ويعبيه لي وبعد اربع ساعات من اقلاعنا من مطارالشارقه اعلن قائدها بهبوطهاالتدريجي في مطار كولمبو..

والحمد الله نزلنا في المطار الساعه الرابعه صباحآ الاربع ..
والذي يعتبر من المطارت الجيده بنسبه لدوله ..كسيرلانكا ...
واقضب السرا اللي عند الجوازات الزحمه ماكانت بالمره يعني ابو عشر دقايق وانت مخلص,,

وفي نفس اللحظه وانا في السرا كنت افكر وش لون اتفاهم معهم عشان سالفت الفيزه ( سبق ان قريت
موضوع واحد في المنتدى ذكر الفيزه انها موجوده عند السفاره او في المطار) وبعد وصولي للموظف
واعطيه الجواز وانا اقرا المعوذات واقول في نفسي الله يخارجني وبعد ثواني ختم الجواز واعطانياه وهو
يقول بما معناه كولمبو ترحب بك واطلع من عنده على سير الشنط وادور على شنطتي واخذها ..
واتوجه مع العالم اللي معي إلى تفتيش الجهاز وامسك السرا معهم ويجي واحد يقول يو ارابي واهز راسي يعني نعم ..!
ويمسكني بيدي وياخذني معه..!!!!
قلت هذا اللي انا جاي ادورها وش يبي.. مني..؟؟
وعلى وين موديني..؟؟
ويمر علي شريط التكهنات المرعبه ..!!!!

عز الله رحت فيها!!!!

يالله المخارج !!!

وفيه باب على يمين تفتيش الشنط قام يبربر علي ...
ويأشر على الباب فهمت انه يقول ادخل مع الباب قلت اكيد ان هذا باب السجن حقهم يالله عساه خير لالغه سيرلانكيه ولالغه انقليزيه..!!
المهم وادخل مع الباب الامكاتب الصرافين قدامي ومن الفرحه اسلم عليهم كلهم ..!!
وكلن يناديني من عنده يبيني اصرف
واصرف 100دولار بــ10052عشره الاف واثنين وخمسين روبيه سيرلانكي.
واتوجه على مكاتب تأجير الفنادق طبعآ لم يسبق لي زيارت سيرلانكا قبل ولم يكن عندي معلومات عنها سوا
معلومتين اخذتها من المنتدى قبل الاقلاع وهي ان الفندق اللي فيه مطعم عربي اسمه قلداري وان فيه واحد
اسمه زهراني المغربي يتوجهون له اكثر السياح هناك..!
المهم نرجع لموضوعنا وادور في المكاتب الالوحه
قلداريا اخر مكتب واتوجه له واتكلم معه الاهو يعطي كلمتين عربي وعشر سيرلانكي يقولي ان الغرفه مع
الضرائب مع الفطور المجاني ب85دولار وبعد المكاسرات اللي تعلمتها في اندونيسيا توصلنا الى سعر 60
دولار واسأله عن زهراني قال هذا مكتبه ومسكر اللحين يفتح الساعه10صباحآ واعطيه اسمي قلت خله يجيني بالفندق..,,
واخذ من عنده تاكسي ب1600روبيه مايعادل 16 دولار واطلع مع التاكسي الساعه الرابعه والربع صباحآ..
وبعد ركوبي معه لاحظت انه يتكلم العربيه بشكل جيد وبعد45دقيقه الاأنا في الفندق قضيت وقت الطريق معه
في كثيرآ من الاستفسارات عن المناطق السياحيه وعن الاسعار يعني بالعربي استفدت منه ...
انتهى جزء الوصول والمطار والليله بضيف لكم جزء الفندق ومفاجئاته..,,