عند المحارب لو تشبـون بهـا نـار-- أخيـر وأحسـن مـن علـوم الطنـه
وللي زبنـا بعالـي الـراس سنجـار-- والحـرب يبغـي واحـد مايتـونـى
عـار علينـا ضيفنـا تمسـه النـارو-- اسيوفـنـا بايمـانـا ينهـضـنـا
تر الخوي والضيف والثالـث الجـار --شبه الصلاة مابيـن فـرض وسنـه
وليا عطينا ضيفنا ماضـل بنـا كـار --ونقعد عن زيـن المضاييـف بعنـه
رجالنـا يفـرح اليـا جـوه خطـار-- عجلـن قراهـن حـيـن مابـركـن
اول قراهـن مـن حاليـات لثـمـار-- يسايـر طلـعـت سهـيـل وفــن
وثاني قراهـن شبـة البـن ببهـار-- في دلـة ريـح المسـك فـاح منـا
خمـس دلال حاضبـات علـى النـار --ونجـر يلاعبهـن علـى كـل فــن
وثالث قراهـن حايـل يـوم تنمـدار --بمنـسـف دب الـدهـر مايتـونـى
ماخبرت بابن سعود يوم الدخـن ثـار --اكفـوا فـوده مننـا بــس ونــه
تسعين ليلـه وأشـب الملـح ينـدار --وللـي ينـام نطيـر النـوم عـنـه
صحنا عليهم صيحـة تجلـي لمـرار --ميتـيـن نـقـال الفتـيـل دفـنـه
وابن حميدان بنى السـور محصـار --وهلهل علـى درب السلامـه وغنـى
ياليت بطـن شالتـه تجافـي النـار-- ويجعـل مقامـه فـي نعيـم وجنـه
وقال أيضاً :
ياعلي مانمشي الحـق بالضيـف
الضيف ضيف الله ولا أحدٍ مشابه
الضيف له حقٍ ونحماه بالسيـف
عند المحارم مانهـاب الحرابـه
انتم جلوف ولابكم عرف تصريف
مثل الكديش ليا ركض جاب مابه
والله يا لولا ركبنـا للهفاهيـف
ما نعطي البدوان عوج الطّلابـه