هذه القصيدة لعقاب بن سعدون العواجي هذا الفارس الاسطوره الغني عن التعريف عندما فارقته ابنت عمه وحبيبته (نوت) ورحلت
يانوت عنا ظعونكم ليه شالت = ياحيف تم فراقنا ياحبيبي
زَملك مع الحزم المشرف تكالت = وقفت اراعيهن وقلبي غضيبي
عقبك عيوني بالدموع استخالت = من فوق خدي نثرهن فوق جيبي
وعقبك علي يازين الايام مالت = ارجع وعالج ضامري ياطبيبي
وديارنا من عقب فرقاك سالت = من دمع عيني قام يدرج شعيبي
وإن كان فرقاكم على القلب طالت = نجيك فوق منثرات السبيبي
ناصلك لو من دونك القوم حالت = من فوق قب يرهجن الحريبي
أو إن دونك قرّح الخيل جالت = لازم يجيبك حظنا من نصيبي