دعوه للنقاش حول نوعية الارز المفضلة لديك

[قناص النعايم]

بسم الله الرحمن الرحيم

السلام عليكم ورحمة الله وبركاته

الكل يعلم تعدد أنواع الأرز عندنا في الخليج ...... فهناك أناس يفضلون (( البشاور )) وأناس يفضلون (( المزة )) ........وهما المشهوران عندنا .......

والوكلاء عندنا في السعودية كثر منهم:
1/المهيدب 2/الشعلان 3/ابو كأس 4/ العلمين 5/الرشيد 6/العصيمي 7/ بالبيد 8/العيسائي ... وغيرهم ............

وقد ظهر قبل فترة رز (( الكلاسيكي)) وبعد التجربة تبيد انه يصنف من افضل واجود الأنواع!!!!!

السؤال // ماهي نوعية الأرز المفضلة لديك عند إعداد الطعام ؟؟؟؟؟

الجواب : الماركة ............................. نوعه :.......................( بشاور ، مزة )

[أبوعبدالعزيز]

وعليكم السلام ورحمة الله وبركاته

حياك الله يا قناص النعايم انا افضل وفي الفتره الأخيره باب الهند

[ثامرالماضي]

وعليكم السلام ورحمة الله وبركاته

أخوي قناص النعايم ... وش السالفه .. قط صايم ....>>>>> حلوه( قط) تحس إنها حيطانيه بقوووه

ترى كل نوع له وقته الصراحه ... وأقصد المزه ... والباشاور ...

أما بالنسبه لي أنا شخصياً ...

الجواب : الماركة .........بنجابي المهيدب.......... نوعه : ........باشاور........( بشاور ، مزة )

والله يا أنت جوعتنا هالحزّه ...

عموماً مشكور وماقصرت ... فكره حلوه ...

,,,,,,,,,,,,,,,,,,,,, تحياتي ,,,,,,,,,,,,,,,,,,,,

[ضحوي]

وش قصتك مع الرز هالحزه

لاتكن جوعان بسم الله عليك

[شموخ]

طبق اليوم


والله احنا نفضل ابو بنت الأمريكي


لكن ابوي يحب مزة في جميع الكبسات لأنه يرى انه خفيف وسريع بالطبخ


اما انا صراحه مايعجبني غير ذو الحبة القصيرة الأمريكي


ويعطيك العافية ياقناااااااااااااااااااااااااص


اختك فارسة

[Abdullah K. AL-Hassan]

وعليكم السلام ورحمة الله وبركاته

الغالي قناص النعايم

وشلونك عساك بخير ..

وش جاب الطاري .. لايكون تبي تفتح مطعم شعبي .. ....

الجواب : الماركة :بنجابي المهيدب.......... نوعه : باشاور........

و

الجواب : الماركة :أبو كاس .......... نوعه : مزه ........

.....

تقبل مني خالص الود والتقدير والمحبة
أخوك ومحبك في الله عبدالله

[خالد الشريهي]

بالنسبه لي البشاور اي كان نوعه

[ابو فراس]

انا احب المطازيز والجريش والمرقوق والقرصان

حتى الاهل لا اجد لهم الرغبة في الرز كثيرا

ولكن البشاور ما يعلى عليه

اخوي قناص النعايم

ممكن تعطينا فكرة عن الرز الكلاسيكي وين يباع لتجربته في الاستراحة

[عبدالرحمن الدرويش]

قناص النعايم.. هلا بك

وتفضل هذين النوعان هما المفضلان لدي..
الأول: اسم الماركة أبو خروف النوع: بشاور.
الثاني: اسم الماركة أبو كاس النوع: مزّهـ.

ونشوف آراء البقية..

أبو فهــد..

[الوافي عزام]

مزه ابو كاس ..... صديق الكاتم

لو أحط غيره بالقدر ممكن مايصفر القدر يستنكر

[البجلي]

ياهلا ومسهلا




اذا جاء طاري الرز بدت الاسلاك تتضارب
مدمنين رز وشاهي
بالنسبه لي في الطلعات والمضغوط بالذات ابو بنت
في البيت منوع
احيانا بشاور
وابو كاس دايم مرتز ههههههههه
وسلامتك يالغالي
تقبل تقديري

[عمار السفينه]

وعليكم السلام ورحمة الله وبركاته

هلا أخوي قناص النعايم

الصدق الصدق اني ما أفرق بين أنواع الرز

أهم شيء رز وبس

الله يديمها من نعمه

[Abu Ibrahim]

1- الوليمة باشور
2- امريكي ابو بنت

[محمد المعارك]

بصراحة انا اذا ما اكلت رز مزة ما اعتبر نفسي أكلت رز

قبل كم سنة ظهر بالسوق نوع غالي وخاص اسمه كوهي نور بس انقطع وكان أجمل وأطعم ما أكلت .

حالياً ابو كأس والشعلان هما الأفضل وسمعت عن الوليمة انه احسن منهن لكن بعد التجربة ظهر لي ابو كأس الأفضل.

[الرايق]

افضل ابو كاس
البشاور زين بس يبيله فن
شكرا على الموضوع الرائع