[صاحب الطير]

نقلتها نقلا مباشرا من فم جدي حفظه الله ورعاه عندما كان يعمل لديه وعمره 16 عاما..

يقول جدي حفطه الله:

كنا يوم من الأيام متجهين من الرياض وكان الملك ناصي الطايف..وإلا به ذلول لرجال من البدو..زكان معه بعارين محمل عيها حطب..ويوم زلينا من عنده صاح((يا ابن سعود يا ابن سعود)) قال الملك الله يرحمه: (( عودوا للرجال اللي صاح)) وعودنا له..قال الرجال: ((يا ابن سعود أنا رجال عندي عيال وأنا أطلب الرزق من الله)) قال الملك: ((أعطوه صرة من الريالات)) وكانت الريالات فضة والجنيهات ذهب..المهم..

الرجال المسؤل عن الدراهم غلط وأعطا البدوي صرة من الجنيهات..وبعد ما مشينا من قريب إلا المسؤل عن الدراهم قام يصيح((يا طويل العمر غلطت وأعطيت الرجال من الذهب)) قال الملك: ((عودوا للرجال))..ويم عودوا قال: ((شف ..مو بنا اللي عطيتك ولكن الله أعطاك..اللي معك ذهيب)) وقام الملك كتب ورقه للرجال وختم عليها حتى ليا جا يصرف ما يقولون سراق ..والورقه خير برهان..

وواصلنا دربنا حتى وصلنا الطايف..ا.ه

فهذه حقيقة من أروع القصص اللي سمعتها عن الملك عبدالعزيز رحمه الله تعالى..