قصيده للشاعر سيف السيف
البارحه ليل الفراق انتحـــابي *** ليل نحابعقاب عن عشــــقته نوت
ليل(ن) سكونه زاد لوعة عــذابي *** مافيه غير اهموم والباقي اسكوت
وشق السكوت..ابكاي واروى صوابي *** بكيت لين الحلق ماعاد به صــوت
ان كان مكتوب(ن)شـــقاي بشبابي *** ماتختلف باقي حياتي عن المــوت
يامــــرخصتني ويش قلبك نـوابي *** روفي بقلب(ن) من سبايبك منحـوت
ســألت ولسانك نطــق بالجـوابي *** وعندك جواب(ن) كان بالقلب مكبوت
لــوان قـلبك رد.. خفف مصــابي *** لكـن دفنتـــي رد قلـبك بتابوت
وان كان شفتي مقدم الراس شـابي *** انا اقدر ابدا كن مافاتني فـوت
وانتي رســم وقتك عليك الضبابي *** ماينفعك عــقدين لولو وياقــوت
لوكان عنقاء مارجــيت اللقـابي *** ولاعـاد لك بالجاش صيـوان وبيوت
وان بعتي ارضاي وشــريتي غيابي *** غيبــي غياب العمر ياحبة التوت
ولو طول اعنادك زمن وانتحــابي *** تراي ابا انسـى مامضالي مع نوت
عسى ان تنال اعجابكم
عليم العطش