التــــعويــــذه

[محمد بن سيف]

[overline]قصيده لاخي الشاعر سيف السيف (عكاشه) .

البارق النايض مسا امس بخيال=برقه نحر ليل الظلام وظلامه
النايض اللي شـب فالروح والحال=عليه يرتج الكيان ومقامه
فيه الخيال امعانقٍ شـم الاقـذال=والا عـلى غـبه وتسـعين قامه
جاوز مدى التصوير مـستـقبل اجيال=ويرجع مية عامٍ على عكس عامه
متوثبٍ مابين مـهره وخــيال=ومتمكنٍ يحكم مخارج كلامـه
مايخضع الا في ذرا الواحد العال=اللي جعل للرجل حــق القـوامه
وغيره فلا له هيبةٍ ترهـب الـبال=واجبه عندي بس ردة سلامه
وله واجب الرجال في سلم رجال=كلش ولا عرضت دروب الرخامه
ويارب انا بحماك من ردوةالفال =وادخل علــيك من العبث والوخامه
واعوذ من قبح التغطرس بالاعــمال=واعوذ من درق القفا والغشامه
واعوذ من وعثات الاقفا والاقــبال=واعوذ من قلبٍ ينقّد هيامـه
واعوذ من غدر الرفاقه والاهـمال=ومن مجلس الحقران واهل النمامه
واعوذ من ختل العذارا بالاقوال=واعوذ من تقليد مشي الحمامه
ومن وقفة الرجال بهجار وعقال=ومن ساعةٍ فيها يقل احـترامه
واللي على اقفاي الرجاجيل خـتال=وعند المواجه ماتراكب عظامه
دايم لهومات الاباليـس عـمال=ولمواجه المنقود وجهه غـرامه
مايطلع الا في مـواجيب بطال = مثل المناشف دون وجه الزعامه
يسرف بي التفكير في بعض الاحوال =وياما على دربه لحقني ملامه
واقول للي ماتفكر بالامـثال =دوم الهواوي موتته من غرامـه
لو عشقته ترمـيه في عرض الاهـوال =يستعذب التعذيب حب وكرامه
ما نيب مهتالٍ ولا انته بمهـتال =اذن بلال ولا احتريت الاقامـه
ياكثر ماشفنا من الوان واشكال =نصبر وندمح والمبادي علامـه
غريب اراقب عبر موجات الارسال =غريب ..عن راسه حذف بالعمامه
وماعاد غنا في هوى البنت موال =وحكم الفراق اليوم تبنى خيامه
اكبر مهانه تعتذر قِدم زلال =إن كان هذا شرط ؟ عفت استلامـه
من باعنا بجنيه بعناه بريــال =مجال شعر وحافظٍ له مقامـه

[/overline]
سيف السيف

عليم العطش

[ثامرالماضي]

من باعنـا بجنيـه بعنـاه بريـال *** مجال شعـر وحافـظٍ لـه مقامـه

صح لسان الشاعر سيف السيف ... ماشاءالله تبارك الرحمن الله لايضرّه ... عزالله إنها قصيده وافيه ...

لاهنت أخوي عليم العطش ... عزالله إنك راعي نقوه ...

مشكور ولا تحرمنا من إبداعات الشاعر سيف السيف ...

,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,

[قناص النعايم]

الله يعطيك العافية على القصيدة الوافية،،،،،،،،،،،،،،

[محمد المعارك]

صح لسانك يابو عبيد وصح لسان الشاعر سيف.
قصيدة كلها حكمة ونصح ... وعبر.

بارك الله فيك.

[حمد الجبيرى]

قصيده رائعه الله يعطيك العافيه اخوي عليم العطش

[محمد بن سيف]

ابو شعلان مرورك اسعدنا لاعدمناك وابشر بالخير

قناص النعايم الوافي الله يعافيك يالغالي
عليم العطش

[محمد بن سيف]

السلام عليكم ورحمة الله وبركاته
المعارك مرورك اضفى جماله على القصيده.
الله يرحم شايبك ياكريم