رحلة واستطلاع الى الحجرة والتيسية مروراً بالبسيتينات والبريكه
بسم الله الرحمن الرحيم
السلام عليكم ورحمة الله وبركاته
اخواني إحييكم تحية الإسلام منتدى الرحلات بكامله وإدارته وبجميع أعضائه ومشرفيه اليكم رحلتي المتواضعه وهي التي تمت بنجاح ولله الحمد بدأت رحلتنا المتكونه من اربعة اشخاص منقيين نقوه (يعني على كيفكم) هذولا مضمومين من ضمن الثايه لازم يوخذون للبر قرامه تعليق ايس يزعلون من المزح متى تلقى مثلهم لقد قمنا بالرحله من بريده الساعه التاسعة ليلاً من يوم الإربعاء &&ماسألتون ليش بدأت الرحله 9ليلاً لأن واحد من المهابيل اللي معنا يداوم بمدرسه مساء علشان سذا تأخرنا أقولكم ورحنا من بريده الى قبه ساموده طبعاً الطريق زحمه من كثر الرحاله الى البر همن يوم دخلنا طريق سامودة ومشينا ليييين تعدينا الكمب اللي هو الشركه شمال البسيتينات على الخط نفسه وفرقنا يمين لم النفود الدهنا بعد قلبي هي % طبعاً قبل مانمشي أخذنا دجاجه من بريده مبرد علشان لاوصلنا نشب على العشاء على طول اللي هي المقلوبه% همن دورنا نقره يحبه قلوبكم به الحطب والوناسه والذراء في الصباح قمنا من النوم مستانسين وفلينا الحجاج وتقهوينا وسوينا الفطور اللي يحبه قلوبكم منب معلمكم وشو الفطور ابيه مفاجئه بالصوره بعد الدهناء شلنا عفشنا وذهبنا الى الطريق المؤدي الى لينه رفحاء قمنا بزيارة الفياض اللي هناك وأحسنهن فيضة الغرابيات اللي شمال الإعيوج لينه ومن ثم الرجوع الى الجنوب مروراً بفياض الحجره والبريكه اللي جنوب البسيتينات .ورجعنا بحمدالله وسلامته . وإليكم هذه الصور تتحدث . المعذره على الإطاله
مقلوبة بالليل اول ما وصلنا للدهنا
فطورنا الصبح كبدة نص استواء وهذي المفاجأة
دع المكان أفضل مما كان بالدهناء
منظر الربيع بطريق رفحاء شوي لاكنه يوسع الصدر
صورة زميلنا ابوعلي بالغرابيات
2 صوره لشعيب اللي بعد الإعيوج
3 هذي بعد الجلسه
4 صورة الفيضه من فوق
5 مره اخرى
الفيضه مليئه بالرحاله
منظر اخر للربيع داخل الفيضه
مره اخرى
محاوله فاشله للتصوير من المهبول اللي معنا
بعد ما جلته جلد وقهرن ضبطت الصوره
هذي احدا فياض الحجره شمال المديد يوم رجعنا معرف اسمه.
داخل فيضة الغرابيات والشبه
عشانا غدا وعشا
الزعبيه
سكن بجبنا رحاله من بريده كانو طول الليل يهيجنون
صباح مليء برائحة الروض وسط فيضة الغرابيات
عاد انا بطبخ الكبده اللذيذه نص استواء طبعاً بالجبن
الأكليل
رحلة موفقة و جميلة
وسرد جميل حفظك الله
عندي لك حل للتصوير ،،، خذني معك وابشر بكثرت التقاط الصور لك أما الدقة والفن بالتصوير فأنا بتعلم عندما أطلع معكم إن شاء الله
و ابشر بعد بالتصفيق عند الهجيني
رحلة واستطلاع الى الحجرة والتيسية مروراً بالبسيتينات والبريكه
العرض العادي
