كنت أبحث في صور إجتماعات الإفطار الرمضاني السابقه ووقفت عند هذه الصوره للغالي أبوفراس وهذه البطيخه، الصوره من الأفطار الرمضاني عام 1428هـ بالدهو، ولا يكون بخاطرك شي ياعمده فقط من زود المحبه والجميع كذلك، والله الله يالربع بالتعليقات السنعه،
فعلا يابو فراس كان الجو ذاك اليوم بالدهو جميل جدا، والسمره كانت رائعه على ذلك الرمل الناعم خلاف إفطار العام الماضي اللي كان الجو فيه أكثر حراره وهواليوم اللي ضاع فيه مركا أبو شعلان اللي نام بدري ورحنا وهو نايم بجانب سيارته الهدد، الله يرجع الأيام الحلوه،،،،،،،،
وهذه صوره للجحيحوز بعد ما ذبحناها:
الأخوان اللي في الصوره من اليمين:
هاللي ماسك الحجه وباين نصف وجهه من أقارب خالد العيسى، بعده أبو شعلان يمكن أكل الجح اللي خلاه ينام بدري، الي بعده نسيت إسمه ولكنه أبو فيصل، بعده سعد اليحيى (ذيب العرمه) وهذا أبو شماغ خالد العيسى(قناص الحبارى)
صوره حلوه يوم ابوفراس نحيف الله يعطيكم الصحه والعافيه
التوقيع
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
صوره أعجبتي
.؟.؟.؟. الدنيا ليل وممكن الواحد وده يبرد على معدته بس منهو اللي واقف جنبه وأصبعه يأشر على الجحه.
العرض العادي
