~ , من يدلني على الـقاعده , ~

[القداح]

بـــسم الله الرحــمن الرحيم

أخواني الكـــرآم

السلام عليكم ورحمة الله وبركاته ,,,

أننـي منذ فتــرة وأنا أبحـــث عن قاعده

مثل اللي بالصورة لاكن للأســف لم أجد في السنيدي ولا برق الحيا

هذه قاعده مع اللي الموصل للعلبه والرآس لحال والقاعده لحال

فمن كان يخبر لي مثل هذه القاعده يرشدنـي إلى الموقع

ولها منـي جزيـل الــشكر وجزاه الله ألف خير

أخوكم: الــقـداح

[محمد العبدالسلام]

وعليكم السلام ورحمة الله وبركاته


حياك الله اخي القداح تمنيت اني اقدر افيدك بمكان بيعه
ولكن حاول اخي ان تبحث في جميع محلات الرحلات يعني كل ما مشيت بشارع ورأيت لوحه محل رحلات شيك على المحل لانه احيانا بعض الأشياء تنقطع في المحلات الكبيرة ولكن تجدها عند بعض الموزعين وان شاء الله تحصله .

هذا ما اقدر افيدك فيه وان شاء الله بقية الأخوه يفيدونك وبالتوفيق

[القداح]

أخـي محمد شكراً لك ولمشورتك الطيبه

وأنتظر باقي الـــشباب ولا تهون أخي محمد.

[احساس شاعر]

هذا افخم قعت اقلب بالعم قوقل
ورساني على احدث قاعده وهذا هي

[سرهيد]

السلام عليكم

هلا وغلا

ما عرضته اخي الكريم عبارة عن قطعتين كما يظهر في الصورة التالي



قاعدة موقد ورأس موقد مما يباع لوحده .

خابر(ن) لي محل كني قد شفته عنده ، ولعلي بعد العشاء اشوف الامر واتأكد لك ، فان وجدته حجزت لك وحده

وابشر بالسعد

وتامر يا عمي ابوفراس فديتك والله

تقبلوا احترامي

[سرهيد]

المشاركة الأصلية كتبت بواسطة احساس شاعر

هذا افخم قعت اقلب بالعم قوقل
ورساني على احدث قاعده وهذا هي

هلا بك اخوي احساس شاعر

للإفادة ما عرضته قز كامل اسمه الاكسبديشن من انتاج شركة كوفيا ويباع في اغلب المحلات بسعر 165 ريال

يعني ليس قاعدة بل موقد كامل .

لكن الاخ يسأل عن قاعدته وسبق واطلعت عليها ولعلي آتي بالخير له الليلة بإذن الله تعالى

تقبل احترامي

[ابو فراس]

ما دام وصلنا الى سرهيد فما بعد كلام

وان شاء الله تبي تحصل اللي تبيه

[سرهيد]

المشاركة الأصلية كتبت بواسطة ابو فراس

ما دام وصلنا الى سرهيد فما بعد كلام

وان شاء الله تبي تحصل اللي تبيه

ابو فراس يطلبنا ولا نخدمة ، ما فينا خير لو ما خدمناه

ومن اجل ابو فراس اقول لصاحب الموضوع ، تم الاتصال بمن كنت اظنها عنده وحجزت لك وحده وين موقعك وتوصل لحد مكانك طال عمرك

وابو فراس واهل الرحلات يامرون أمر

تقبلوا احترامي

[سرهيد]

السلام عليكم ورحمة الله وبركاته

وين اخونا القداح ، اشوف غاطس ما له حس

على العموم هذي صور لها وقد وصلتني بس حدد مكانك فديتك













ولو تعيد النظر تجد اني جربتها مع عدة رؤوس للتاكد منها

وابركها من ساعة خدمة اي واحد منكم

تقبل احترامي

[أبوخالد التويجري]

اخوي سرهيد


بيض الله وجهك وكثر الله من امثالك


لو تطقه بخاص احيانا ينسى الواحد الموضوع فالخاص يجيبه بإذن الله



ولآهنت




ابوخالد

[القداح]

أخــي سرهيد

بيض الله وجهك وماقصرت وصدق الأخ أبوفراس

أعذرني على التأخر في الرد لاكن يوم الأربعاء أكتب الرد وماينزل ما أدري ؟

لاكن على العموم أنت ماقصرت معي وهذي ماهي غريبه منك

اوصفلي مكانك وأجيك لعندك ... ولي عندك رساله على الخاص .,,,

وأكرر بيض الله وجهك يوم تسود وجوه وتبيض وجوه .

[ابو فراس]

السلام عليكم ورحمة الله وبركاته

اخوي القداح سلم لنا على سرهيد ابو عبدالله وبارك له بالعيد قبل الناس

[سرهيد]

المشاركة الأصلية كتبت بواسطة نوماس سدير

اخوي سرهيد


بيض الله وجهك وكثر الله من امثالك


لو تطقه بخاص احيانا ينسى الواحد الموضوع فالخاص يجيبه بإذن الله



ولآهنت




ابوخالد

ووجهك ابيض اخوي ابو خالد

وابركها من ساعة خدة اي واحد استطيع ذلك

وتمت مراسلة بناء على كلامك

شكرا لك

[سرهيد]

المشاركة الأصلية كتبت بواسطة القداح

أخــي سرهيد

بيض الله وجهك وماقصرت وصدق الأخ أبوفراس

أعذرني على التأخر في الرد لاكن يوم الأربعاء أكتب الرد وماينزل ما أدري ؟

لاكن على العموم أنت ماقصرت معي وهذي ماهي غريبه منك

اوصفلي مكانك وأجيك لعندك ... ولي عندك رساله على الخاص .,,,

وأكرر بيض الله وجهك يوم تسود وجوه وتبيض وجوه .

ووجهك ابيض

وتراني من اللي ينبسطون اذا خدموا لهم اي واحد يعني انت صاحب الفضل والمنة اللي خليتني اخدمك

ووصف المكان جاك على الخاص وعين فراش وعين لحاف طال عمرك

ومراحب والله

[سرهيد]

المشاركة الأصلية كتبت بواسطة ابو فراس

السلام عليكم ورحمة الله وبركاته

اخوي القداح سلم لنا على سرهيد ابو عبدالله وبارك له بالعيد قبل الناس

هلا بالعم ابو فراس

الله يسلم عمرك ويعلنا واياك من عتقاءه من النار ووصلت المباركة طال عمرك

الله يرفع قدرك ويرحم والديك

تقبل احترامي