2007gxrديزل

[حمد]

السلام عليكم ورحمة الله وبركاته.
كل عام وانتم بألف خير .
ومبروكين الشهر ونسأل الله ان يجعلنا من صوامه وقوامه<<<شكلي طولت

السالفه عندي ارض للبيع والشاري عنده صالون 2007gxrديزل
وبيني وبينه مزاود لكن والله ماني عارف كم يسوى الصالون
باين على ممشاه بسيط
والله العالم انه سالم من الصدمات
مادري وانا اخوكم كم يسوى؟
شوروا علي الله يجزاكم بالخير

[المثالي]

والله ونا خوك ماعندي الخبره الكافيه بس ان شاء الله يفيدونك الاخوان


وانت بخير

[ريع الدياب]

حمد

وعليكم السلام ورحمة الله وبركاته

وأنت بألف خير

بالنسبة للتايوتا اللاند الديزل فما لك الا أبوشعلان
وينك يابوشعلان ؟؟؟ ان شاء الله يعطيك العلم الوكاد

[حمد]

مشكورين على المرور وننتظر المساعده بأسرع وقت
الله يجزاكم خير

[حمد]

وين ابو شعلان؟
وين الشباب؟

[عبدالرحمن الدرويش]

الاخ حمد ..
هلا بك وحياك الله

بالنسبة لأسعار 2007 فما لي بها علم لكن أذكر حصلت موديل 2003 فل ونظيف حتى ممشاه حليل بـ68ألف على كذا 2007 مهوب غالي بالحيل.. والله يرزقنا واياك الخير وكل الخير..

اخوك.. أبو فهد

[باوزير]

الحين بتخلي الارض و تشتري سيارة
خلي الارض و اشتري لك سيارة بالاقساط اذا محتاج

[حمد]

المشاركة الأصلية كتبت بواسطة باوزير

الحين بتخلي الارض و تشتري سيارة
خلي الارض و اشتري لك سيارة بالاقساط اذا محتاج

الحمدلله الخير واجد وانا اخوك الله يرزق الجميع

الارض هذي ارض غير تجاريه واساسا مشتريها قبل سنه ونص بمبلغ بسيط وشوي تحسينات زادت الثلثين والحمدلله
السياره داخله في السعر يعني بيزيدني عليها .
مشكور عللى الرد بس لو تعلمني لاني باقي احك راسي افكرفي العرض ومن حيث المبدأ موافق.