الفرت الهاف ملك السيارات في الستينات...(معلومات وشعر وصور)
اخواني الكرام
هذا موضوع كتبته عن الفرت الهاف من حوالي سنه وللاسف ان الموضوع لطش وطرح في كثير من المنتديات بدون الاشاره الى كاتبه الاصلي او المنتدى المطروح فيه
مايهمني هو التنويه عن ان ابو عبدالعزيزز هو الكاتب الاصلي للموضوع وليس لاطش
والموضوع شامل عن الفرت القديم ويتكون من عدة صفحات
بسم الله الرحمن الرحيم
.
.
مقدمه
يقول امرئ القيس في وصف فرسه
مكــرٍّ مفــرٍّ مقبلٍ مدبــرٍ معــاً _×××_كجلمود صخرٍ حطّه السيل من علِ
له أيطلا ظبـــي وساقا نعامـــة_×××_ وإرخاء سرحان وتقريب تتفلِ
ويقول العطيفي العنزي في ذكر ناقته
يالله انا طالبك حمـرا هـوا بالـي _×××_ ليا روح الجيـش طفـاح جنايبـهـا
لا روح الجيش حاديه اشهب اللالـي _×××_ليا هي تورد وسيـع صـدر راكبهـا
اللي على كورهـا واللـي بالاحبالـي_×××_ واللي على عيزها واللـي بغاربهـا
لا روحت مع سباريت الخلا الخالـي _×××_ كن الذيابـه تنهـش مـن ترايبهـا!!
كانت الراحله لدى العرب الاقدمون هي الوسيله في التنقل والرحيل وكانت خير رفيق وونيس لهم في تلك الرحلات والاسفار
وكانو يذكرونها في اشعارهم متفاخرين بها ومعددين خلالها وخصالها الطيبه ومزاياها الفريده
وكان من اهم اغراض قصيدهم واشعارهم بل كانت ركنا مهما في القصيده اضافه الى ذكر الاطلال في افتتاحية القصائد وبناء الاغراض الاخرى للقصيده بعد افتتاحيتها
وكانو يقولون عن امرئ القيس انه اشعر الشعراء اذا ركب
اي ان قريحته تفيض باعذب واصدق مالديه من احاسيس ومشاعر اذا ركب راحلته.... وكان اغلب الشعراء قديما وحديثا يستهلون قصيدهم بالتغني بالراحله
في هذا الموضوع ساتناول ماقيل في راحله دخلت على مجتمع الجزيره في ثلاثينات واربعينات القرن الميلادي الماضي وهي السياره وهي اللتي حلت محل الراحله التقليديه اللتي عرفها مجتمع الجزيره منذ الاف السنيين
بداية دخول السيارات للجزيره العربيه كانت مع بداية ظهور البترول وجلب الشركات المنقبه واللتي احضرت سياراتها معها
كانت تلك الشركات تحضر معها سيارات قويه تتحمل مشقة الصحراء ومجاهلها وطرقها الوعره وكانت اغلب تلك السيارات شاحنات مختلفه الاحجام بدايه من الونيتات الصغيره(نسبيا) المعروفه وانتهاء بالشاحنات الكبيره اللتي تحمل عشرات الاطنان واللتي استخدمت في نقل المعدات والالات المستخدمه في التنقيب واستخراج البيترول
(وعلى طاري الونيت اصل تلك الكلمه لسيارة فورد بيكب مسجل عليها الرقم 18 او 1.8 ( على حجم المحرك) وكانو يسمونها بموجب رقمها الون ايت باللغه الانجليزيه اي واحد ثمانيه وبعد ذالك صارت كلمة الون ايت تطلق على اي سيارة بيكب في حجمها وتحرفت الى ونيت)
وكان هناك شركات عديده من اهمها شركة الزيت العربيه الامريكيه اللتي تحولت لاحقا الى ارامكو
وكان للمشاريع الضخمه واللتي لها علاقه بالبترول ايضا علاقه قويه بالسيارات ومن اجل تلك المشاريع احضر الالاف من السيارات واللتي بيعت في الاخير على المواطنيين كرجيع او انتفاء الحاجه لها بانتهاء تلك المشاريع ولعا اهمها مشروع مد خطوط انابيب البترول لللبحر الاحمر والبحر الابيض المعروفه باسم التيبلاين
ايضا هناك شركات نقل الحجاج والتطويف كان لها دور في جلب السيارات وان كانت اقل بكثير من شركات البترول
ولعل القطاعات الحكوميه لها دور ايضا بدخول السيارات للمملكه انذاك خاصه سلاح الحدود والحرس الوطني والد
فاع
وهناك مخلفات بعض الجيوش في المنطقه جراء انتهاء الحرب العالميه الثانيه واللتي كان لديها سيارات قويه جدا انتهت الى السووق المحلي في المنطقه وبيعت خاصه الجيش الامريكي والبريطاني اللذي كان له تواجد في الخليج والعراق وايران
ايضا لاننسى الافراد اللذين كان لهم دور باستيراد السيارات واستعمالها قبل وجود الوكلاء وهم وجهاء المجتمع او الزعماء السياسين وفئة التجار او غيرهم من افراد المجتمع السعودي
ولاننسى اول دخول للسيارات وهي الهدايا اللتي اعطيت للملك عبدالعزيز طيب الله ثراه من بعض رؤساء دول العالم
ربما كانت بداية السيارات في الثلاثينات وانتشارها في الاربعينات وازدهارها في الخمسينات والستينات وبعد ذالك اتت الطفره وعرفت السيارات اليابانيه وعمت السيارات كل مكان في المملكه وملكها كل فرد
وكان من اشهر السيارات اللتي احضرتها ارامكو (واللتي تعتبر رائده جلب السيارات لمجتمعنا السعودي) الدوج اللذي عرف بقوة محركه الجباره واحضرت الفرت ايضا والشفر والعنترناش والستديبيكر والجمس والماك وغيرها من السيارات الامريكيه اللتي لاتحضرني او لاعرف اسمائها وماركاتها جميعا
دعونا نستعرض بعض السيارات وصورها وماقيل وبعض ماقيل فيها من شعر
الدمنتي
ودمنتي كلمه باللهجه الشعبيه مشتقه من اصل الاسم لهذا الطراز وهي دايمند تي (Diamond T) وهو نوع او طراز من السيارات كان معروف انذاك ولم يعد له وجود الآن ولعل تلك الشركه انتهت وخرجت من السوق او اندمجت مع شركه اخرى وتغير اسمها
دمنتي 47
ولا اعلم ان كانت ارامكو استخدمت الدمنتي ام لا ولكنها وجدت كشاحنه كبيره وعرفت بقوه تحملها للاحمال الثقيله وقوه محركها على تحمل شق عباب الطرق الرمليه اللتي كان يضربها في الصحرء ناقلا تلك الاحمال وكانت الدمنتي مميزه بصوتها القوي اللذي يسمع من بعد عدة اميال ولعلها السياره الاعلى صوتا بين جميع السيارات وتلك الشاحنه المشهوره ربما انتجت للاستخدام العسكري واستخدمتها الجيوش وبعد الحرب بيعت للناس كرجيع وربما كان هذا سر قوتها وقوت تحملها للطرق الرمليه والوعره كونها سياره عسكريه
تقول عويشه السويدي من الامارات في قصيده وجدانيه طويله منها ذاكرة الدمنتي
وطى مهجتي وطي الدمنتي على الرستات_×××_جديد االتواير من كراجة يسوقونة
وفي بحثي عن سيارة الدمنتي لم اجد صور لها الا لموديلا الاربعينات الميلاديه وباحجام مختلفه
البارويجن
(هذا الشكل استمر من موديل 47 الى 72)
وهي سياره من انواع الدوج والاسم مشتق من اسم الطراز نفسه (Power Wagon ) اي سياره القدره العاليه
وهي اسم على مسمى فمحركها جبار بالنسبه لحجمها المخصص لنقل ركاب او حمول خفيفه وهي سيارة الدفع الرباعي المعروفه انذاك واستخدمت في ارامكو للتنقل في الصحاري على ضفاف كثبان الرمال وبدون ان تعاني من مشاكل ومشاق والسر في ذالك قوة محركها ودفعها الرباعي والاخص عندما يركب لها كفرات البالون السميكه اللتي تزيد ارتفاعها عن الارض مما يضفي لها مجال اكبر في المناوره على قطع دروب الرمال
وهذا الشكل كما في الصوره عرف منذ الاربعينات واستمر بنفس الشكل حنى السبعينات لم يتغير او يتوقف الا بعد ال 72
العنتر ناش (International )
كلمة العنتر ناش هي تحريف للاسم الاصلي للشركه الام(International ) انترناشيونال
وهي ماركه عرفت قديما مع قدوم شركات النفط وكانت من السيارات الاوائل اللتي جلبتها تلك الشركات للاستعمال في صحاري الجزيره
وهي احجام مختلفه صغيره وكبيره جدا وقد تكون من اكبر الشاحانات اللتي اعتمدت عليها شركانت النفط في نقل المعدات
وكانت من السيارات اللتي استخدمتها الحكومه في حماية الحدود ومكافحة التهريب.. وكان هناك مساجلات وردود بين المهربين وابن ودمان رئيس مركز ابرق الكبريت وكانت سيارة حرس الحدود هي العنتر ناش وسيارات المهربين كان اغلبها هافات وسوف اورد بعض تلك المساجلات بينهم في هذا المتصفح باذن الله
ومما قاله بن دومان ذاكر العنتر ناش متحديا اهل الهافات
ياهل الهافات عنتر ناش جاكم _×××_ وا عنا من صادفه بأرضن خليـّه
لعنبوكم هونوا جاكم عناكم _×××_ جاكم الموت الحمر ماهي زريـّه
ولم يعد ياتي من نوع العنتر ناش في وقتنا الحاضر الا شاحنات كبيره تستخدمها بعض الشركات وان كانت شاحنات المرسيدس ققد اخذت حيزا كبيرا من نصيب العنترناش في سوق الشاحنات في السعوديه
الماك (mack)
سياره كانت منتشره ومعروفه وان كنت لا اعلم عنها الكثير
اعتقد انها شاحنه كبيره نسبيا ولم تاتي في طرازات صغيره مشابهه االفرت والدوج والعنترناش وغيرها
وهي الآن معروفه بانتاج السيارات الكبيره جدا مثل القلابات والصهاريج الكبيره (الوايتات) وخلاطات الاسمنت والشاحنات والتراكتورات و المعدات الثقيله بوجه عام
تقول بخوت المريه في ذكر الماك
حن قلبي حنة (الماك) مع طلعـة نفـود_×××_عشقوا لـه بالدبـل والحمولـة زايـدة
وتقول ايضا
حن قلبي حن ماكٍ على سود العجل_×××_عشق السواق والحوض قفوه قد ملاه
إن تسند عشقه تم زنده الدبل_×××_وإن تحدر ريّحه لين ياصل منتهاه
وقالت ايضا
حن قلبي حنـه المـاك يابـن عقيـر_×××_متى ما عطا تغريز ودريوله قصـاه
عطاه الثنيه ورك في نقضتـه للقيـر_×××_ثم صكه بواحد ليـن زاع الاديرمـاه
انا من قلبي حن ماك مـع الطلعـات _×××_ليا عشقـه بالعايـدي والدبـل جـره
جرمه ثقيل وحملـوا فوقـه البيبـات_×××_ويدعـس عليـه ابنزينـه ولا سـره
ويظهر ان الماك كانت دبل كما يتضح من قول بخوت
ولعل بخوت المريه من اشهر من ذكر السيارات في الشعر وابدع في وصفها مع العلم انها لم تسوق السياره قط
الستدي بيكر ( Studebaker )
عرفت باسم الستد والستدي ويقولون عنها (الموتر ستدي والعزم ردي ..او والحظ ردي) اي اشاره الى ضعفها مقارنه بغيرها ولعل هذا القول ينطبق على حجم معين محركه ذو قدره منخفضه او انها مصنعه لاعمال غير شاقه ويوجد للستدي احجام مختلفه
الدوج
دوج فارقو 65 ( fargo)
الدوج له عدة انوع ومنها المذكوره اعلاه البارويجن
وانوع اخرى منها الفارقو والرام وغيرها من الشاحنات او الاحجام المختلفه
وسيارات الدوج (الصغيره نسبيا في حجم حمولتها مقارنه بالنواع اللتي تنتج سيارات ذات حمولات كبيره) قويه جدا ولا ينافسها من الانواع الاخرى الا ماندر كما حدث من منافسه الهاف الفرت لها
وسر قوتها في محركاتها الجباره اللتي تستخدمها الشركه في تلك السيارات الصغيره نسبيا
وقد استخدمتها ارامكو كثيرا لفعاليتها في قطع مجاهل الصحراء وكثبان الرمال واستخدمها ايضا المهربين معتمدين على قوت محركها في تجاوز نقاط الحدود وعدم الوقوف لسيارات حرس الحدود عند مطاردتها لانها تتفوق عليهن بقوة المحرك اضافة الى قوة وشجاعة السائق اللذي يمتهن التهريب
الا ان الدوج يحمل سمعه سيئه جدا من ناحية الخرابات وعدم توفر وغلاء قطع الغيار وهو ما اساء لسمعته كثيرا وقد قال السائقين القديمين عن الدوج (اهل الدوج دجو) وقال احدهم عن الدوج
الدوج دجو هله بسبوع _×××_ عجزو عن التتن يشرونه
وهو دليل على ان الدوج يتعب صاحبه بالطلبات والخرابات الكثيره خاصه اذا كانت السياره قديمه وصاحبها غير ميسور ماديا
الشفر والجمس
شفر 54
الشفر من اقدم السيارات المعروفه وعرف منه سيارات سيدان صغيره لعل اشهرها الامبالا وبعدها الكابرس وعرف منه شاحنات وونيتات
كان منتشرا بكثره وان كان لايحظى بسمعه تميزه عن غيره كما الفرت او الدوج او العنتر ناش وكان قرينه الجمس واللذي يمشي معه في خط انتاج واحد ويكاد النوعينن يتطابقان بنسبه كبيره في كل شئ ماعدا بعض العلامات او الاككسوارات وان اختلف مكان صنعهما
وقد تألق الجمس كثيرا وحل محل الفرت في السبعينات بعد انقطاع الفرت عام 67 وكان عز تألقه في ال78 ومابعد حين حمل المحرك ال454 الشهير واللذي اطاح بسمعه الهاف وحل محلها في القوه .. ايضا احتل الجمس المركز الاول من عام 78 الى يومنا بسيارته الشهيره جد والعائليه السوبر بان
ومانعنيه هنا هو الشفر كشاحنه او ونيت وهو نوع او فئة بطل موضوعنا الهاف
يقول احدهم وهو يعيب على الشفر ضغف العزم
الشفر عزمه كما عزم الهداني_×××_لا ضرب له رمله مافيه حيله
ولم يقل الكثير من الشعر في الشفر الونيت واللذي كانت سمعته في اغلب الاحيان خامله ولاتنافس اقرانه
جمس 58
اما الجمس فهو الوارث الحقيقي لسمعه وزعامه الهاف (بعد انقطاعه وليس جداره) في السبعينات وقد يكون الى يومنا هذا
يقول احدهم في الجمس
راكبٍ جمسٍ مقصاته رفيعه_×××_كن مشيه بالعتش سباح جمه
لنحذف بين الملفات السريعه _×××_نوةٍ قدم المزون المدلهمــــــه
جمس سيارا 79 المشهور ذو المحرك 454 واللذي ورث سمعة الهاف
الموضوع:
.
.
فرت موديل 51 F-100
هذه السياره المشهوره اللتي استحوذت على اكبر كم من القصائد والاشعار والذكر الطيب هي الفرت(ford)
الفرت الونيت اللي عرف في الاربعينات والخمسينات وانشهر وتربع على كرسي زعامة السيارات في الستينات الميلاديه
وكان الهاف اللذي عرف عندنا في الستينات الميلاديه هو من توج الفرت على ملكا على زعامة السيارات في زمنه
فمن هو هذا المدعو هاف
هاف 65
الهاف هو نوع مطور من الفرت الونيت المعروف انذاك
صار حجم مكينته اكبر واقوى وصار حجم السياره نفسها اكبر حيث طول شاصيهه قليلا وكبر حجم صندوقه
ومكينته صارت من طراز F-350 وهي مكينه قويه بل جباره في وقتها
وكانت محركات الفرت قبل ذالك تأتي في طرازات ال F-100 F-150 F-250
البعض يعتقد ان اسم الهاف جاء من حجم السياره اي قطع نصف والبعض يعتقد انه من شد الحنايا او الهنقلين الى نصف حجمها والبعض يعتقد ان هذا الاسم جاء من حجم المكينه والنصف مهناها بالنجليزي هاف ... ولكني اعتقد اسم الهاف مشتق من كلمة مشتق من كلمة Havy Duty وهو مصطلح يطلق على اي منتج يتحمل المشاق اكثر من غيره ..كيف لا ومحركه F-350 الجبار بالنسبه لتلك الفئه من السيارات
وهو بحق كان سياره المهمات الثقيله حيث عرف بقوة التحمل سوء من نحاحيه حمل الاشياء او من ناحيه قوه الماكينه وسرعة السياره وعزمها القوي
كان الفرت مثله مثل الكثير غيره من الانواع معروف باحجامه المختلفه ابتدء من النصف طن ثم الثلاثه ارباع ثم الطن والطن ونصف والطنيين والطنيين ونصف والثلاثه والاربعه والخمسه الى اقصى حجم ممكن
وكانت الونيتات اللتي هي عباره عن شاخنات صغيره نوعا ما ( pickub) والمعروفه انذاك لاتتعدى الطنيين حموله وكان الهاف من ضمنها
وكان مايزيد عن حمولة الطنيين يدخل في فئة الشاحنات الكبيره ابتدء من اللواري ومافوق
واللوري يكون حجم محركها كبير نوعا ما وصندوقها خشبي وتسع لاكبر قدر ممكن من الحموله وكانت معروفه في مجتمعنا بكثره وتستخدم لاغراض مختلفه وكثيره
فورت لوري 47
وهناك ماهو اكبر حجم من اللوري ويكون صندوقها اكبر او تستخدم لاغراض غير تحميل العفش او البضائع مثل سيارات القطر او الاطفاء او صهاريج الماء والخلاطات والونوش وغيرها من الاغراض
والفرت المقصود في هذا الموضوع هو الوانيت العادي واللذي ياتي منه احجام مختلفه لاتتعدى حمولتها الطنيين
.
وانتشر هذا النوع بكثره بين الناس وكان اغلبه يصل الى الناس بعد شراءه كرجيع من الشركات الكبيره واللتي كان ابرزها ارامكو اللتي اعتمدت عليه كثيرا
ومن بداية تواجد ارامكو كان الفرت يمثل اكثر سياراتها الى جانب الدوج وباعت منه الكثير لمواطنيين العاديين وخاصه في الخمسينات والستينات بعد ان اصبح الكثير من المواطنيين يملكون السيوله القادره على شرء تلك السيارات
واكثر من اشترى تلك الانواع من السيارات هم البدو القاطنيين بالصحرء حيث اشتهرت تلك السياره بتحملها لظروف الطقس الحاره ووعوره تضاريس الارض وعرفت بقله اعطالها مقارنه بغيرها كما اشتهرت في القرى واعتمد عليها في نقل بعض المحصولات الزاراعيه او العدد الزراعيه اللتي يحتاجها الفلاحيين واصحاب المشاريع الزراعيه وخاصه انابيب الماء في بداية معرفه الناس لماكينة الماء وانتشارها
وهناك فئه من الناس جربت جميع انواع السيارات الموجوده انذاك واستخدمت اقواها واسرعها وهي فئة المهربين اللذين عرفو بقوة الباس والسطوه والاقدام على خوض غمار اخطار التهريب ومطارده شرطة الحدود لهم مع امكانيتها الكبيره من سيارات واسلحه وافراد
وفئة المهربين هم من شهر بعض انواع السيارات وكان استخدامهم لتلك السيارات اختبار لقوة وسرعة ووتحمل تلك السيارات ولعل اهم انواع السيارات اللتي اجتازت اختبارات المهربين هي الدوج ومن بعدها الفرت الهاف اللتي احتلت المركز الاول لديهم بعد ان عرفوها وجربوها في الستينات الميلاديه
وقال الكثير منهم قصائد وابيات شعر في تلك السيارات واشادو بها ووصفوها بأنها خير صديق وقت الضيق وخير منقذ في الازمات
وكان التهريب معروف قبل قدوم السيارات في بداية توحيد المملكه وعندما فرضت الدوله انذاك انضمه وقيود الاستيراد وفرضت الجمرك على المستورد وكان الجمرك في وقتها مرتفع نوعا ما وهو مادفع اولئك المهربين على الاقدام على تهريب البضائع هروبا من دفع الجمرك
كانو قبل السيارات (وفي بدايه تكوين الدوله السعوديه الحديثه) يهربون تلك السلع والبضائع على ظهور الجمال وكانت الدوريات الامنيه ايضا هجانه يستخدمون الجمال لمتابعه ومراقبه الحدود ومايتسلل عبرها من بضائع واحمال غير نظاميه ولم تمر عبر القنوات والمراكز الجمركيه اللتي يتوجب عايهم الدفع مقابل مايجلبونه من خارج البلاد من بضائع(وكان الجمرك مرتفعا)..وكان هؤلاء المهربين يتحركون في الليل ويستكينون بالنهار لدرء مراقبتهم والعثور عليهم من قبل رجال الحكومه
في الاربعينات الميلاديه بداء استعمال السيارات في التهريب وبداء ايضا استعمال السيارات من قبل الحكومه في مراقبة الحدود ومايتسلل عبرها من بضائع غير نظاميه
ونشاء بين رجال الحدود والمهربين مايشبه التحدي او المنافسه وكان رجال الحكومه يعتمدون على امكانيتهم من سيارات وسلاح في تعقب المهربين وكان المهربين ايضا يعتمدون على امكانياتهم من سيارات وخبره وحنكه وقوة عزيمه ومعرفه للدروب واستطاعه المشي في الليل بدون انوار(على القمرا) واستطاعه القياده بمهاره في الاماكن الوعره والمناطق الرمليه وجميع مايحتمل مواجهته من ظروف اعتياديه او ضروف طارئه
في البدايه كان هناك سيارات مختلفه الانواع تستخدم في التهريب وفي الخمسينات تقريبا اشتهر انواع منها بقوة التحمل والسرعه وكان ابرزها الدوج اللذي استخدمه المهربين بكثره في تلك الحقبه
وعند معرفة الهاف ووصوله الى الاسواق عن طريق الوكلاء ومنافذ البيع واشتهاره بالقوه والتحمل وقل الاعطال اكسبته تلك الشهره مركز متقدم وغطى على الدوج القوي ولكن كثير الاعطال وهي النقطه المهمه اللتي غلبت كفة الهاف على باقي السيارات واهمها الدوج
هاف 66
وفي حقبة وجود الهاف منذ بداية الستينات ازدهرت تجاره الدخان(السجائر) واللذي ساعد على ازدهارها هو منع استيرادها مما اوجد ارباح كبيره لمن يستطيع تهريبها وتوصيلها الى داخل السعوديه
وصار اغلب المهربين يجلبون الدخان من العراق والكويت عبر الصحراء متجاوزين نقاط الحدود وفي نفس الوقت كان رجال حراسة الحدود يضيقون على المهربين ويتابعونهم ويترصدون لهم ويوقعون بهم
ودارت مساجلات شعريه بين البعض من شعار الفريقين ولعل اشهر تلك المساجلات هو مادار بين المهربين وضابط حدود جديد عينته الحكومه انذاك وهو ابن ودمان واللذي كان نشيطا وحد من اعمالهم الخارجه على النظام الى ان صدر قرار بالسماح باستيراد الدخان(السجاير) وانتهت بعد ذالك تلك النوعيه من اعمال التهريب وانحصرت في انشطه اخرى
والفرت بشكل عام من احظى السيارات بالمعجبين خاصه موديلاته القديمه بشتى انواعها وطرازاتها واحجامها
وهناك روابط للهوات الفرت في اغلب انحاء العالم اللتي عرف مواطنيها تلك السياره وخاصه في ولايات امريكا المختلفه وكندا وجنوب افريقيا وقد اخذت اغلب صور موديلات هذا الموضوع من تلك الروابط والمنتديات
(صوره لاحد مهرجانات هواة الفروت كما نشرتها احد الصحف المحليه)
وفي وقتنا الحاضر نشأت تجمعات وروابط بين محبين الفروت والهاف بشكل خاص في المملكه العربيه السعوديه والكويت وبعض مواطني دول الخليج وصارو يجتمعون بشكل دوري ويستعرضون مايملكون من تلك السيارات اللتي يقتنونها كتحف تذكرهم بماضي مجيد كما صار البعض منهم يتاجر فيها بعد ن يشتريها وهي غير صالحه للاستخدام ومن ثم يوفر لها قطع الغيار ويصلحها ويبيعها
(صوره من صحيفه كويتيه لتجمع هواة الفروت في الكويت والسعوديه ويظهر في الصوره احد الهواة مع سيارته الفرت )
اخذ الفرت المتميز بلونه الاحمر دائما حصة الاسد مما قيل في السيارات من شعر وبعد ذالك ورثه الجمس(بعد انقطاع استيراد الفرت وقطع غياره) وان كان لم يحظ الا باليسير مما قيل في الفرت في ذالك الوقت
هنا نستعرض تاريخ الفرت بالصور من بداياته الى موديل 67 سنة مقاطعته اثر حرب 67 بين العرب واسرائيل
ومؤسس شركة فورد هو هنري فورد المهندس في شركه اضائه والهاوي والمطور لآله الاحتراق الداخلي (المحرك) واللتي كان نجاحه ببنائها عام 1899 سبب في افتتاحه لمصنع فورد للسيارات في تلك السنه
موديل 1912
1914
1916
1925
1926
1928
1929
1930
1931
1932
1933
1934
1935
1936
1937
1938
1939
1940
1941
1942
اغلب تلك الصور مقتبس من منتديات هواة اقتناء الفروت في امريكا وكندا وجنوب افريقيا ومن مواقع تعرض تلك السيارات للبيع
مقتطفات عن بعض ماقيل في الفرت والهاف من الابيات والقصائد الشعبيه على السنة السائقين والشعراء المعاصرين لتلك الحقبه
يقول بندر بن سرور
ياتل قلبي تلة عبيد للهاف _×××_تله ولد زايد بدارٍ مخيفه
تله من العارض يبي خط الأطراف _×××_كب السهل وأرقاه راس الحتيفه
ويقول ايضا
من يسب الهاف جعله فدوة له_×××_جعل يفدنه غنادير البناتي
لانهمت الهاف جاك الهاف كله_×××_تقول يشرب من غراش المسكراتي
ويقول شاعر يشتغل بالتهريب اسمه ناجي موجها حديثه الى بن ودمان
ياهل الهافات زيدوا سعرهنـّه _×××_إشتروهن نقد وألا بالقصودي
ما حلا مرواحهن بحمولهنـّه _×××_جاوزوهن غيبة الشمس الحدودي
أبرق الكبريت لا زم يسهجنـّه _×××_مركزك يالعبد بيـّاع الجلودي
ما بغنـّه لازم إنهن ياصلنـّه _×××_فوق والهافات عجلات الردودي
ويقول آخر
الله من قلب تتله كميه_×××_كما يتل الهاف خطو الشناحي
جاه الطرد واستفرده عن خويه_×××_بأرض الاديرع في شمال اللياحي
عليه من طرز العجم ربع ميه_×××_ وطال النهار بثالثه ما استراحي
ويقول بن عبار العنزي
يا راكب اللّي فوقه العبد يدني_×××_منوة غريبٍ ناحراٍ صوب نوّه
هافٍ جديد ومن حفيزة وردني_×××_امورداً من معرضه جيب توّه
وهذى اخر يتمنى ان الدوج يكون فدوه لموتره الفرت اللذي اذا زهمه يهب مثيرا وراءه رياح الصيف
عسى الدوج يفدى موتري لاأبعد المرواح _×××_إليا من زمـى جـالٍ ودونـه تماثيلـي
إليا من زهمت الفرت ثـوَر وراه ريـاح _×××_معاصيـر صيـفٍ قافيتهـا المخاييلـي
يقول الشاعر مهنا بن براهيم:
واهني اللي على فرت جديد_×××_ يقطع الفرجة اللي عمد سرابه
من دياره لا في صافي الحديد_×××_ ما قضبه مهندس صلح خرابه
كل ما عشق له بنمر ه يزيد_×××_ما تعرف اشجار نجد من هضابه
ويقول آخر
تلقلبي تل هاف حوض ما شدي_×××_ومن الخضر يلحقه رشاش واطلاقي
ويقوآخر
ياحمود هات الفرت واكمـل زهابـه_×××_كمـل زتاتـه يازبـون المشافيـق
اسرح عليـه ولاتحـن الوطـا بـه_×××_جنب عسى دربك ودربـه توافيـق
وتقول احداهن
ياراكـب فـرت وقـف بالزبـاره _×××_عبى من الشيشه حديده جويـدي
لا ركبه السواق صـك الغمـاره _×××_زين العجل توه جديـد الحديـدي
أسرع من اللي طار من راس قاره_×××_جول الحبارى شافهن من بعيـدي
يقول ناصر الفايز وكان ساكن في جده عندما رآى السيارات في الاستيشن تحمل الركاب الى منطقة نجد
تكفون يا أهل الفروت الخضر شيلوني_×××_خلوا غريب الوطن يستـر بأوطانـه
معكم على خير يم الشـرق ودونـي_×××_الخبت ماعاد أبي شوفـه ومسكانـه
لاتقصر العرف والمعروف من دوني_×××_أنا الذي يكسر الجانب علـى شانـه
لاتلحقونـي شـره ولا تلومـونـي_×××_ولا تعذلـون مشـتـاقٍ لخـلانـه
وإلى وصلتوا بلـد فيحـان خلونـي_×××_مع السلامـه وكـلٍ يعتنـي شانـه
خلوني ألحق هوى نفسـي ومدونـي_×××_من نجد لو رايحه حمضه وضمرانـه
من يوم فارقتها والقلـب مشطـون_×××_ماغير أهذري بها والعيـن سهرانـه
إلى اجتمع شف مضنون ٍ لمضنـو ن_×××_الطـب تلقـاه مقـرونٍ بحجـانـه
وهذي سالفه واحد كان معه فرت وربعه شرو هافات وصارو يسبقونه وموتره مايلحق معهم شي
وقال هالبيت
ياهل الفرتات شوفولي سوايا _×××_واقصرو من سرعة هل الهافات ليه
وبعد ذالك باع موتره وشرا هاف جديد يو مرهم قال
ياهل الهافات من فيكم يماري_×××_من هقى في موتره هقوى يجيني
ويقول آخر
ياهل الفرت الحمر لاتتركوني _×××_ركبوني لو على سطح الغماره
وأن وصلت ديار خلي نزلوني_×××_تكفون بصبر لو على شمس وحراره
وحده بحايل ارسلت هالقصيده لولدها بالكويت تذكر فيها الهاف
راكب اللي لونها لـون السفينه_×××_يوم حط شراعه القربـي حداهـا
هافٍ أدهم مـن حفيـزه جايبينـه_×××_شلع القرطـاس زود ٍ مشتراهـا
مانقص من عدته عنده ضمينـهم_×××_ـآخـذٍ رقـمـه وعـنـده ماكفـاهـا
يـوم دقـه سلـف والقيـر بيمينـه_×××_يوم ثارت عن أبو سالم عشاها
عنـد بـن صبـاح ياللـي خابرينـه_×××_من عنا لـه لازم ٍ يشكـر غناهـا
وهذا يشكي من فرته
الفرت غرزبي وأنا بأسفل الواد _×××_ يبست لهاتي والضما في شعيبه
زيت وشحم بالليل والصبح نشاد_×××_ يا من يجره .. علقه في صليبــــه
ويقول آخر من باب الدعابه
يا راكبٍ فرتٍ يسوقه حمــــــيدان_×××_ سته وخمسينٍ تواما جنـــــوطه
اليا أشتغل ثارت قنابل ودخــــان _×××_وليا مشى مثل الدركتن فحــوطه
وقال احمد الكندي من الامارات يمدح الدوج
تمنيت عندي من أمريكا رفيع الصوت_×××_سريع دورانه وان بدا بالمشاريفي
طعامه يجرونه من الأرض حسب الفوت_×××_يركب غلى بيبه ولوف مراظيفي
ولا هوب من طرز الجماسي وطرز فروت_×××_شنبات له من جدام ليته معاطيفي
يروح ضهيره عجل قبل الصلاة تفوت_×××_ تسكر له الجامات و ان هب لك هيفي
يقرب وليف حال دونه وعر وخبوت _×××_وجوان تتلاها زميم مواقيفي
ورد عليه واحد اسمه بن دسمان يذكره بفعل الفرت والجمس
أنا حسني منهو يمجد رفيع الصوت _×××_ يقوله و فعله عندنا مبعد شيفي
يا ليته حضر فعل الجماسي و فعل فروت_×××_ مع عبله فيها سنود ومهايفي
ضحك راعي الفرتات و الدوج أهله سكوت_×××_ وراعي الشفر اليوم عنده من الكيفي
قال احدهم مادحا الفرت وهازبا الشفر
الفروت الطيبـه ياهـل التمانـي_×××_من بغى يضوي عشيره قبل ليله
الشفر عزمه كما عزم الهداني _×××_لا ضرب له رملة ٍ مافيه حيله
الشفر خله علـى الثقبـه يسانـي_×××_و قفّه في بندر ٍعرضه فتيله
وهذه محاوره بين الجمس والدوج والفرت لبن سطوه الهاجري
الدوج يسب الجمسي &&يقول ان شغلتة تكسي&&وانة يقطم العكسي&&وخلق اللة يعرفونة
وجاك الفرد مغتاظي&&وقال الهرج ذا فاضي &&عسا من ينكر الماضي&&مع السكراب يرمونة
انا سيارت اسعافي&&وكم شليت من حافي&&وكم حجزت للاشرافي &&لبيت اللة يزورونة
وقال الدوج انا الوافي&&وانا الي رفرفي ظافي&&وانا من الرمل ماخافي&&وانا لي دبل كارونة
وجاك الجمس وشهودة&&على الكبوت مرصودة&&حروف تطير النودة &&من الي ما يعرفونة
وقال الجمس انا الفلة&&وانا الي زينو دلة&&غرظ من يشتهي خلة &&لا ذكر مظنونة
وسواق من الساحل الغربي يشتكي من الفرت
مع البهيتة ودرب السيل _×××_ لف الدركسون يعجبني
عشقت واحد ا ونمر اثنين _×××_والفورت عيا يساعدني
وآخر من الساحل الغربي يقول
الا ياوجودي وجد من صك دونه باب_×××_بقفل اعجمي مغلقات مساميرة
غدوا به على اللي كنه الصقر بالمرقاب_×××_على هاف احمر كاملات شراشيرة
وايضا يقول آخر هازبا الفرت مادحا المورسيدس
المرسيدس قال أنا فنان_×××_ دك الحجر في طريقة دك
ما هو كما الفورد ابو تيلة _×××_ لادست أبنصه عليك انفك
يقول أحد الشعراء:
ياحن قلبي حنيين فروت_×××_باثنين والخط مع رمله
قام الدريول يشوته شوت_×××_ وزودٍ على حملته حمله
والنارتلسب مع الكبوت_×××_ولا عندنا اسعاف نزهم له
على وليفٍ خذاه الموت _×××_ بأول شبابه تقدم له
ويقول آخر
الا ياحن قلبي حن فرتٍ حن بالثاني_×××_ضرب عرق النفود وفارق التمرين والراحات
والايا حت قلبي حت حـبٍ حتـه الجاني_×××_بعد حت الورق يبست سنابيله وعرقه مات
والايا لجتي لجت ضلوع الذيب سرحاني_×××_والا يا تل قلبي تلتين وتلتين افوات
وقال عايش الداموك
يالفرت روح ترا الديره خلاويه_×××_ روح ترا رماة الشهبان جيناها
ممشاك بثنين مالك فيه ماويـه _×××_ياقرد خظك ليامنـا وصلناهـا
والله لاخلي صياحك حس جنيه_×××_ جنية قام بن جلعـود يقراهـا
نبي ربوعٍ ورى حائل وجلديه _×××_يم الغزاله شمالاً مـن قراياهـا
وقال احدهم في وصف عملية تجهيز الهاف قبل عملية التهريب وواصف ماجرى اثناء مروره من مركز الحدود مهربا سلع او بضائع
راكب اللي تعبين عليه المتجر_×××_هاف حيث الهاف ماله مع العالم وجود
احمر سته وستين لوحاته سمر_×××_ في ثلاثين الف بالضبط للبيع محدود
واشتراه اللي يبي قطف نوار الزهر_×××_دافع كل الثمن كاش مايطلب قصود
ومرنه وسط البلد لين وافق للسفر_×××_ماتغالى فيه دفع الخساير والنقود
ودخله عقب التمرن كراجات النمر_×××_ لاجل تكميل اللحايق وتدبيل العضود
دبل السبرنق عل لايميل وينهصر_×××_والتواير جددن طقم بريجستون سود
وحمله من عند خيطان وجنب للبحر_×××_مع تقاطيع الشعيبه على مينا سعود
ويدهج الوفره ومنها مشى عقب الظهر _×××_ ناحر الكبريت ماله عن المركز صدود
جاك مثل مقادع الذيب معطيهم نحر_×××_ حاذف نفسه تحت عين حلال العقود
ومرهم في غفلة ماخذو عنه حذر _×××_واوجسو حسه وهم قبل رقاد سجود
وطلبوه اخوان رشده يقصون الاثر_×××_خلو الرشاش قفوه مثل قصف الرعود
يطردون الهاف ماعندهم علم وخبر_×××_ وهو جديد ولاقضب طارته رخو الزنود
ماركة مصنع امريكا مهو دوج وشفر_×××_ وارد كل يخبره مجرب ومحمود
يطنخ السايق بحسه ايلامنه زفر_×××_عند مايذكر غرابيل نزلات وصعود
صافي منه النواظر تحير وتفتكر_×××_ اسرد ودك تغطيه عن عين الحسود
المواتر كواكب وهو مثل القمر_×××_مايسبه كود كوبان والهيس الربود
وفي قصيده لشاعر مجهول يشكي الفراق ويندب عشره من الهافات للبحث عن الحبيب في اطراف الجزيره
زادن همومي والدموع اغرنني_×××_ ودموع عيني لون مزن يهطلن
يومن بربعي ناظروني اوني_×××_ قالوا صوابه في ضميره تمكن
قلت اصبروا والله ما يوجعني_×××_ الا ضعونه يومهن فيه قفن
قمت اصطبر واقول الله يعني_×××_على ليال للمصايب يجيبن
ثمن اصيح ثمن ابكي واوني_×××_ونت صويب اللي عظامه تشظن
ياراكب اللي هن مناة التمني _×××_حيل من اللي كل دل زهاهن
من زينهن عند القبايل زهني_×××_ مع كل امير وشيخ يعرف طلبهن
وسم الشراري وسمهن لا اعرضني_×××_ شقح يقال ان الشراري غذاهن
ان صفن امع الجيش ما يلحقني_×××_ وان سابقن تقطع الخيل عنهن
يشدن جراده في وقوت مضني_×××_ بارض القميز وفي زمنهن يعدن
قم يانديبي هاتلي ما يوني _×××_عشر هافات من الوكاله اخذوهن
اليا نعشته بالثلاثه يحني _×××_حس التواير يكشطن في حصاهن
اثنين منهن للحويه مشني_×××_ لاهل الركايب والدور يكملن
وهافين للنفود ووادعني_×××_ واقصى القعوره بالنفود ادخلوا هن
وهافين لحدود الكويت اقفني_×××_دارن وحامن لا لقنه ولا جن
وهافين لحدود العراق اعمدني_×××_ ومسلحات عن الخطر وين ماهن
واجي على هافين بحسن يحني_×××_ كل الينه شيف بالقلب يشطن
جنك العشره كلهن ينشدني _×××_على حبيبي في ديار اعرفهن
الشاعر محمد البحيح الشماسي نظم هذه القصيدة (محاوره بين سيارتين) في أيام شبابه وكانت أفضل سيارتين المور ( المرسيدس الشاحنه ) والفرت
ألايا فكرتي كيف القضاء والحكم بين أثنين_×_لقيت المور وياالفرت يطـلب حكم شرعـيه
يقول الفرت أنا الطيب مكمل واجـب الطيبين_×××_سريع في الطلب تشهد لي أفراد السعوديه
تفرج شوف طبلوني ميه مـن فوقها الستين_×××_سريع في الطلب مانيب سيارة دويينه
وقال المورأنااللي سرعتي تمشي على التقنين_×_وشيل الحمل لاعجزت عنه صنع المريكيه
أنا من صنعة ألماني شف الطمغه على الشاصين_×××_شهودي قيمتي مع قوتي ميه على ميه
وقال الفرت أنا قبل المزفلت وأنت وينك وين _×××_تغرز في دروبي ما تعدي خطوط رسميه
ليا من رحت مع دربي يثور عندك التدخين_×××_تغرز لو كفاراتك بعد يالمور رمليه
وقال المور أنا ديزل ولاني بلذع بليتين_×××_مقرر صرفتي يومين تصرفها انت يومـيه
كليت أهلـك بتبديـل الغيـار وشربكالبنزين_×××_خساره لو تنزل قيمتك يالفرت ربيه
وقال الفرت أنا لاجيت صحراء رحت عنك يمين_×_أسافر مع نفودأخريص منقل منه هميه
أسافر مع نفود السر كل شافني بالعين_×××_بطل مانيب مثلـك مـا تعـدى خـط ردميه
وقال المور أنا أشيلك وأشيل من الفروت أثنين_×××_ثلاثه مـن الفروت بحملها ما حمل ليه
لكن أصحى تجاكرني وأنا مانيب لك سنين_×××_تسمح خلها ما بيننا دعوى سموحـيه
وهذي قصيدتين لحمد بن هادي المسردي يذكر فيهما الهاف ويشيد بمزاياه
يا نديبي قم تجهز للمراح _×××_فوق هاف ٍ لا عطا ا لارض البراح
قام يكفح مثل خفاق الجناح_×××_لا نهض من راس رجم ٍ معتلي
هاف لوري فوق ماطوره صليب _×××_منوة اللي عن هوى باله غريب
لا عطى الحزم الجلد يقنب قنيب _×××_نوع ماطوره ثمان سرندلي
من ديار البعد يمشي في السحر_×××_بالغلس قدام ينباج السفر
والضحى متعدي ٍ دولة قطر_×××_داخل ٍ سلوى ورقمه يجهلي
لوحته مجهولة ٍ من غير زور _×××_سقطوا رقمه بابوظبي المرور
حين سافر واسمحو له بالعبور _×××_ضامنينه من جميع المشكلي
ضامنينه من جميع اي اعتراض_×××_ لين يدخل نجد واطراف الرياض
وامرهم نافذ ولا فيه انتقاض_×××_ما عدا الجمرك لزوم ٍ يحصلي
ثم يسافر عقب تركيب النمر_×××_مثل زاروق معا غبة بحر
يجعل الوادي على دربه ممر _×××_ناصي ٍ تثليث والمخرج ملي
صار له يوم استوى الخط اهتواش_×××_ واعجب السواق بالسرعة وشاش
مانوى الوقفة يكون بحزم جاش_×××_ صامل ٍ في نيته ومصملي
ويقول ايضا
يالله ياللي للخطا غفار _×××_رب الملا ياعالم الاسرار
ياباسط سبع ورافع مثلها _×××_سبع بدون اعماد يا جبار
وانت الإله الواحد الفرد الصمد _×××_وانت الإله الواحد القهار
مجري الفلك يامجري شمس وقمر _×××_مجري البحور ومجري الانهار
ياعالم النيات يامنشي المطر_×××_ياقاضي الحاجات ياستار
تكتب لنا عندك نهار الملتقى_×××_غفران وانت الواحد الغفار
بديت باسمك ما بديت بغيره_×××_ يوم القلم بحروف غيري سار
فيا رب تهديني على قول القدا _×××_ولا تواخذني على الاشعار
من عقب ذا ياراكب اللي لامشا_×××_ لولا الفرامل يمسكنه طار
هاف جديد صاحبه متخيره_×××_توه ورد تشتاق له الانظار
باقي على تصميم شد بلاده _×××_شد الخواجه صنعه الكفار
ماٌٌٌٌٌقٌٌربه راعيه عند السمكرى _×××_ولا تغير فيه لو مسمار
لاناش بنزينه قدم سواقه _×××_خطر عليه انه يطير طيار
ما فوقه الاعقربه واسبيره _×××_ولا الرسول وسايق بيطار
سواقه اللي شاطر ومجرب _×××_من خلقته ضاري على الاسفار
يمشي من الدوحه مع وقت السحر _×××_والظهر عند اهل الوفا والكار
ويقول شبيب الدغيبسي
الفرت ماطاري(ن) علينـا نبيعـه_×××_مغليـه مـاودي يفاخـت مراحـي
من شار في بيع الحمـر مانطيعـه_×××_ضايع وغاوي عن طريق الصلاحي
لا فرق الراعي وحاسـب وديعـه_×××_ابيـه ليامـن اول الوسـم طاحـي
نبـي نـدوج بالفيـض الوسيعـه_×××_عليه عن منت ارخوم(ن) اشحاحـي
خـوت نشامـا مهتويـن الطبيعـه_×××_عايش وابن سيحان وابـو فلاحـي
هذا طرب قلبـي وغتيـة ربيعـه_×××_ربيـع قلبـي دوجتـي بالفياحـي
يامـحـلا تطليعـنـا بالرفيـعـه_×××_اليا نتـل سبقـه لبـرق الجناحـي
لاشاف له جول(ن) تدارج بجيعـه_×××_سقناعليـه مزهبيـن السـلاحـي
ربعي مضاربهم تجيـب الوجيعـه_×××_امسنعين الرمـي ماطـار طاحـي
صدنـا وفدنـا ماعلينـا هزيعـه_×××_طربين للمرواح والفـرت صاحـي
خطو الولد ناشي وشايـب بسيعـه_×××_بين الربايع مثـل ثـور المناحـي
ان جاء مجاله قيل لـه والقطيعـه_×××_عسـاه يفـدا مدركيـن المداحـي
وتلك ابيات العدة شعراء انقلها من صحيفه محليه تشرتها سابقا
خمسة موديله فوقها زود خمسين
فرت يسمى هاف قبل التطور
من لوحته تشهد له سنين وسنين
وسايق مخضرم صوره يا مصور
من باب ذكرى ما تقارن بها الحين
ماضي رحل وحاضر علينا منور
محمد بن سليمان الكثيري - المزاحمية
ليت عصر راح ترجع لي سنينه
يوم أنا والفرت في وسط الصحاري
ساكن فالبر ما عرف المدينه
مزهبي موجود واطبخ فوق ناري
بس راح العصر مع زينه وشينه
عايش هاليوم في جو حضاري
يوسف بن منور الميموني - الرياض
حراج يا من يشتري موتر الفرت
ما فيه عيب الا خراب المكينه
مثله قليل لو عنه يوم دورت
فرت قديم ماضيات سنينه
سلعة قديمه أصبح اليوم له كرت
من يحفظه يسلم وتسلم يمينه
علي غنام الغنام- رياض الخبراء
اعجبت في منظر يحكي عن الصوره
الله يعافي مصورها وناشرها
فورد مضاله عصر يا ما حلا دوره
ايامه إلى مضت كل يقدرها
ايام صعبة لكن الحال مستوره
واليوم لو هي رغد ما كثر مخاطرها
محمد عبيد الديحاني- رياض الخبراء
راح وقت الفرت يلي تركبونه
وراح دوره فالسنين الماضياتي
يوم ذربين اليماني يمجنونه
مع خطوط في صحار كاحلاتي
وصار بعد العز مفقوعه عيونه
طايح تسفي عليه السافياتي
ربح شباب سوقان السبيعي - القويعية
أذكر أيام الصبا وأيام عزه
وأتمنى ترجع أيام مثيره
يوم كان الفرت بين الناس رزه
راكبه كنه من شيوخ العشيره
سايقه بين العرب كل يعزه
ماحد مثله ولا يحصل نظيره
سعيد هليل مطلق السعدي - مكة المكرمة
يا والله اللي وقف الفرت يا حميد
لو تفتح الكبوت ما به مكينه
عقب الدريول والحزوم المجاريد
لا من تحزم والمعاون يمينه
والا النشاما من خيار الا واليد
لا من مشى رملن تزايد حنينه
غنام مسعود القريني - نعام
الفرت واقف عقب راعيه
وراعيه بالقاع مدفوني
واقف ويشكي وقوفه ليه
عقب الطرب صار مركوني
محدن يريده ونسوا ماضيه
خلوه في ما قف الهوني
ملوح عبدالله الشمري - الخرج
بالصوت والصورة مناظر جميله
على التراث ونشرته مستقيمه
الله يا موتر قديم مديله
دوجن قديم بالسنين القديمه
ياليت يالسواق بسطحه تشيله
ما فيه يا ابن زيد حاجة سليمة
ياللي تبون الدوج بأية وسيله
لا تفوتكم يا مشخصين العزيمه
شليل السليمي - من حائل
العود وعياله على وارد الهاف
معاد منه الا بقايا عظامه
ياما من اديار على حدها طاف
من الخليج إلى سواحل تهامه
في عز عمره زاهي زين الاوصاف
واليوم والله يا حياة الندامه
سعيد فالح المهداني
العود ركب الفرت صنع الأولي
مكه وطيبه ليتني زوارها
كان المصور راح لذبح له طلي
حتى يشوف المملكه وديارها
وربط حزام الأمان وتوكلي
وفحص كفراتك مع مسمارها
عبدالعزيز بن ملهي العريفي - القويعية
منظر خذاني للعصور القديمة
وجبت القلم والطرس وادنيت قافي
منظر ونيت له مواقف سليمة
في ماضي ايامه يبوج الفيافي
واليوم طايح مثل ذيك الهشيمه
تسفي عليه من السنين السوافي
مقبول بن قطنان الشلوي - محافظة الخرج
يا والله اللي وقف الفرت خربان
اموقفن تذري عليه الذواري
امنو لا له سمعتن شانها شان
وقتن مضا ما فيه شاص وسفاري
والله يعز الدين في كل الأوطان
واقول مشكوره خزامى الصحارى
حمود فهد المخاريم الدوسري - وادي الدواسر
الشايب يلوح للمصور بيمناه
يقول صور مورتري بالجريده
موتر قديم وكبوته جدعناه
ويالربع دفوا ونيتي أريده
هذا يذكرني زمان قضيناه
نشيل جح السر للي يريده
عبدالعزيز عبدالرحمن الصالح - القصب
ذكرتني يا زيد فروت قديمات
يوم البداوة يا عرب كان له دور
واخذت لي مده مع الفرت بالذات
ومع الصحاري يقبل الزر والجور
ياما ركبت الهاف وسجيت مرات
وطويت ذكرى كلها افراح وسرور
خليف الحربي - الرياض
الرمز باقي ولا بغته التشاليح
حرك شجون اللي تذكر خواليه
جمايله ما تنجحد والمصاليح
يا ما نهض وجاير الحمل عاليه
ياما نقل من العرايس مماليح
ويا ما مشى بسهول نجد وفعاليه
سليمان محمد الرفيق - الرياض
الله من جيل على الفرد خلوه
جدي وجدك في قديم الزمان
قفو وموترهم على الحزم ذبوه
أجيال راحت والله المستعان
واليوم شوف أجيال للعز عافوه
يمشون في ممشا الضلال المهان
محمد عبدالله المجلي - حوطة بني تميم
يا عم موتركم صعيب مقامة
صعب عليه يقوم ويعاود السير
مقامة اقرب منه يوم القيامة
اظن ذا مثواه يا عم الاخير
وختامها يا عم مع السلامة
ودعتك الله جعل دربك تسافير
سلطان بن حمد أبو شقاف الحبابي - الطائف
فرت قديم مصوره وسط ضلعان
منول واليوم روح زمانه
وشلون يمشي وكل ما فيه خربان
دار الزمن فوقه وحطم كيانه
وراعيه فوق يصيح ويقول يا فلان
الفرت حقي صوروني وزانه
طعيميس هابس العتيبي - الرياض
يا وارد الخمسين ولى موديلك
قف مع الستين وعشر سنواتي
شفناك تالف ومنهد حيلك
أمن أول وانت من المكرماتي
انشهد انك خدمت أهل جيلك
نقلتهم عقب المطايا حفاتي
محمد عبدالله المجلي - حوطة بني تميم
في وقت من الاوقات كانت حركه التهريب نشطه جدا وكان هذا النشاط يتركز بين الكويت والسعوديه بعد استقلال الكويت وفي بايات الطفره الاولى في السعوديه اللتي حدثت في عهد الملك سعود رحمه الله
كان ذالك في الستينات الميلاديه عندما اشتد عود فئه من الناس وهم من احترف التهريب لبعض السلع والبضائع ابتغاء مكسب اكبر حين استيرادها
وكانت تلك البضائع من المواد الغذائيه وبعض الكماليات وان كان اهم سلعه هربت وكسبت ايضا هو الدخان لانه كان ممنوعا في السعوديه ولم يكن تهريبه تهربا من الجمرك فقط
وكل ممنوع سيكون مرغوب ومبحوث عنه ومدفوع فيه الثمن الغالي لانه ليس متيسرا في ايدي الناس وهذا ماجعل اغلب التهريب في تلك الحقبه يكون للدخان وجعل العمل فيه يزدهر ويربح
ابرق الكبيريت هي نقطه حدود بين السعوديه والكويت تقريبا وتقع بالضبط شمال شرق محافظة النعيريه وجنوب غرب الخفجي
وكان في تلك النقطه مركز جمارك ومركز سلاح الحدود ايضا لحمايه تلك الوصله والمنطقه من الحدود عن التسلل والتهريب
كانت تلك النقطه مهمه جدا بالنسبه للحكومه السعوديه لانها تقع بينها وبين الكويت اللتي عرفها السعوديين منذ القدم وعملو فيها وكسبو عيشهم في وقت ما وتبادلو معها التجاره وجلبو منها السلع المستورده عبر البحار
لقد كانت الكويت عباره عن ميناء لنجد ووسط الجزيره العربيه في وقت ماقبل قيام الدوله السعوديه الحديثه
في بدايه او منتصف الستينات الميلاديه عينت الحكومه السعوديه ضابط نشيط وقوي وهو سعيد بن ناصر بن ودمان الدوسري في محاوله للحد من نشاط المهربين اللذي يعتبر عملهم مخالفه وخروج على القانون
وكان بن ودمان قوي ونشيط وشاعر بارع واستطاع الحد من اعمال المهربين وتحديهم لاسيما وانه دخل معهم في تحدي ومساجلات شعريه وتبادل معهم القصائد والنقائض وسايرهم كثيرا في ذالك بل تغلب عليهم تقريبا
دعوني هنا انقل لكم بعض مادار بين ابن ودمان والمهربين من مساجلات ونقائض يظهر فيها حجم التحدي والمنافسه بين الجانبين وهذا رابط القصائد مسموعه بصوت سعيد بن دومان نفسه
(صوره لسعيد بن ودمان)
وكان بن ودمان اسود البشره مما دعى البعض من المهربين ان ينعتوه بالعبد وغيرها من الصفات في تلك المساجلات بينهم
بداء ابن ودمان تلك المساجلات بينه وبين بعض المهربين حين كتب قصيده فيها تحذير للمهر بين بقدومه وتحدي لهم وكانت سيارات سلاح الحود من نوع العنتر ناش كما يتضح من التهديد للهافات اللتي يستعملها المهربين
يقول بن ودمان
ياهل الهافات عنتر ناش جاكم _×××_وا عنا من صادفه بأرضن خليـّه
لعنبوكم هونوا جاكم عناكم_×××_ جاكم الموت الحمر ماهي زريـّه
هفوة ٍ زلـّت لكم وإكلوا خراكم_×××_بيعوا الهافات بأقيام ٍ رديـّه
وإعلموا وإدروا ترانا في قفاكم _×××_ومن يقاوي له جبل ما راح نيـّه
ياهل الهافات عابينا عباكم _×××_الفروت جداد والعزبه قويـّه
ياهل الهافات خيـّبنا رجاكم _×××_ نحمد اللي قدرته ماهي خفيـّه
بيعوا الهافات ردوا في سراكم _×××_ خلـّوا السمره وطـّوال الحنيـّه
الدهر ذعذع لكم ثمن جفاكم _×××_ وإفهموا وإدروا ترى في الجحر حيـّه
خسرت الشركة وخيـّبنا ثناكم _×××_ وبعضكم بالقسط ما خلـّص وديـّه
ياهل الهافات حنا من وراكم _×××_ والسعد قدامنا في كل هيـّه
تحت حكم اللي عن المنكر نهاكم _×××_ عن طريق الدين تلقون المنيـّه
عندنا اللي يمرجن باقي شواكم _×××_خمسه وستين ضد الجندليـّه
والذي هيـّض غرامي من خطاكم _×××_ هرجة ٍ من واحد ٍ جتني خطيـّه
وعندما تسربت تلك القصيده ووصلت لسمع المهربين رد عليه احدهم ويدعى فهد الكحيلي ناقضا قصيدة بن ودمان ورادا الصاع صاعين
ياهل الأبرق تبـّين لي خطاكم _×××_والخطا راعيه يقنع بالخطيـّه
يا عوينك وارد الستـّه لفاكم _×××_ وعنترك خربان والخمسه رديـّه
كم ونيت ٍ لا كمل حمله وطاكم_×××_ وقاعد ٍ بأرقابهن تثني الهديـّه
وإن لحقتم موتره عنده دواكم _×××_أرنب ٍ حمرا عيون مجادعيـّه
من قديم وسلمها تاكل خصاكم_×××_فعلها في جدكم لا رحم حيـّه
إن بغيت الصلح جاكم ما كفاكم _×××_ وإن بغيت الزود رد العلم ليـّه
بعد مده من الزمن قبض على مهرب ومعه هاف جديد لم يتعدى طبلونه الالف وخمس وكان هذا المهرب ولد عم لفهد الكحيلي فقال بن ودمان ساخرا من الكحيلي ومن سياراته اللتي تحدى بها سيارات سلاح الحدود من قبل حتى وان كانت سياره جديده وعلى نفس قافية القصيد الاول
يا سلاح الحد يوم الله عطاكم _×××_ لا تهابون الخطر والمخطريـّه
خلوا الرشاش مركوز ٍ حداكم _×××_ والمخازن وسطها النار الصليـّه
يالكحيلي وارد الخمسه خذاكم _×××_ وستـّتك مع حملته ما راح نيـّه
ربعنا صادوه عانه من وراكم _×××_ما مشى ياكود ألف وخمسميـّه
والعناتر يالكحيلي في حراكم _×××_والفروت الحمر وجنود السريـّه
يالكحيلي ما مشينا في رضاكم _×××_ إن زعلتوا أو رضيتوا بالسويـّه
ياهل الهافات ما خذتوا قضاكم _×××_ما بكم قاصر ولكن معجزيـّه
والكحيلي في قصيده ما كفاكم _×××_دوروا غيره ترى الدنيا هبيـّه
ياهل الهافات تالي منتهاكم _×××_ والله إنه عند سلك العسكريـّه
مثل ٍ ناس قد وطاهم ما وطاكم _×××_ فعلهم كنـّه عملكم بالسويـّه
أو نسفـّركم ونسلم من غثاكم _×××_ والحكومه دونكم والله غنيـّه
إن مشيتوا بالسنع محد ٍ شناكم _×××_ ما يجازى واحد ٍ ماله قضيـّه
وإن عصيتوا الأمر معروف ٍ جزاكم_×××_بأمر شيخ ٍ ما يبى راعي الخطيـّه
والحكومه رتبـّتنا في نحاكم _×××_ نمنع المنكر عن أفراد الرعيـّه
.
(صورة هاف 66 مشابه للي استخدمه المهربين في ذاك الوقت)
(الصوره من موقع مزايين)
احد المهربين واسمع صعفق بن عبيد كتب قصيده واوصلها الى مكتب بن ودمان يقول فيها متحديا بن ودمان
الخوف لو ضد بالجزمات _×××_ ما نشركه مذهب شيوعي
أموات حنا عيال أموات _×××_مضمون ما باقي الدوعي
وعبيد ورد لنا الهافات_×××_ عنده ترى البيع ممنوعي
هافات خمسات والستات _×××_ يالعبد يا قاصر البوعي
جميع يمشن وألا أفوات_×××_ والرزق ماهوب مقطوعي
إبلا دفاتر ولا لوحات _×××_ والخط ماهوب مشروعي
مـّرن على العبد بالساعات_×××_ما فاختن شوفه أسبوعي
يالعبد مرن عليك افوات _×××_وكبوت عنترك مجدوعي
عنترك مخشوش بالغابات _×××_مسبوع وأبوك مسبوعي
هافات ما تخاف العادات _×××_كم طنب للهاف مشلوعي
وفوراً رد عليه إبن ودمان بهالقصيده :
ما ينفع الدس والحيلات _×××_ والكذب راعيه مصروعي
ومن زيـّف الكذب ماله ذات_×××_حتى ولو هو ّ مطيوعي
مانيب من يتبع الغرات_×××_والوجه ما فيه داموعي
أدرى قصيري عن الزلات_×××_ولا نيب خاين ودانوعي
عبد ٍ ولا يتبع الغفلات_×××_وراسي مع الناس مرفوعي
وألا أنت عندي عليك إثبات _×××_ في جارتك جعلك الروعي
فعلك قبيح ٍ بوقت ٍ فات_×××_واليوم مثني ومربوعي
ياعبيد يا امجمـّع الخردات _×××_ من كل هيس ٍ وصعصعوعي
تراك من سالف الأوقات _×××_ دلال ما نلت مشروعي
فعلك تشيـّك علىالحملات _×××_في كل منكر وممنوعي
حذفكم المهدي بنشبات_×××_حطك منشـّه ومشنوعي
حتى إبن شرهان يا حسرات _×××_ يلعب بكم دون منفوعي
وأخوك بالحبس والحرات _×××_ حـّول من الجو للقوعي
لعب به الوقت لعب الزات _×××_ما نيب شامت ومفضوعي
ولا نيب أحب أكشف العورات _×××_ألا ليا صرت منيوعي
لا شك دونك هل العادات _×××_شربوا من الجم قرطوعي
مثل الصبي قاضي الحاجات _×××_طيبه مع الناس مرزوعي
عليه شرهه وله شرهات _×××_أيضا ولا هوب سعسوعي
نجزي هل السو ّ بالسيات _×××_ولا نيب في النذل مخدوعي
ونجزي هل الطيب بالحشمات _×××_وكل ٍ له القدر مصنوعي
وهديتك يا عميلي جات _×××_ودرب الحيا صار منزوعي
ياعبيد قل لصعفق هيهات _×××_ماراح ماهوب مرجوعي
ومسكين يا ناظم الأبيات _×××_قوالهـّن ماله ضلوعي
ينبح وينخش بالمنحات _×××_خبل ٍ من العقل منزوعي
كلمة عقل مابها حوفات _×××_لا شك من راس مصدوعي
وكثر التحوص مع اللفات _×××_ما تعتمد كل رعروعي
والمعركه وسطها قوات _×××_يدخل بها كل مقلوعي
كانك تبى الحرب هاك وهات _×××_ولا تجعل القاف مدبوعي
وبأنصحك عن ضايع الهقوات _×××_تصبح على الخشم مقموعي
ولا تنطح الموت والغبات _×××_لا تحسب الغب ناقوعي
يا عبيد ما صار لك نوهات _×××_ما غير للتن جاموعي
وخسران لو كان لك هافات _×××_قلبك من الغبن منقوعي
هذا الجزا كان لك رغبات _×××_وترى الزعل دوم مرفوعي
والله لو طالت المدات _×××_ما أزعل ولا نيب جازوعي
أيضا ولا أحتاج للفزعات _×××_وإسمي على الجين مطبوعي
إن كان عدتوا لنا عودات _×××_والدار ماهوب مقطوعي
وصلوا على سيد السادات _×××_اللي علىالخلق مرفوعي
.
(صوره دعايه عنتر ناش 64)
.
وبعد مده تجمع بعض المهربين وكتب احدهم واسمه ناجي قصيده يتحدى بها بن ودمان ومرو من عند المركز ورمو الورقه بشكل ملفت وبتحدي لبن ودمان
يقول ناجي
ياهل الهافات زيدوا سعرهنـّه _×××_إشتروهن نقد وألا بالقصودي
ما حلا مرواحهن بحمولهنـّه _×××_جاوزوهن غيبة الشمس الحدودي
أبرق الكبريت لا زم يسهجنـّه _×××_مركزك يالعبد بيـّاع الجلودي
ما بغنـّه لازم إنهن ياصلنـّه _×××_فوق والهافات عجلات الردودي
كل ما سكـّر طريق ٍ يفتحنـّه _×××_يقطعن ّ الطنب ويطيح العمودي
والقريفن* حملهن من سامهنـّه _×××_وارد الهافات ما ينقص يزودي
عنترك بدروبهنـّه حملنـّه _×××_أصبحن يالعبد عن حد النفودي
وكم صبي ٍ بالمساري زاد فنـّه _×××_ما ينام الليل والعالم رقودي
* القريفن هو دخان ابو بس على ما اعتقد
وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات :
مل قلب ٍ هيـّضه ناجي بفنـّه _×××_شاعر ٍ قام ايتعلم للردودي
لو تغبى لازمن نظهر مغنـّه _×××_عارفينه لو تذرى بالحدودي
وكل قولك عارفينه لو تكنـّه _×××_مير ما نبغيك جعلك ما تعودي
والعلوم الخايبه مالك وهنـّه _×××_والمرد الشين عندي ما يكودي
مثل بعض الناس عندي له محنـّه _×××_حشمة ٍ لشعيب خذها لك سنودي
والحنش الاسود أنا بأنصحك منـّه _×××_لا تحسب إنه من العالم شرودي
ومن بغى التهريب هافه لا يحنـّه _×××_والخطر قدمه على حد الحدودي
إن نوى الله فكتّـه ما فيه منـّه _×××_كل دربه لا مشى لينه سهودي
أو يصادف لا نوى ربي يعنـّه _×××_ياخذون الهاف وعيونه شهودي
والعوض من عقبها يخشر بسنـّه _×××_والنصيفه من حلاله للجنودي
مير وين أهل القلوب المرجهنـّه _×××_**** كانكم توفون للقول العهودي
مروا الأبرق وهن بحمولهنـّه _×××_عارضوا قدام بابه يالفهودي
خلوا العنتر يشوف أزوالهنـّه _×××_والخطوط طوال والدرب امحمودي
وما حلا شوف البكم يرثع بشنـّه _×××_في عفاش القاع مع جدع الطرودي
وما حلا صفق الفشق بجنوبهنـّه _×××_والبرن ّ يعدهن عد النقودي
وكل هاف ٍ فيه جندي ٍ يقنـّه _×××_والمهرب طايح ٍ ما فاد فودي
والسنافي في عهوده سمهنـّه _×××_ياصل الحروات لو دون الحدودي
إضربوا درب الخطر والموت سنـّه _×××_والفتى عمره على اللوح امحدودي
والذي يوعد ولا يوفي بهنـّه _×××_ودك إن ايحط في صدره نهودي
تلك المساجلات والنقائض بين بن ودمان والمهربين تعتبر من اجمل ماقيل في التهريب بل تعتبر غرض جديد من اغراض الادب جدير بان يسمى ادب التهريب
كانت مساجلات وتحدي بين الفريقين بروح ابيه كريمه لاتقبل الصغر او الذل او الهوان وكان الاحترام بينهم كرجال وكان للمرؤه والشهامه واباء الانفس مكانا في انفسهم
مع كل مادار بينهم الا انهم احترمو بعضهم ولم يتدن ويهبط او يسفف مستوى ادبهم وحوارهم
.
صور هافات
ويظهر عليها شد الهنقلين مشابه لما كان مستعمل عندنا وقتها
هذي صور ماخوذه من منتدى قطري لعضو نسيت اسمه وهي صور لهاف 66 ويملكها احد الهواة في قطر
وهذه صور لهاف آخر من نفس المنتدى واعتقد انها لنفس العضو السابق وللاسف عندما حاولت العثور على الموضوع لكي اذكر اسم العضو لم اجده ولا اعلم هل الموضوع سقط من المنتدى او من الشبكه بشكل عام ام لم يحالفني الحظ بالعثور عليه
لاحظو المسافه بين الغماره والرفرف الخلفي ..مسافه كبيره نوعا ما ولو كان الفرت عادي وماهو هاف كان المسافه تصير نصف المسافه وهذي م وهذي علامه تفريق الهاف عن الفرت العادي لاضافه الى العلامه الرئيسيه حقت الهاف واللي مكتوب عليها 350
وهذه صوره لهاف 66 طرحها عضو اسمه Syos911 في موقع ديونجي للصور
والصوره في منطقة حائل
الملاحظ ان اكثر تلك الهافات اللتي احتفظ بها الهاواة موديل66 ولعل ذالك يرجع الى قرب العهد بها وكثر مبيعات هذا الموديل انذاك لان سمعة الهاف وانتشاره وصلت اوجها في وقته
.
ونختم الحديث عن الفرت بذكر سيره شاعر قال الكثير في السيارات وبالخص الفرت الهاف
لعل اكثر من ذكر الفرت في شعره واشاد بمزاياه واسهب في مدحه كان بندر بن سرور ضمن الكثير مماقاله في السيارات بمختلف انواعها
بندر بن بن سرور القسامي الروقي العتيبي ولد 1360 هجري وتوفي 1400 هجري تقريبا رحمه الله
ذهب بندر للكويت بعد استقلال الكويت مباشره واثناء تهديد العراق للكوين في ال61 كعسكري ضمن قوه سعوديه ذهبت لحماية الكويت المستقله حديثا .. واثناء وجوده في الكويت اتسعت قاعده ثقافته و مفرداته واللتي ضمت بعض المضامين والكلمات الاجنبيه كما يتضح في شعره
(صوره بندر بن سرور كما نشرتها صحيفه محليه)
.
ولبندر ابن سرور سوالف واخبار في التهريب منها انه في احد المرات لاحقتهم دوريه هو واحد رفاقه في التهريب واصابت رفيقه وهرب هو وادخل رفيقه للمستشفى للعلاج من الاصابه ومن ثم بعد شفائه محاكمته وسجنه وذالك في احد الدول المجاوره ..ولكن بندر الشهم الابي لم تسمح نفسه ان يقع رفيقه وهو حر طليق فذهب وعاد بهاف جديد الى تلك الدوله المجاوره يرافقه صاحبه عبيد وزار صاحبه المصاب في المستشفى وهو تحت الحراسه كزائر للمريض من جماعته وعند دخوله الى غرفة رفيقه المصاب قال له ساهربك من المستشفى وكان قبل نزوله من السياره اللتي يسوقهاعبيد اوعز لعبيد ان يوقف السياره اقرب مايكون لنافذة غرفة رفيقه المصاب وفعلا وقف عبيد بجوار الغرفه مباشره ايضا وصاه ان تكون السياره في حالة اشتغال و حين يركبون في الصندوق ان يدعس على البنزيم فورا وان يتجه للباب باقصى مايمكن وان كان الحاجز منزل فلايقف بل يصدمه ويكسره ويهرب باقصى سرعه ممكنه
وهذا ماحدث فعند دخول بندر في غرفة صاحبه وسلامه عليه وتاكد الحارس ان الزائر للسلام فقط كعادة زوار وعائدي المرضى وبعد خروج الحارس حمل بندر صاحبه والجبس مركب على اجزء من جسده وخرج به مع النافذه وعلى طووول وضعه في صندوق الهاف وعبيد في حاله استنفار تامه وماصدق على الله يشوفهم طابين بالصندوق الا وهو يدوس على الهاف وينحر باب المستشفى محطما الحاجز وكافخا باقصى سرعه الى حيث لا احد يستطيع اللحاق به
ومن سوالف بندر ايضا انه كان في احد رحلاته التهريبيه واقفا في مكان اثناء استراحه يصلح شاهي او وجبه عذائيه واثناء ذالك وقفت على راسه دورية سلاح الحدود وطلبو منه التوجه امامهم الى المركز تحت تهديد السلاح ولكنه واجههم بهدوء وبرود تاميين ووعدهم بتنفيذ كامل تعليماتهم وطلب منهم ان يستريحو قليلا ويشربون الشاهي المعد والجاهز مسبقا ووعدهم ببعض السوالف والاشعار اثناء شرب الشاهي ومن ثم التوجه معهم فوافقوه وجلسو معه لشرب الشاهي والاستماع الى سوالفه واشعاره الشيقه..وطالت ارتشافات بيالاتت شاهي بندر بن سرور وطالت السوالف الشيقه اللتي يرويها لهم وبياله وراء بياله وسالفه تجر سالفه الى انتهى الشاهي وقام بندر من عندهم وهم في غاية الانبساط والحبور وقال لهم في امان الله وقالو له في امان الرحمن حفظك الله يابندر وانتبه لنفسك يابندر ترا الطريق وعر وخطر وننصحك بالذهاب مع الطريق الفلاني لانه اسهل ولاتنس لما ترجع المره الجايه تمرنا نبي نسولف معك ونشرب الشاهي سوى ولاتبطي علينا
ودعهم بندر وهم يضحكون جميعهم وذهب في سبيله وكله من شاهي بندر اللذي حولهم من جنود وحرس للحدود يقومون بواجبهم بمتابعه المهربين الى اصدقاء حبوببين لبندر بن سرور ينشدون رجوعه مره اخرى وهم على احر من الجمر
بندر بن سرور عاش في آخر حقبة ازدهار الدوج وقال شعر في الدوج .. وعاصر حقبة الهاف ولحق على الجمس وقال فيهن الاشعار ولكنه لم يقل مثل ماقال في الهاف في اي سياره اخرى
.
.
وقال بندر الكثير من الشعر في ذكر السيارات ووصفها والتغني بها وخاصه الفرت والهاف اللذي اسهب في وصفه وبرع
ومما قاله في ذكر الفرت والهاف وكان بندر في احد حقب حياته يمتهن التهريب بين السعوديه والكويت وربما العراق
يقول بندر في الفرت اللذي يصفه بتحمل التهريب وجور السائق
ألا يا نديبي فوق من ينطح التهريب _×××_ ليا عد مية قام يلعب دركسونه
أبي ابعد عن الشرطة و افارق جنود الذيب _×××_ لدارٍ يبيدن الونيتات من دونه
و يا حن قلبي حنّ فرت بعد توضيب _×××_تحت خارجي ما طفت نار غليونه
وقال ذاكرا الهاف ومتمنيا ان يفدنه غنادير البنات (من زود الغلا)
من يسب الهاف جعله فدوة له_×××_جعل يفدنه غنادير البناتي
لانهمت الهاف جاك الهاف كله_×××_تقول يشرب من غراش المسكراتي
وقال في الفرت الكلاسيكي اللذي باشر عملية التهريب فور اخراجه من الحفيز
راكب اللي من حفيزه للحدودي _×××_عَقّب العشرين طبلون اميتينه
فرت نوع كلاسيكي ماله طرودي _×××_ أبيضٍ في البيت الأبيض فارقينه
يرفعنّه نايماتٍ بالعمودي_×××_و الهوى و النار يرخنّ المكينة
يوم مرّ خريص مع عرق النفودي_×××_قاومه صوت القيامة في المدينة
وقال مخاطبا عبيد
يا عبيد غنّن سيور الهاف_×××_ لا يا بعد كلّ من غنّا
عرق الابيتر رماه خلاف _×××_ ما طب له واحدٍ منّا
( وعبيد اللذي ورد اسمه عدة مرات كان فتى يافع انذاك ويتيم من اقرباء بندر بن سرور وكان بندر يرفق عبيد معه لكي يستفيد من باب صلة الرحم والعطف عليه)
.
وقال ايضا
ألا يا نديبي فوق فرتٍ ورد من شرق_×××_على راس قيره للعليمي تعاشيقه
من الوارد اللي جمركه عند راعي عرق_×××_على المطرق مجبور ياخذ قماريقه
وقال مخاطبا منير
جيت الوكيل وعفت ما شفت يا منير _×××_ وأسرعت من دار الوكيل النكوفه
من فوق هاف ٍ ما يشيل العقاقير_×××_من زود فنه صافيات ٍ بلوفه
(ومنير اللذي ذكر ايضا اسمه في شعر بندر هو صديق مخلص له)
وقال مخاطبا عبيد
ياتل قلبي تلة عبيد للهاف _×××_تله ولد زايد بدارٍ مخيفه
تله من العارض يبي خط الأطراف _×××_كب السهل وأرقاه راس الحتيفه
وقال مفتخر بشعره وذاكرا ان الشعار لايستطيعون نقض ابياته
انا ليامني نويت افتل البيت_×××_ فتلت والشعار ما ينقضونه
بينت راسي للمغني وغنيت_×××_وين انت ياللي مرمسات ديونه
حج الجمل ياهل المثايل وحجيت_×××_والناس راس العبد مايقطعونه
دوك السويتش وشغل الفرت يابخت_×××_وارد حفيز وكاملات فنونه
.
.
وهنا يذكر روايه رحلة الفرت من بلاد الشام
من بلاد الشام جينا بالمكينة _×××_فوق فرتٍ ما تخثع بالطماني
يحتدي مثل الجمل تسمع رطينه _×××_ مع طمان القاع مثل الثعلباني
والشـُفير من المدارس مطلعينه _×××_عن ظلام الليل شب الكهرباني
كل ما جاه تل يلعن والدينه_×××_ باليمين اللي على كل اليماني
ما تجيه يسار رجله شوف عينه _×××_غير يسرى الطار شيٍّ بالاماني
يوم قال له الخوي عاشت يدينه _×××_شد رجله للكمك واحد و ثاني
يالله انك تنصره من نصر دينه _×××_ إن عطى له مع غبا ولا بياني
قلت يالمطنوخ أنا عيني حزينه_×××_ من شراب اللف أبيه و عنك كاني
قد رمى بالكيس قدمي قال وينه _×××_ دوك ما بالجيب عن شيٍ لهاني
قلت ثالث قال يالله لا تهينه _×××_قلت خامس قال يطلب نقل ثاني
قال واحد و الكمك واسمع حنينه _×××_كيف ما ترضى عليّه بالهواني
قلت واحد و الكمك ضام المكينة _×××_قال لي من يرحم القاسي لياني
قلت والله يرحمونه صانعينه _×××_قد زعلت من اللهيب اللي حداني
قال ما ناثق بمن هم متقنينه_×××_عن مشاور غير عرفي قد كفاني
قاطع عرقين مادري وين وينه_×××_قد وصلت الأرض و اسمع صوت ثاني
قلت دوك اللف خابوا شاربينه _×××_غطّني عن شوف شي ما خفاني
يقول هنا ان الفرت ثقه ولايحتاج تجريب لانه مجرب بالبيت الابيض قبل استيراده
ياهل الونيت اللي نوى مشتل البيب_×××_ ما دق صدره بالخطوط الغزيره
يوم يتخضّع في محير الاداعيب _×××_يشدي تخنّع جادلٍ في حريره
لا تجربونه ما يبي الفرت تجريب _×××_قد جرّبه في البيت الأبيض خبيره
ويستهل بوالقصيده بوصف الفرت كما كان الاقدمين يستهلون قصائدهم بذكر الراحله واوصافها
يا راكبن من فوق صافي البلوفي_×××_ مقعد انبير الزيت نيم الحرارة
فرّاق ما بين القلوب الولوفي _×××_فرتٍ كما وبل السحايب غباره
ويذكر الفرت اللذي وقع في يد الحكومه ثم يذكر الفرت الآخر ابو سطب اللذي يقرب البعيد التعيب
معه فرت خمسة طن ياخذ مية ركاب _×××_ من المال عيّن ينقلنّه تغاييره
دخل هو و حِمله للحكومة بغير حساب _×××_و راعيه عشر سنين و يعاد تقريره
على اللي كواني كيّة العظم بالمشهاب _×××_على أقصى عراوِ القلب محمي مناشيره
عشيري ورا الكوده وانا من ورا مشعاب _×××_ بعيد قريب تعيب يا هون تيسيره
ولا يوصله كود فرت عليه اسطاب _×××_ ليا حاسب السوّاق تقدح مواخيره
صنايع بياطير الكفر لابسين الكاب _×××_ عصاة اليهود اللي مشاريبها البيرة
.
.
ومن قصيده استهلها بندر بن سرور بذكر الفرت يقول
يـامنير دوك الفرت واخذ الفواتير _×××_ افـحـص عليه ودخله بالكراجي
الـلـي يبي بنزين ركب مواصير _×××_ والـلـي تـبيه النار ركب بواجي
.
.
.
راجيا ان يكون الموضوع من الاهميه والفائده على قدر مابذل فيه من وقت وجهد ويحوز رضاكم واعجابكم .
التعديل الأخير تم بواسطة عبدالرحمن الدرويش ; 29-10-08 الساعة 09:41 AM
سبب آخر: وجود أبيات غير مرتبطة بأساس الموضوع
الفرت الهاف ملك السيارات في الستينات...(معلومات وشعر وصور)
العرض العادي
