رحلة_درب الصمان_بالصور_من الجبيل الصناعية إلى الصمان_Road Of Sumaan

[لودنق(ابوعبدالله)]

بسم الله الرحمن الرحيم

بعد السلاااام والتحية ... لأعضاء وزواار المنتدى ...



بعض المقتطفات من رحلة " درب الصمان" ...بالصور




اتفق الربع الأسبوع الماضي لرحلة استكشافية لفياض الصمان والتمتع بجمال ربيعها وتم تحديد يوم الأربعاء 28/01/2009 م وبالفعل وبتوفيق من الله تم التجمع ليلاً بعد الخروج من الجبيل الصناعية...

عند محطة السعيرة والتزوود بالوقود والتموينات اللاااااازمة ...
لاااازم بعض الصور ... لييييين يعبي الصدييق فللل ...


والحمد لله تم التجمع بعد المحطة لتحديد الوجهه ... نطلع قطوووع ... ولا مزفلت ..

ليييين يتفق الإخواان ... لازم بعض الصور الإستهباااليه ...

[لودنق(ابوعبدالله)]

اتفقوا الربع قطوووع ...بعد مشي تقريبا ساعة ... اقترح احد الزقووم ... نريح ونمرح ومن اصبح افلح ...


جلسة ليلية ... شبه ضوو وشاهي وقهوة وقدووع يحبه قلبك ...


فاااكهة الشتاااااااا ...

بعد سواالف سنعه ...من رجااااال كريمين الطبايع والأفعال... الكل يقررر الإنسحاااب للنووووووم ...


الكل تقريبا نااام ذيك الليلة ... وفيه شبااب موااصلين صباحي " مع الصمان ما في نوووم " ...

سبحان الله ... إذا شفت هالصوره تذكرت الآية الكريمة : ( وَالصُّبْحِ إِذَا تَنَفَّسَ )

[لودنق(ابوعبدالله)]

وصلاااة في الخلااا الخااالي ...

احلى لقطة برية... الله يجعل هالأرض اللي سجدتوا عليها تشهد عليكم بالخير ...


بعدها تم الإتفاق إكمال المسيييييير ... إلى الصمان الشرقي قطوووع ...


شوي ويطق بطوون الشباااب الجوع ... فما لك إلا تشوف مكان زين نضبط ذاااك الفطووور

[لودنق(ابوعبدالله)]

وبالفعل ... تم التعاون على فطوور شكشوكة وجبن وعسل ...اختصارأً للوقت ... بس ياهي شكشوكة ... " مقاديرها مخاذينها من فتافيت " ...

والحمد لله تم الوصول ... إلى المكان المقصوود

لقطة جانبية مع راااس هالطلي ...منظر وجلسة تشرح الصدر ...

وبعض الشباب منهمك بتقطيع الحطب ... عايشين جوو هاااايدي ... ماينلاااام الربع من الجفاف اللي جااا ...

العصرية لعب كووورة ...

صورة تذكارية ... لمنتخب الصمااان ... في ديرة الآمااان ...

[لودنق(ابوعبدالله)]

وتم ذبح الذبيحة حسب الشريعة الإسلااامية ... والسفااح ابو عبد الله ...


خوووش سلخ بو علي وبو عبدالله ... ونص اللحم رااااح ...


الله يعطيك العافية بو عبد الله ... خوووش تقطيع ...لزوووم المدفوون ...

وللجراابيع من الكشته نصييييييب ...

[لودنق(ابوعبدالله)]

جلسة ليلية صمااانية ... انتظااارا للعشااااا اللي يدسم الشووارب ...


وتم تضبييط العشاااااا ... لحم مدفوون يحبه قلبك ...

وبعد سااعتين... النتيييجة ...خذ نفس عمييييق ...



يم يمييييي ... ودك تااااكله وهو على الضووو ... " لحم مدفوون تبهيره سرية من ابو عبدالله " ...

طااااح ...الشباااب مافي صبر ... لأخذ صور ... الصبر زين يا شباااب ...


ابو الشبااب يكسر الخااطر .. يطااالع فيني ويقول خلصت تصوير ... ابي اتعشاااا ...ممكن ... تفضل انطح فااالك ... هني وعافية ...

[لودنق(ابوعبدالله)]

بعد العشااا ... عند هالضوو ... شااهي خاااادر ... بالعافية شباااب ...


لقطة ارض جو ... لربيييع الصمان بصراااحة ... تصلح خلفية للجهاز... Background


لقطة جماااعية للربع في رحلة " درب الصمان " ... الله يجمعكم دووم على خيييييير ...وفي النهاية الشكر موصول لكل من ساهم في إنجاح هالطلعة... والله يرزقنا من فضله
ونلقااكم إن شاء الله في كشتااات احلى و احسن على الخيير دووم يارب ... تحياتي

بو عبدالله ( لودنق..

[محمد بن سيف]

السلام عليكم ورحمة الله وبركاته
رحلة وجمعه جميلة بارك الله فيك.
تحياتي

[ابوتركي11]

حيال الله الوجه أبو عبدالله وحي ها القروم اللي معك

شـكــ وبارك الله فيك ـــرا لك ... لك مني أجمل تحية .

[أبوعبدالعزيز]

وعليكم السلام ورحمة الله وبركاته

أهلا وسهلا يا ابوعبدالله سعدنا بك وتواجدك معنا في الرحلات

ما شاء الله تقرير شافي ووافي وراائع

[الخلف]

وعليكم السلام ورحمة الله وبركاته
الاخ العزيز ابو عبد الله

رحلة موفقه ورائعه
شكلها كلها ضحك
ووناسه
بس انتم كثارين
تبارون
هههههه

شـكــ وبارك الله فيك ـــرا لك ... لك مني أجمل تحية .

[لودنق(ابوعبدالله)]

حياالله الأخوان ... عليم العطش ... ابو تركي1... ابو عبدالعزيز... الله يبارك فيكم ويحفظكم ... ومشكورين على هالردود الطيبه ... إن شاء الله نكون عند حسن الظن ...

[لودنق(ابوعبدالله)]

حياالله الأخوان ... عليم العطش ... ابو تركي1... ابو عبدالعزيز... الله يبارك فيكم ويحفظكم ... ومشكورين على هالردود الطيبه ... إن شاء الله نكون عند حسن الظن ...

[لودنق(ابوعبدالله)]

المشاركة الأصلية كتبت بواسطة الخلف

وعليكم السلام ورحمة الله وبركاته

الاخ العزيز ابو عبد الله

رحلة موفقه ورائعه
شكلها كلها ضحك
ووناسه
بس انتم كثارين
تبارون
هههههه

شـكــ وبارك الله فيك ـــرا لك ... لك مني أجمل تحية .

الأخ ... الخلف ... قل ما شاء الله تبارك الله ( هههه ) ...
إذا لك خاطر مباراة حدد الوقت والمكان ... والشباب إن شاء الله على on call >>>

الله يبارك فيك ويحفظك ... تحياتي ...

[المحمل]

ابوعبدالله .... الله يوفقك ويبارك فيك

تقرير وتغطيه لرحلة رائعه