صور لأمطار اليوم الجمعه 26 ذو الحجة 1428هـ

[أبوعبدالعزيز]

السلام عليكم ورحمة الله وبركاته

من يوم الخميس والبشائر نسمعها من هنا وهناك بداية بشمال المملكه حائل وجبه ولينه وساموده والصمان ، واليوم الجمعه كان النصيب الامطار المجمعه والغاط وشمال شرق ، والشحمه وبوضا وكانت الرحله الانطلاق انا والعنبري من شقراء وشمالا المستوي وكان البروق تشاهد لكن بقي امر الله

كان رشاش خفيف قبل الخويشات شمال شقراء 90 كيلوا
وبدأ اثر المطر قبل مفرق ام حزم

هذه السحابه كانت تبرق وترعد وسبحان الله ما بدأت تنشي ويزين مطرها الا شرق المذنب وغرب الغاط وتمركز مطرها على الغاط وشمال شرق

بعد الوصول للسريع الاتجاه للغاط ووصلنا اخبار بامطار غزيره جدا على الغاط والطريق السريع وفعلا كان المطر غزير جدا ولم نستطع النزول من السياره للتصوير والخط زحمه والبروق مولعه والرعد يدوي في المنطقه ، والخيال يكتوي شرق وشمال شرق

قبل مفرق الغاط وانت متجه جنوب

تمركز السحابه على نفود الغاط الى مفرق المجمعه تقريبا 60 كيلوا على السريع طبعا في اليل وصلنا خبر سيل

[راعي ساموده]

ماشاء الله عليك يابو عبدالعزيز ,, حنا بالرياض جتنا هالمزن ثقال بس الى هالحين ما أمره رب العالمين

[البارق]

بالله يبارك فيك يابوعبد العزيز
وبيض الله وجهك,,,,

[عبدالكريم اليوسف]

الحمد لله مطرنا بفضل الله ورحمته

اللهم اغثنا اللهم اغثنا اللهم اغثنا

كل الشكر لك يالامير

اخوك

[القويره]

الحمد لله

اللهم صيباً نافعاً


مشكور على التقرير

[ثامرالماضي]

بسم الله الرحمن الرحيم

الله يبشرك بالخير يابوعبدالعزيز ... وبيض الله وجهك ...

الله يجيب الخير يارب ...

,,,,,,,,,,,,,,,,,, تحياتي ,,,,,,,,,,,,,,,,,,,,,

[صديق البيئة]

الله يبشرك بالخير يابوعبدالعزيز ... وبيض الله وجهك ...

و حنّا نبشركم ايضاً، جانا مطر طيب امس ليلا في الشرقيّة.

اللم صيّباً نافعاً.

[محمد المعارك]

مشكور اخي ابو عبدالعزيز على هالتقرير المصور

شكل الصور هذي ينطق عن جو رائع وجميل ومشبع بالرذاذ...

جعلها الله أمطار خير وبركة وعم بنفعها أرجاء المسلمين....

وبارك الله فيك.

[احمد الثقفي]

الله يعطيك العافيه اخي أبوعبدالعزيز
شوقتنا للأمطار
جعلها امطار خير وبركه
ومشكورعلى التغطية الجميلة