أفضل مكان لنصب الخيمه بالنفود ؟؟؟

[راعي ساموده]

السلام عليكم ورحمة الله ,,
طبعا يمكن يكون سؤال غريب أو تبي تقول الله واكبر نفود ورمل حط خيمك باي مكان ؟؟

طبعا ردي راح يكون ....
بلاك ماطلعت معنا للدهنا الاسبوع اللي فات
جينا متأخرين شوي لقينا النشامى بانين الخيمه ومظبطين الامور الله يعطيهم العافيه بس ؟؟ المحل بوسط مهب يعني يصلح محل مراقبه
وراكم على هالمحل ياخوان قالو(ابومحمد) مل من الدوران ووقف سيارته هنا وقالنا هذا محلنا
وعينك ماتشوف الا النور من صبح الخميس ضررررررررررب سافي تصدقون حتى البعارين تمر من عندنا مستغربه من هاللي حاط خيمته بهالمحل ؟

انا قلت لازم انزل موضوع استفسار وش احسن مكان تبني به خيمك بالنفود علشان مايجيك مثل هالسافي اللي اعمانا

[البارق]

السلام عليكم :
هلا بك أخوي راعي سامودة
صراحة كأنك تدري وش اللي في بالي
نفس السؤال اللي عندي...



لي عودة بإذن الله

[راعي ساموده]

المشاركة الأصلية كتبت بواسطة ضباب الصبح

السلام عليكم :
هلا بك أخوي راعي سامودة
صراحة كأنك تدري وش اللي في بالي
نفس السؤال اللي عندي...



لي عودة بإذن الله

هلا وغلا باخوي ضباب شرفت الموضوع وننتظر عودتك

[عمار السفينه]

اي بالله كذا من زماااااان


ماشاء الله بدت تطلع الخبرات


كفو ولله

والصراحه اشكرك يا راعي ساموده على هالشطحات الزينه والمفيده

هات رأسك

أخوك

أبوعبدالله

[راعي ساموده]

المشاركة الأصلية كتبت بواسطة عمار السفينه

اي بالله كذا من زماااااان

ماشاء الله بدت تطلع الخبرات

كفو ولله

والصراحه اشكرك يا راعي ساموده على هالشطحات الزينه والمفيده

هات رأسك

أخوك

أبوعبدالله

هلا وغلا ابو عبدالله .. خشمك .. خشمك

[محمد المعارك]

ههههه
اجل البعارين يمرن مستغربات ؟؟ ههه ضحكتني هالقفشة ... الله يقطع بليسك ياراعي سامودة.

شف وانا اخوك الانسان دائماً يبحث عن الذرى في البر ... وخير الذرى هو تجنب الشمالي والغربي بالشتاء ولا عليك بما في ذلك باب الخيمة لازم يكون اما شرقي أو جنوبي.

وهذا اللي اعرفه.

[راعي ساموده]

المشاركة الأصلية كتبت بواسطة صقر

ههههه
اجل البعارين يمرن مستغربات ؟؟ ههه ضحكتني هالقفشة ... الله يقطع بليسك ياراعي سامودة.

شف وانا اخوك الانسان دائماً يبحث عن الذرى في البر ... وخير الذرى هو تجنب الشمالي والغربي بالشتاء ولا عليك بما في ذلك باب الخيمة لازم يكون اما شرقي أو جنوبي.

وهذا اللي اعرفه.

انت شفت يابو احمد ؟؟؟ اجل محل الخيمه تقول خيمة ناطور مافيه امل احد يمر ماتشوفه من جميع الجهات

وتسلم على هالمعلومات القيمه اللتي سوف يتم تخزينها للاستفاده منها .

نغزه ....... تراك ماجبتلنا علوم الثريا ؟؟

[ثامرالماضي]

بسم الله الرحمن الرحيم

أخوي راعي ساموده ...

سؤالك هذا مهم جداً ... ولا أحد يفكر أنه يوم من الأيام يكون موضوع مستقل ...

بالنفود مافيه شك دوّر الطمان وإن حصل نقره أحسن ... لأن الماء لايجتمع بالنفود أبد فلذلك مافيه خوف ...

أما الأرض الشداد ... يجب أن يضرب حساب المطر ... مثلاً على جال حزم ... يعني يكون المكان متصاغي بشكل غير ملاحظ ...
مايكون متصاغي بقوّه عشان النوم والجلسه ... ولكن عشان المطر مايستقر بمكانه ...

أما عن الهواء ...بالشتاء خاصة الخوف من الشماليّه والشماليّه الشرقيه أي مايسمى بالنسريّه ... والغربيّه أيضاً ...

فلذلك يجب أن يكون أحد الأبواب يفتح جنوب ... وأن تكون الجلسه به دائماً ... يعني الخيمة تردك عن الشمال
وإفتح الرواق الجنوبي وذر به عن الشرق ... وإمرح وأنت مستانس

هذا مالدي وقد أكون مصيب وقد أكون مخطئ ...

مشكور وماقصرت أخوي راعي سامودة على هالموضوع ...

وننتظر المزيد ... من كل مفيد ...

,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,

[راعي ساموده]

المشاركة الأصلية كتبت بواسطة أبو شعلان

بسم الله الرحمن الرحيم

أخوي راعي ساموده ...

سؤالك هذا مهم جداً ... ولا أحد يفكر أنه يوم من الأيام يكون موضوع مستقل ...

بالنفود مافيه شك دوّر الطمان وإن حصل نقره أحسن ... لأن الماء لايجتمع بالنفود أبد فلذلك مافيه خوف ...

أما الأرض الشداد ... يجب أن يضرب حساب المطر ... مثلاً على جال حزم ... يعني يكون المكان متصاغي بشكل غير ملاحظ ...
مايكون متصاغي بقوّه عشان النوم والجلسه ... ولكن عشان المطر مايستقر بمكانه ...

أما عن الهواء ...بالشتاء خاصة الخوف من الشماليّه والشماليّه الشرقيه أي مايسمى بالنسريّه ... والغربيّه أيضاً ...

فلذلك يجب أن يكون أحد الأبواب يفتح جنوب ... وأن تكون الجلسه به دائماً ... يعني الخيمة تردك عن الشمال
وإفتح الرواق الجنوبي وذر به عن الشرق ... وإمرح وأنت مستانس

هذا مالدي وقد أكون مصيب وقد أكون مخطئ ...

مشكور وماقصرت أخوي راعي سامودة على هالموضوع ...

وننتظر المزيد ... من كل مفيد ...

,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,

فعلا المحل اذا صار متصاغي تبلش اذا تعشيت مطازيز مافيه أمل تخرط

[البرّي]

اولا انا والله شرهت عليك انك تطلع مع ناس ما هم راعين بر هههه

ثانيا بالشتاء دور المطامن والمذاري

اذا كنت بصيهد انزل بمهبط (مهمص)على قولت احد الشيبان

واذا كنت بنفود (النفود الكبير - الدهنا - المظهور- اي نفود) تجد فيها نقر صدر النقره بالغالب باتجاه الشرق ونفوده باتجاه القبله لذلك عليك بقاع النقره محاذي النفود وخذ الجهه الشماليه لاحتمالية الذرى اكبر ولعل المكان يكون متواسي وباب الخيمة يفتح مطلع شمس

اذا بضلع وخل الضلع بينك وبين الشمال على كل حال

اذا بفيضة عليك باطراف الفيضة اذا خيمه .. والناس يتساهلون بالجلوس وسط الفيضة وهو اكبر خطأ مع انه فيه جلسة طيبة ومناظر حلوه تسر العين وتشرح الخاطر

واذا بشعيب دور العوشز ما فيه اذرى منه بس لا تنام ابد بالشعيب لورود نهي من النوم بمجاري السيل

هذا ما عندي والاخوة اللي طرحوا ارائهم فيهم خير وكفايه

اخوكم البرّي

[طرررخ]

أزين من نقرة به شوووووووووك(طرررررررررخ)

[قناص الحبارى]

أبو شعــلان كفيت ووفيت يالأمير


ولا به قصور بالحاضرين واللي ردوا



أخوي الغالي .......... راعي ساموده


عليك بالخيام السنعه وأترك الباكستانيات الخفيفه اللي ما تذري ولا عن نسمه الضحى

وعليك بمدارات الخيمه (( شد الرواق زين وأدفنه زين وشد الحبل بالأوتاد زين )) وما عليكم الا العافيه


أخوك/ قـــناص الحـــبارى

[راعي ساموده]

المشاركة الأصلية كتبت بواسطة قناص الحبارى

أبو شعــلان كفيت ووفيت يالأمير

ولا به قصور بالحاضرين واللي ردوا

أخوي الغالي .......... راعي ساموده

عليك بالخيام السنعه وأترك الباكستانيات الخفيفه اللي ما تذري ولا عن نسمه الضحى

وعليك بمدارات الخيمه (( شد الرواق زين وأدفنه زين وشد الحبل بالأوتاد زين )) وما عليكم الا العافيه

أخوك/ قـــناص الحـــبارى

والله لو تشري جدار بهاك السافي ماينفعك الا اذا تذريت

[أبو فالح]

مسّاكم الله بالخير جميعاً

يمكن تستغربون إذا قلت لكم .. أنا لا أحبذ المبيت في نقرة ، فالنقرة تصيبني في الاختناق الهاجوسي

أيضاً .. لا أحبذ الترزز في راس عيطا .. لأن الربد يشخفك ويلعب في مرسولك

في نظري أفضل شي الأرض المفتوحة ، والشجرة الكبيرة هي أفضل ذرا طبيعي ، لا نقرة ولا غيره

بمان الله

[ولد نجد]

افضل مكان ان تكون وسط النقر وان يكون اتجاهها جنوباً أو غرباً
للحماية من الهبوب الشمالية والشرقية والنسرية