هلشة الدوج ... عام 2003

[شايب الصمان]

السلام عليكم ورحمه الله وبركاته
عيدكم مبارك وتقبل الله منا ومنكم صالح الاعمال وجعلنا من الفائزين المقبولين بأذنه ياكريم .
ودي أقولكم سالفة هلشة الدوج بصبخة النعيريه عام 2003
هذا الله يسلمكم كان رئيسي سابقا أبومحمد ( مطلق ) معروف لدى العمده والمترو .... الله من زين الرئاسه كان الله يحفظه مسوي مخيم ثابت بالنعيريه من بداية البراد حتى هججتنا العقارب ووووو ... والعقارب تقول تكفون شيلوا مخيمكم خلاص مامليتوا من البر ........ طبعا كانا كل أوف نطلع للمخيم . وبعد طلعت المخيم الاولى وتجهيز المخيم كامل رجعنا للدمام وبعيد الضحيه جهزنا باقي عدتنا الخاصه بنا والاخويا الخاصين وقلنا روح لابومحمد ....
التحرك من الدمام بعد صلاة العصر قائد النسيان حضرتنا ومعاونيه وولد الشايب قائد الدوج ومعاونيه والمرور على العم ( جد العيال) بالفاضلي ونسلم عليه بس بس بس يابوفراس وعاد وأنا ما أدري كفشوني الشباب وبدون تعليق


وهذا النيسان مع الغالي الحبيب الدوج بالفاضلي عند قطيرة الحليب اللي شربناه

وهذه خاصه لابوفراس هالمطاره


وتحركنا بعد صلاة العشاء بعد مالزم علينا جد العيال ؟؟؟؟؟ !!!!!!!!! بشرب الحليب وبس وعند محطة العرجي قالوا الشباب ودنا نطب على أبو محمد قطوع والدمقراطيه تقول تصويت.. الاغلبيه قطوع وبسم الله تحركانا النسيان بالمقدمه بقيادتي الدوج بالخلف بقيادة ولد الشايب ونمشى مافة 10 كيلو الا الجهاز يلعلع شايب الصمان شايب الصمان أرسل ياولد الشايب قال الدوج هلش قلت ماهنا خلاف راجعلك والليل يدلي بستاره علينا ( حلوه ) وصلنا عند الموتر والا المقدمه اللي هلشه بطرف الصبخه ...ولكن للاسف لم أصور الوضع ... قلت خلنا نسحبه بالنيسان مع أنه جديد بالتمرين ولكن كله لعيون الدوج يهون (هذي لخشم الحصان ) ولكن أبى التحرك وقال الدوج ماودي أتعب يالنسيان توك جديد يحن على المواتر الله يبارك به المهم ماطلع حاولنا كذا مره ولكن جلسة أبومحمد عند الضويه ماتنعاف قالت خلوه الصبح رباح وناخذ الاجهزه والحليب الشوي ونخلي الخروف يونس الدوج زنطق الاحداثي ونوكل على الله ونركب النيسان كلنا تخيل العد وبس وأذكروالله ونمشى ونباري الصبخه وكل ماكشحنا العلي والاماهنا نهايه للصبخه الراي يالربع قالوا أنت الكيبر قلت تبون رحله ماتسونه أبد قالوا توكل على الله ...... ومن العناد محنب راجعين مع خطنا اللي جينا معه ...قلت توكلنا على الله وترا قطعة الصبخه هي خلى الوحيد يانطلع أو نرقد عند الدوج والنيسان قالوا بسم الله توكلنا على الله ونرجع مسافه طيبه وأحول القير على العادي مع دبل خفيف وبسم الله كم السرعه ماأدري ولكن اللي نذكره أننا نقزنا نقزه وغدينا تقل قش مطلقه داخل الموتر ورجلي مارقعته عن الصاجه ...... وناصل أبومحمد هاوراكم تأخرتوا كلنا ماهنا شىء بس الربع ضحكوا ضحك الله سلم ونعلمهم بالسالفه ويقوم صمايم راسي أبومحمد مشينا حالحين يابومحمد الصبح ربح قال أبد أخلي الدوج يبات لحاله أبد ونتوكل على الله موتر أبومحمد جمس صالون 4x4 وموتر أبوعبدالحمن vxr 8 سلندر وعلى الدوج طق الجارمن المسافه 24 كيلو عن المخيم وصلنا الموقع وناقف على طرف الصبخه من الجهه الشماليه والموتر من الجهه الجنوبيه ورجليه الى الموتر وقال الحبيب أبومحمد جب الصالون يابومحمد تعوذ من الشيطان موتر واحد ولاموترين والصباح رباح قال لا وينقز أبو عبدالرحمن ويجب vxrويمشى قدامه رجليه أبومحمد الين وصل عند الدوج وينتله نتله يحبها قلبك ويطلع وأوقفه على الارض العزاز وأقفله ويجيك أبومحمد شغل الموتر يابومحمد خله الصبح نشوف الدرب قال أبد هالحين أو وخر ( طبعا كان ذاك الوقت رئيسي ) وماأقدر أعيي عليه وقال سمر رجلك بالمكينه وخلك على جرة التويوتا يابومحمد أعرف الموتر ثقيل تراه خله الصبح قال لا وبسم الله ودوس الصاجه كله مامشى ولا كيلو الا هالصور تحيكم
1 -

2 -

3 -

4 -

5 -

6 -

7 -

وبعد ها قفلت الموتر ورجعنا للمخيم ومن صباح رب العلمين نزلنا للنعيريه دور ونش كرين أي رافعه جيكات تريلات أبد لاحياة لمن تنادي وكل من قلنا له عن الموقع قال لوتعطيني اللي تعطيني لايمكن أروح ولكن ماتضيك الا الفرج من رب العالمين وندخل ورشه بمدخل النعيريه قالوا يمكن يروح معكم عنده بكرة سحب كرين ...... ونفس الاجابه والاأبوناصر 225 خوي ولد الشايب عسى ماشر قلنا أبد الموتر وضعه كذا ويدق على أبو وضحى ونش موترك شغال قال هات الاحداثي والوعد الاحداثي ونتوكل على رب العالمين وعلى هلشة الدوج شوي الاأبووضحى على النيسان وبخشمه ونش 3.5 طن أسحب الواير أشبك الواير دعم الكفرات ماهنا حركه أبو وضحى الله يبيض وجهه هو وأبوناصر قال بأذن الله يطلع عشق الدبل الثقيل للنيسان وعشق الدوج والمعاونيه يدفون والحمدلله طلع الموتر ..............
حاولت أنزل مقطع فيدو سحبة النيسان للدوج ولكن كبير الحجم ؟
وهذا النيسان واقف على طرف الصبخه




وهذي سالفة هلشة النعيريه والسلام عليكم ورحمه الله وبركاته