السلام عليكم ورحمة الله وبركاته
تلبية لدعوة المنتدى لطلعة يوم الخميس الماضي الى شمال القصيم، قررت الذهاب ومشاركة أعضاء المنتدى في أول طلعه بريه لي معهم حيث كانت فرصة للتعرف على نواحي شمال القصيم ورؤية الفياض اللتي طالما حلمت بزيارتها، ايضا رؤية بعض الأعضاء الغالين الذين مضى وقت طويل منذ ان رايتهم آخر مره.
الوقت كان قصيرا، والمسافة طويله، لم اهتم لأخذ الكثير من العفش عدا كيس النوم، منفاخ الهواء، اشتراك، اثنين من اسلاك السحب(وايرات)، مخده، دبة ماء، دشداشه، عده خفيفه، أيكوم، لاب توب والكاميرا، يعني ما أخذت معي عزبه.
تحركت من جده الأربعاء الساعه الواحده والنصف ظهرا، كلمت ابو فراس، قال انه مشى الى أبو مروان وأبو أسماعيل اللي جايين من الظهران في المكان المتفق عليه، المسافه 900 كم الى القصيم و200 كم الى التيسيه مكان التلاقي، قلت مالها الا رجالها لا ترفع رجلك عن الـ 150 ويالله انك تكفينا شر السرعه،
بعد 200 كم عبيت بنزيم من ساسكو منتصف الطريق من جده الى المدينه، والوقفه الثانيه في محطة العاليات الساعه السادسه 100 كم على طريق القصيم السريع، الساعه العاشره وانا عند هزيم الرعد بالرس في الأستراحه مع الشباب جالسين يتفرجون على مباراة الهلال والنصر والجو مكهرب كلهم هلاليه وانا لا لي في العير ولا النفير بس أداهنهم،
سفره دايمه يابو صالح الله يزيدك من فضله تقريبا ساعه جلست عندهم شباب والنعم، شقرديه روحهم رياضيه، ودعتهم وعلى بريده، أبو فراس قاللي ان أبو أحمد(صقر) طالع بعد عرس أخوه (غاية المنى) وعلى قول أبو فراس ( مين قدك - يعني مخاواة صقر) قلت أدز لصقر مسج أقوله انا في الطريق،
وعلى الوصف وصلت لأستراحة صقر في حي الضاحي، حليله جالس هو وبن سليمان يحتروني غير راعي الذوق اللي مشى، هذا كان الساعه 12 الا، جلسه حلوه بعدها استأذن أبو أحمد وقال أجيك الصباح بدري ونطلع لم الشله.
أبو أحمد مشى منا وانا جلست أزبط في الكاميرا الجديده اللي أكلت فيها خابور(البطاريه أصابيع ماهي ليثيوم)، لكن انا أشوفها والمه 12.1 بكسل 6 تقريب نظري، Canon Power shot A650 IS.
ويالله على بابك ياكريم أول صوره لي في استراحة صقر، حبيت النوم برا الجو زين ما هو برد شين ونحنا أهل الغربيه يجي منا نقاوم البرد حزات.
************************************************** *****
وقفنا عند راعي بطاريات نشيك على البطاريه الأضافيه ما تشتغل، لكن ما غيرنا البطاريه لأن الخلل اتضح انه في الضفيره.
وصلنا محطة الهملان على مدخل قبه وتقابلنا مع أبو فراس، أبومروان، ريع الدياب ونجم سهيل (أبو محمد)، وهاهو نجم سهيل مع صقر يصلحون سلك براني لتشغيل المحول، وهذي سيارة أبو فراس في اليسار.
تعرفون لابد من اللت والعجن، هذا يبي يروح منا، وذاك يبي يروح منا، وهذا الطريق أحسن
القارمن 276C بسيارة صقر وتلا حظون الحامل (BRACKET) لجهاز الملاحه الجديد الذي أشتراه صقر (شي خيال)انا معجب بأجهزة الأتصال والملاحه اللي في سياراتهم مثل الطائره بس على الأرض
جزء من شعيب التيسيه على اليمين ظاهر من الطريق الجديد قبه - ساموده
تقدمنا ريع الدياب بسيارته المتسوبيشي، وملاحه نجم سهيل، للوصول الى أفضل مكان للجلوس، طبعا أبو مروان هو مهندس الأتصالات
في الطريق صادفنا بعض من هواة صيد الضبان، ونيتهم(الهلي) مليان جراكل ماء كله علشان يصيدون هالمسيكين
وفي نفس المنطقه شاهد ريع الدياب ضبا حاول اللحاق به لكن هيهات ابو ضبيب كان أسرع منه وأبو اسماعيل يشير الى جحره
مررنا بالعديد من المواقع وأجملها هذه الفيضه، اسمها فيضة أم الحمير وفيها بعض الشجر الظليل، وقد اخترناها بالأجماع لنظافتها وقلة مرتاديها
ريع الدياب ينظف مكان الجلوس
أبو فراس يتهيأ للجلوس، ومعاه مركاه
أبو فراس ونجم سهيل مسترخيان،
سيارة أبو فراس!!!!!!!!!!!!!!! لاتحاول مافي مكان لأحد
كيف تبغون تحدون ياجماعه، هذا وعزبة القهوه الشاي برا، لله درك يابو فراس كامل مكمل
العمده يوزن الكاميرا ونجم سهيل يتأهب لعمل ما
ريع الدياب والله لك وحشه
صقر بادي في تزيين الكبسه بالكاتم
والقهوة أنا ولعت الغاز عليها من عزبة أبو فراس
والله لو بس هالجلسه في هذا الأجتماع تكفي، شوفوا كيف جالسين مخلين الهم نسيان
هنهم
وانت منهم
استراحه بعد الغداء وفي انتظار الشاي
لم يقتصر اجتماعنا على الجلوس وتبادل أطراف الحديث بل تعداه الى المشى الى شعيب مجاور والتقاط بعض الصور فكان ذلك رياضة فكريه وبدنيه للجميع، ولي ملاحظه على الصوره كما ترون الأفق متساوي بدون حدود لتركيز النظر شي بديع، والمنظر كأنه من كوكب آخر، سبحان الله في هذا الصنع
جزء من الفيضه اللتي جلسنا فيها
ليلة في التيسيه
العرض الشجري
