نوز المشوك

[محمد بن سيف]

قصيده للشاعر سيف السيف عسى ان تنال اعجابكم.

الـهوى فـي غـبة الـبحر سـاق الجيلبوت=ويـبـطي الـبـحار مـافارقه هـم الـشتات
مـا اخـبل الـلي يـزرع الزعفرانه فالخبوت=هـيّه مـا كـل الـبسيطه تـبا تـطّلع نبات
مـاتسوق مـع الـصباخي نـوامي عرق توت=كــل نـبـته طـيبه يـعترضها مـعضلات
واحـتـضار الـنهج الاول وتـرميز الـبيوت=مـن ظـنون الـمرجفه قـولة انه مات ..مات
فـوووق يـانوووز الـمشوووك وقافي مايموت=مـايموت الـقاف واسـمي عـلى قـيد الحياة
الـهـوى والـعشق لـذات غـيّه فـالسكوت=والـرخامه سـاعة الـضيق تـكمن فـالسكات
ولو جمعت اصوات كل الحبايب صوت..صوت=مـاتـوردك الـهـلايم عـلى شـط الـفرات
افـرض انـك جيت خصمي على صكة بلوت=مـعـك 50 و100 وال100 صـفـة بـنات
فـي اعـتقادك مـمكن انك على غفله تفوت؟=حـطني قـدام عـينك عـلى كـل الـجهات
لـو تـروج لـك دعايه على انك حوت حوت=مـاش عـله صـارمه غـير قـافيها مـوات
تـوّ الـى ذالـحين مـاجاك غـير العنزروت=بـاقـي الـلـي لـقبوها بـمخلفة الـصفات
مـالـها تـحـريم شـرعي ولانـصٍ ثـبوت =بــس مـلـعونة جـدف مـاتبات..الا..تبات
الـتـلون والـخـطايا عـلى راعّ الـسموت=تـطلع اكـبر مـن طـميه وضـلعان السراة
والـحقيقه رمـحها فـي سـراجيفك نـحوت=واعـرف انـي مـا احترفت التزري والشمات
اطـلب الله كـل مـا جـيت تـدعي فالقنوت=وخــلّ شـبحك لـلسما واطـلب الله الـنجاة
الـحـضارات الـغبيه سـبب هـدم الـبيوت=الله الله لاتـقـولون مــات الـطـيب مـات

عليم العطش

[محمد المعارك]

صح لسانك ولسان شاعرنا سيف السيف
مشكور اخي عليم العطش على هذه القصيدة ( الحكمة ) والنصيحة.

والله يجنبنا شر هالغزو.

بارك الله فيك.

[حامد الغامدي]

قصيده معبره عن الحال اللي عليه بعض الناس، تضمنت الحكمه والنصح وعدم الأغترار. صح لسان الشاعر ومشكور يابو عبيد على هذه الأبيات الجزله.

[ثامرالماضي]

بسم الله الرحمن الرحيم

أخوي عليم العطش الصراحه كل ماجبت لنا قصيده من قصايد سيف السيف ... نقول هذي مافيه أحسن منها ...

ولكن نتفاجئ بأن اللي بعدها فعلاً أقوى وأجزل من الأوله ... ما أقول إلا الله يعطيك العافيه يارب على هالنقوة ...

وصح لسان الشاعر سيف السيف ماشاءالله تبارك الله ...

افرض انـك جيـت خصمـي علـى صكـة بلـوت *** مـعــك 50 و100 وال100 صــفــة بــنــات
فــي اعتقـادك ممكـن انــك علـى غفلـه تفـوت؟ *** حطـنـي قـــدام عـيـنـك عـلــى كـــل الـجـهـات

الصراحه إبداع ...

أخوي عليم العطش ... ننتظر المزيد ... من النوع الفريد ...

,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,

[محمد بن سيف]

السلام عليكم ورحمة الله وبركاته
المعارك الله يعزك ويرحم من جابك ياكريم.
لاهنت