مسكين ياللي تحسب الواجد شوي

[ماجلان]

بسم الله الرحمن الرحيم

هذه قصيده لشاعر يقال له البخيِّت

سَجَّه مع الهاجوس طبيعةٍ لي طبيعةٍ بَامُوت ما جِزت عنها

أشكي على الخلَّاق وأرفع له يدي لا كَثْرتِ الأفكار يفك منها

أما الكرم قد فاز به حاتم الطي حتى الفرس من شان ضيفه طعنها

خلوني أَكرَم في حياتي وأنا حي ولا مت مادري جثتي من دفنها

خِلِقْتْ فا الدنيا وأنا ما معي شي وبروح منها ما معي شي منها

لا بد نرحل عن المزح والغي ونسكن بيوتٍ قبلنا من سكنها

مسكين ياللي تحسب الواجد شْوَيْ العافيه لو تنشري وش ثمنها

يا جاهل الدنيا تراها كما الفَيّ ويا ما اخبل اللي في حياته وَمَنها

إن ناحرت لك قامت تروح وتجي مثل الذلول اللي طويلٍ رسنها

وان دبَّرت خلتك طايح ومرمِي وكم واحدٍ له حاجة ما ضُمَنْها

يالله عسى الحسنات تقضي على السَّيْ لا قربو للنفس ذِرْعَة كفنها