السلام عليكم ورحمة الله وبركاته
حي الله وجيه الخير
الحقيقة أنا إنغثيت من تغير الآندكروزر وصار التشغيل بالبصمه واللي ما تنضمنه في القطاعات على الأقل لين ما تثبت وجودها بعد كم سنه ...
والأدهى والأطم صار الدبل كهرب >>> فيه تقرير للغالي عروق الدهنا اثبت فشل الدبل في ذلك
عموماً هي وجهة نظر خاصة فيني والسموحه إن خالفت هواكم
مالكم بالطويلة
طرت لي أبيات وقلت أنزلها لكم لعلها تنال شيئاً من رضاكم وإستحسانكم
اصبحت الصبح بدري على شين علوم
وحـملت حـمل الثقـيل ومن الآند رحاله
انا اشهد إني من فرقى الشيخ محروم
مركب القــرم ما عاد يسوى اليوم رياله
عقب ما كان صقر السماء وغيره رخـوم
ما عــاد بقى فيــه زيـن غير حلو تمثاله
لا يــا عـــرب لا تلحقـون قصيدي اللـوم
و تقــولـــون الـرجـــال ما تبـدل اقـواله
كل عـظيم غــيــر الله بالتـراب محـتوم
ويتزعم العـظيم عـظيم وذي منواله
يا مسخـرة الأرض اتــرك درب العــزوم
و اتــرك صعــاب المـطـيه للدرب رجاله
( في 2008 لا غير الباترول )
فتكـــ بــك الفتكـــ وهـو عنـك محشوم
و مــن تفـــول بــه فــال الله ولا فـــاله
حــكم البـر يا الآند ما يبي حبة خشـوم
الميدان ياحمـيدان ونشوف قول افعـاله
انا اشهــد ان ماضـيــك عز الله مرحـوم
هــذي الـدنــيا كل جــيل بماضيه عـاله
دقــت واعلن اليـوم قرار من هو مهزوم
حـد ( شارع التحلية ) وتـغــني يـا لا له
وسلامتكم والسموحه
ابوخالد
اصبحت الصبح بدري على شين علوم = وحـملت حـمل الثقـيل ومن الآند رحاله ( نوماس سدير )
العرض العادي
