صقرك صقرك..إن هنته هانك..وإن خنته خانك..

[جمعان الخثيمي]

هذه مجموعة مواقف حصلت لي ولغيري في المقناص

1-وهذا الموقف حصل مع ىأحد الشباب كان يعشي طيره يوم ويوم وكان الطير يفتن على العلف فمرة كان ماسك بيهده سمانه وكانت بالدس والطير على يده يعلف..
المضحك هو انه وهو يعشي الطير مد يده اليمنى يسحب العلف من الدس وفي هذه الأثناء أنتبه الطير ليد فخمه الطير من برطمه((شفته)) رفع يده اليمنى يرد الطير ولزمه الطير من يده اليمنى والطير علف من الدس((تكتيف على كييييييفك ههههههه))..وجلس الرجال مكتف إلى أم أنهى الأكل وبعدها قام يدو على علف ثاني..قام واحد من الشباب ودعاه وعتق الرجال ومباشرة حلف الرجال إنه يبيع من أول سومه..هههههه
وبلفعل باعه بـ500ريال والطير كان فرخ وكري..

2-واحد من الشباب نلقبه بـ ((المرضع)) من كبر ديوسه والرجال سمين بالحيل وكان يلوح لطيره وطيره حر مسمينه عسير من فتنته وصملته وبينما الرجال يلوح والطير في الجو نزل الطير ناصي الملواح ويوم قرب سحب الرجال الملواح وطلع الطير فوق والمرة الثانيه وهو ينصا الرجال ويلزمه مع ديوسه والرجال يعدي ويصيح والطير يلدح على صدر الرجال وبألف كلفه فكيناه...

3-شيهانه بححريه فرخ وحش كانت معي وما غير تكافخ..ليا سمعت الصوت كافخت وليا سكنا راقت..
ومرة من المرات دعينا رجاجيل شرواكم على عشا وهي ما غير تكافخ..أحترت ويش أزين؟
وناظرت إلا هالسطل اللي مليان ما وأقوم وأضف الشيهانهوأبلج عن برقعها وأغطها بالسطل لمدة خمس ثوان ..وأكرر الحركه ثلاث مرات..
الغريب أنها كل ما كافخت قربت السطل وفرعت عنها وهي تلزم وكرها ولا تتحرك ابدا..

4- أما هذا الموقف فهو اللي أقول فيه((إن خنته خانك)) انت معي وكريه نادره 16*16 ودق على واحد من الشباب قال فيه جرة حبارى قريبه قلت أجيك غبشه((على شق النور)) قال طيب..ويم جيته وبديت أقص في الجرة لقيتها ثلاث..وأهد ((سطوه)) وأقضبي الحبارى الأولى وأعزل وتهد على الثانيه وأعزل وهي تلقي الضلعان وجلست أطرد أطرد أطرد إلى ما ضيعتها وهي الطير الوحيد اللي بكيت عليه ..

الخطا فيما فعلت هو أن الطيره جايعه ومن أول هدد ما خليتها تذبح..وربما هذا اللي نفرها..

أرجو ان يكون الموضوع حاز على رضاكم..وللي عنده من هل المواقف يا ليت يكتب..

تحياتي للجميع

[الشيخ قوقل]

الدنيا مافيها شيء غريبه والناس كل له ذوق

طيب وش رأيك بهالصقّار






.

[تروك]

المشاركة الأصلية كتبت بواسطة الشيخ قوقل

الدنيا مافيها شيء غريبه والناس كل له ذوق

طيب وش رأيك بهالصقّار






.

ياشيخنا هذا موب صقر انماهو نسر او عقاب

تقبلوا مروري

[الشيخ قوقل]

المشاركة الأصلية كتبت بواسطة تروك

ياشيخنا هذا موب صقر انماهو نسر او عقاب

تقبلوا مروري

حلوه منك ياتروك قصدك أني شويته هههههههههههههه ودّي أنك بكّرت بالتوضيح لأجل تعلمني أنه ما هوب جليمة ككككخخخخخ

ترى اللي أعني الصقر الحقيقي هو اللي على اليمين لو أن عيونه صغار وضيقه وخلق الله حسن

صديقي تروك :: ــــ (( نسر أو عقاب )) مايصير ماتعرف هالنيبالي طيب وش رأيك بها (( الطير/ الحر )) الذباح أسمه (( عذاب الأرانب )) ههههه

.

.

[عبدالحميد الحربي]

المشاركة الأصلية كتبت بواسطة جمعان الخثيمي

3-شيهانه بححريه فرخ وحش كانت معي وما غير تكافخ..ليا سمعت الصوت كافخت وليا سكنا راقت..
ومرة من المرات دعينا رجاجيل شرواكم على عشا وهي ما غير تكافخ..أحترت ويش أزين؟
وناظرت إلا هالسطل اللي مليان ما وأقوم وأضف الشيهانهوأبلج عن برقعها وأغطها بالسطل لمدة خمس ثوان ..وأكرر الحركه ثلاث مرات..
الغريب أنها كل ما كافخت قربت السطل وفرعت عنها وهي تلزم وكرها ولا تتحرك ابدا..

الصراحه أضحكتني ياجمعان بهالموقف

بس تصرفت

[حامد الغامدي]

قصص ومواقف طريفه، ما قصرت يابو عبد العزيز أخذتنا معاك في عالم الطيور.