السلام عليكم ورحمة الله وبركاته
الليله هي ليلة الاول من شهررمضان من العام الثلاثين بعد الاربعمائه والالف للهجره النبويه الشريفه اسأل الله ان يجعلنا واياكم من صوامه وقوامه وان يتقبل منا صالح اعمالن
في اخر سبت من شعبان اتصل علي الاخ ابراهيم ابو محمد قال متى نغير هوى الديره قلت انا بجازه ودوامي يوم واحد رمضان قال جهز نفسك ان شاء الله يوم بكرى قلت طيب من معنا قال بعدين اعلمك
ثم اتصل علي بالليل اوقال ترانا صرنا ثلاثه مانبي رابع انا وانت واللهلي ثالثتنا ... لاتروحون بعيد يعنني يقصد سيارتي الهايلوكس قلت تم
مريت عليه بعدصلات فجريوم الاحد والله وهات يامشي وتوقفنا بعد120 كيلو تقريبا في المكان المقصود
وسوينا القهوه والشاهي اولقطنا بعض الطويرات وانتم مثل ماتعرفون الهجره على اولها واول مايصل من الدخل الي نسميه عندنا بالقصيم ( النقاز )
طعمه لذيذ ولكنه صغير الحجم وصيده متعب جدا لانه ينقز من مكان الى مكان نقزتين في الثانيه وعاده مايكون في قمم الاشجار مما يصعب اصطياده
بعد ماوصلنا بالعدد تقريبا 40 دخله قلت لبو محمد وقف لاتزود هذا غدانا يكفينا حنا جايين نبي نحمض بس اونرجع والعشاء عنداهلنا وبالنسبه لي لا اشجع على الصيد الجائر
كان الجوحار جدا ودرجة الحراره تقارب43 درجه جلسنا في هالحضار المرشوش مما لطف علينا الجو وبعد الغدا ابو محمد الله ايهاديه محضر لنا بالثلاجه سطل لبن بقرمن ابقرة الوالده.. لكن ياهولبن من العيار الثقيل اخذت منه طاسه اوماقدرت اقوم تحرولت لاني ماتعودت الا على حليب النياق لا بعد اوهاللبن بعد كبسة رز كلاسيكي على (( الدخل )) الصراحه خوش لبن نمت في مكاني على طول اخذنا غفوه ثم صلينا الظهر مع العصر وبعدها غادرناالى الديره سالمين غانمين
ارجو ان اكون وفقت و سليتكم بعض الشئ في هذه الرحله القصيره
التعديل الأخير تم بواسطة سعود الراشد ; 21-08-09 الساعة 11:08 PM
تراي اموع لاقال احد ياحبي لك لا وخاصه ابوفراس مااقول الا احبك الله
ومثل ماجمعنا في هذاالمنتدى على الاخوه فيه مع هذه الكوكبه من الرجال العظماء
ان يجمعنا في مكان يغبطنا عليه الانبياء والشهداء
وان يضلنا في ضله يوم لاضل الاضله
وان يتقبل صيامنا وقيامنا
وان ينفعنا وينفع بنا
شاكرا مرورك
وعلى
الخير
نلتقي
الجلسه هاذي شرط ما تلقاه في سويسرى معشش ودخل لا ولبن بقر ط ب ي ع ي الله يسعدكم ويوفقكم
التوقيع
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
(( رحلتي لصيد الدخل انا وبراهيم والهللي ))
العرض العادي
