أفضل نوع كفرات (إستبيان بسيط)

[ابو صقر]

الله يعطيك العافيه اخوي ع.ف. الدرويش
موضوع مهم ومفيد

ربي مايحرمك الاجر

[محمد الديحاني]

بسم الله الرحمن الرحيم

انا جربت الفايرستون لي الحين اربع سنوات ممتازة جدا خفيفة ولينة على المتر ولا تتشقق

[أبوخالد التويجري]

ابوشعلان وللجميع


انا بشري جنوط هلل وابي عليهن بوالين وكنت ناوي ع المكسس وش رايكم بالبالون الدنلوب ..؟

اخاف اشريه همن ابلش ينفجر ولا شي لأن اهم نقطة عندي إنه ما ينفجر لأني راعي سرعة شوي


لاهنتم



ابوخالد

[الشيخ قوقل]

الهـــــــــــــــــــــــــــــــــــــــــــانكو ووك الكويّس البخيّس




,

[عبدالحميد الحربي]

من مبطي وعميلي هو البريدجستون

بس الأسعار .......

لك عليها كثير مو شوي

[أبوخالد التويجري]

يا سلام عليك يابوعبدالعزيز

صدقت الهانكوك لا مثيل له بنظري ( بشكل عام )



بس ابي احد يجاوب على سؤالي .. بخصوص البالون



ابوخالد

[أبوخالد التويجري]

ابوفهد

نصييييييييحة اترك عنك البرجستون ثقيل ع الموتر وينفجر إذا استهلك ويعدمك ويعدم الموت وغالي


قلي بس وش استخدامك بالضبط ومالك إلا اللي يعطيك الراي اللي ما بعده راي بإذن الله


ابوخالد

[محمد المعارك]

المشاركة الأصلية كتبت بواسطة نوماس سدير

ابوشعلان وللجميع
انا بشري جنوط هلل وابي عليهن بوالين وكنت ناوي ع المكسس وش رايكم بالبالون الدنلوب ..؟
اخاف اشريه همن ابلش ينفجر ولا شي لأن اهم نقطة عندي إنه ما ينفجر لأني راعي سرعة شوي
لاهنتم
ابوخالد

هلا ابو خالد
حسب علمي ان البالون ما ينفجر
لكن انا مجرب البالون الماكسس وهذي السنة السادسة ما تغير معي .. بل انه تغير للأحسن... وهو انه كان ينسم من عند الجنوط .. اما الاصدارات الأخيرة فقد تم تلافي هذه المشكلة.

وبالتوفيق.

[أبوخالد التويجري]

الله لا يهينك يابو احمد والله


زين هذا اهم شي بس ابوشعلان مدح بالون الدنلوب وها اللي خلاني اسأل



الله لا يهينك يابواحمد


ابوخالد

[محمد العبدالسلام]

تشكر يا ابو فهد على الموضوع وبصراحة موضوع في غاية الأهمية

مثل ما قال ابو شعلان البالون الدنلوب انا بصراحة ما جربته بس كثير من الشباب يمدحونه وخاصة اهل القنوص

[أبوخالد التويجري]

ابشركم شريت الفستان قبل العروس


شريت لي بوالين 17 وانا الحين محتار بهالجنوط ودي بهلل وولدي يقولي تكفى ركب جنوط الآند الجديد <<< يبطشون والله


عاد انا تورطت بالـ 17 والله يعين بنجربها هالسنه والله يسهل




ابوخالد

[التهتان]

افضل كفر بالنسبة اليوكوهاما مقاس 17 للباترول

وما شاء الله ليــان على الجلد و النفود يطرب

[إبن الجبل]

السلام عليكم ورحمة الله وبركاته

حسب تجربتي الخاصة و استعمالي (جبال, وديان,صخور, رمل, خط) , أفضل شي نوعية BFGoodrich All-Terrain T/A® KO

و السموحة

[أبو حسان الجنوبي]

اشكرك على موضوعك القيم وأعتذر عن تاخيري في التقييم والرد

الحقيقه انا جربت عدة انواع من الكفرات سواءالقوديرو والبريلي الدانلوب والبرجستون والفالكون والسماتومو والتويويو على سيارات مختلفه وبموديلات مختلفه وكل له ميزه وعيوب واخر شي استقريت عله البرجيستون لنه هو الي يخدم معي .

الدنلوب حلو ومريح و ناعم بالحيل لدرجة ان اي جرف بيشق الجنب ومزعج في اللفات والمديور.
البرجيستون الجديد ناعم وحلو وعملي ويمشي لكيلومترات اطول من واقع تجربه في جميع الضروف.

ملاحظه (معدل مشيي في اليوم ما يعادل 600كم طوال ايام الأسبوع ما عدا الخميس والجمعه راحه وتشييك على السياره )

[عبدالكريم اليوسف]

السلام عليكم ورحمة الله وبركاته
بعد استشارة الغالي
صالح اليحي وهو خبير في هذا المجال
نصحني بالمكسس 275/70/16
وذلك للباترول الذي اشتريته قبل يومين
فتوكلت على الله وركبت الماكسس
الله يطعمنا من خيرها ويكفينا شرها