لاصحاب الفتك طلب لو تكرمتوا

[يمكن عشقتك]

هلا عبدالله

المشكلة من الطبلون هو فك الطبلون وجلس يصلح فيه مدري وش بالضبط

بعد إشارة الاولى في الصناعية القديمة تمشي حتى تحصل بنك الراجحي ..وتدخل بعده يمين وتمشي حتى يجيك حرف تي تاخذ يمين وبعدها يسار على طول وامش طوالي وراح تحصلها على اليمين بعد ماتتعدى المسجد على يسارك...مكتوب عليها باترول نيسان..ورشة التركي

ولو حبيت قلي وارسل لك رقم صاحب الورشة ...ابو صالح

وتقبل مني فيض التحايا

[التهتان]

يالغالي

ابي اسألك

كم الوقت اللي خذاه علشان يصلح المشكلة ....

وكم السعـــــــــــــــــر

[يمكن عشقتك]

هلا بك التهتان

الوقت إذا بدا فيه المهندس يبيله 3 ساعات..والسعر 500 تعرف طبلون الفتك غالي فوق 3000 الف...

لانه بعد مايصلحه يسوي له برمجة ...
انا رحت للوكالة في الخرج وخذ علي 330 ريال وسوا برمجة فقط..ولا ضبط..وقال لو كان من الطبلون لازم تغير طبلون كامل....رجعة اللمبة تولع...بعد ساعة ..

تقبل مني فيض التحايا

[التهتان]

عشت يالغالي ..

و تسلم على ردك

و ان شاء الله ما تواجه اي مشاكل

[عبدالله 77]

الله يعطيك العافيه
والحمدلله انك دفعت 500 ريال وضبط معك
ولا غيرت الطبلون بــ3000 ريال؟؟؟؟
الحمراني لاعب علينا لكن الشكوى لله.

[أبوخالد التويجري]

اعتذر ع الغياب هالأيام اللي راحت والحمدلله أن الأمر انتهت


وزين جربت قبل فصل البطارية لأنها الحل الأول في الغالب


والتركي ممتازين ولا عليهم غبار لكن فيه نصيحة للكل وهي أي ورشة متخصصه بنوع معين من السيارات يكثر فيها سرق ( بعض العماله ) للقطع اللي فيها واستبدالها بما تم توضيبه بالسر مثل ( الدينمو والكمبروسر وغيرها ) حتى ان بعض الورش اللي ماتخاف الله تسرق المحركات مثل مكينة والقير والدفرنس إذا نام الموتر عندهم ليلة ( بالتعميم ولا اخص ورشة معينة ) ...


لذا افضل شي الجلوس والصبر عند السيارة إلا للأمر الظروري مع استوداعها لله سبحانه وتعالى




والله يكون بعون الجميع



ابوخالد

[يمكن عشقتك]

هلا فيك ابو خالد

صحيح كلامك..

لكن المشكلة لو كان الصيانة تستغرق اكثر من يوم....

مابه ألا توفيق الله ...واهم شي سمعة الورشة ...

وفصل البطارية سبق وقال لي احد الاخون وسويتها وماضبطت...

لكن طلع المشكة من الطبلون

تقبل تحياتي

[عبدالحميد الحربي]

السلام عليكم ورحمة الله وبركاته

أخوي / يمكن عشقتك

جرّب تخلي التناكي الثاني يفضى من البنزين ...

علشان تشوف هي اللمبه تولع ولا ... لا

لايكون بس فصلها .. والسلام

وإذا ولعت ... قوم وعبي التانكي وتأكد إن اللمبه طفت

مجرد إختبار لشغل المهندس

[يمكن عشقتك]

وعليكم السلام هلا فيك اخ عبدالحميد...

تصدق لسا ماجرب ..لكن مثل ماتفضلت راح اجرب ...

واشكرك على النصيحة

وكل عام وانت بخير..

[يمكن عشقتك]

السلام عليكم يا اخوان

الحين الفتك التانكيين .إذا خلص بنزين التانكي الاول..وحولته على التانكي الثاني ..هل التانكي الثاني يفضي البنزين في التانكي الاول...استفسار..

لان عندي ولعت لمبة البنزين الاول لما خلص البنزين وحولته على التانكي الثاني ..وفضى البنزين في التانكي الاول...

وتقبلو تحياتي وتقديري...

[~ V T A C ~]

المشاركة الأصلية كتبت بواسطة جلمود الجبيرى

اذاكنت تقول انك سويت برمجه وطفت فتره ورجعت ثايه اتوقع ان المشكله كهربائيه حااااااااول ولعله حل ان تفك اصبع البطاريه ولا تشبكه الا بعد ساعه او ازود يمكن يتبرمج ويظبط الله يوفقك

نفس الكلام

بالتوفيق

[يمكن عشقتك]

السلام عليكم


يا اخون الحين السفاري التانكيين...طبعاً التانكي اللي يغذي التانكي الرئيسي ..تفريغ ..يتم تفريغ البنزين من التانكي الاضافي إلى التانكي الرئيسي....

طيب لو حولت التانكي الاضافي إلى التانكي الرئيسي ..ليتم تفريغ البنزين..اثناء القيادة هل يأثر على السيارة ...او يشترط عند تفريغ البنزين تكون السيارة واقفة ..

الافادة ..يالنشاما..

وتقبلو مني تحياتي..