والناس ما تترك على الدرب مرار *** كل يقول ولا يهمه قضاها
بسم الله الرحمن الرحيم
هي الدنيا ،،،، هكذا تسير على مضض ،،، حلوها إلى مر ،،، وركودها إلى كدر ،،، أبيات تصور الكثير من ما يحدث حولنا
من الملاقيف وأهل الحسسه ،، والذين ينبغي التنبه لهم ،،،
الله يحفظ الجميع من الحساد
الأبيات قلتها على لسان أخو شماء فيه حسسه
يا صاحبي اسمع ترى الوقت غدار = حذرى ترى العدوان دارت رحاها
في دنيتك لا تنخدع تطلب الثار = والثار منك وفيك صبرك دواها
ترمي ثمر قلبك كما رمي الأحجار = ماتقل ولدك بالحياة وسماها
وأمك عسى وبل ن من المزن مدرار = يسقى ثرى قبر ن بلحده طواها
يا كيف لو تسمع بكل الذي صار = وتعرف سوات اللي يسوي ظناها
ما ظنتي ترضى على غر وصغار = ومكحل العينين كحله عماها
وهرج القفى والنمنمه مالها كار = والنار ما تاكل سوى من وطاها
لا تطفئ الشمعه على سكة الدار= خل الشموع النيرة في سناها
والناس ما تترك على الدرب مرار= كل يقول ولا يهمه قضاها
والسوء من يسمع ومن سمع يحتار = ومن يستمع للناس تاه برضاها
البيت صمّ وكالثمر يكما الأسرار = فيه الولد والزوج حامي حماها
وفيه الهدى بالبيت لاصار ما صار= يجلا عسام الجو ضحكت شفاها
وحبل الحياة اللي فتيله بالأعمار = لا داره الناعور يجذب دلاها
والعدل بالدينا كما شعلة النار = نور على درب الحياة ورباها
وأنا على ما قيل بالحق مختار = ماشي على درب النقى في ضحاها
وأدعي عسى الله يكفيّن شر الأشرار = ويبلغ النفس الأبية مناها
وصلاة ربي عد ما طاف عمار = على النبي والصحب قفلت بناها
وعليكم السلام ورحمة الله وبركاته شاعرنا ابو عبدالعزيز وأنا على ما قيـل بالحـق مختـار ماشي على درب النقى في ضحاها وأدعي عسى الله يكفيّن شر الأشرار ويبلـغ النفـس الأبيـة منـاهـا
انشهد وصح لسان يا بعدهم تحياتي
التوقيع
) البر يشرح كل صدر ويقلب الضيقه سرور .. وانا الى جيته يمر الوقت ما احسب له حساب (
التعديل الأخير تم بواسطة عبدالكريم اليوسف ; 17-09-10 الساعة 09:35 AM
والناس ما تترك على الدرب مرار *** كل يقول ولا يهمه قضاها
فيه حسسه
العرض العادي
