طهارة القلوب والصراحه مع البساطه

[شايب الصمان]

يازين الاولين ويازين حياتهم وبساطتهم وصراحتهم ياليتنا مثلهم لو بشىء قليل.

أبوفراس ... مالقيت أسمي معهم وحتى أسمك . أبوصقر دور أسمي وأسم أبوفراس يمكن شوفي شجر

تهقون ممكن تصير حياتنا مثلهم .

إبراهيم صالح السليم عذره عن الغياب يعالج با الصحيه

عبد الله عبالعزيز الدخيل عذره عن الغياب بعجه يوجعه



الحسين صالح الحسين عذره يسقي الحــ مار


سليمان السويل وأخوانه عذراهم مشغولين



عبدالعزيز السعد السليم عذره رجله تعوره


على النفيس عذره يتلو من بطنه



عبد العزيز الذياب عذره طايح على عصيعصه من الجدار


عبد العزيز السعد السليم الظاهر ماله عذر


سليمان محمد عذره منشق ثوبه


عبد الله الدخيل عذره مصخن


عبدالرحمن حمد النعيم عذره عينه

الله يرحم الأموات منهم

[ابو فراس]

ابو عبدالله فيه نشرة تشبه هذي

وفيها

احد الطلبة الغايبين والعذر امه تقول انه مسخن

وابوه يقول يعقب ( يكذب )

شف الصراحة عندهم

ولو تمعنت بالاسماء لوجدت اسماء بعض كبار موظفي الدولة الذين تخرجوا من تلك المدرسة

وقد بحثت عن اسمك بينهم فلم اجده ويبدو انك كنت تدرس ليلي ولم يسمح لك عمرك وعملك بالدراسة النهارية

[شايب الصمان]

المشاركة الأصلية كتبت بواسطة ابو فراس

ابو عبدالله فيه نشرة تشبه هذي

وفيها

احد الطلبة الغايبين والعذر امه تقول انه مسخن

وابوه يقول يعقب ( يكذب )

شف الصراحة عندهم

ولو تمعنت بالاسماء لوجدت اسماء بعض كبار موظفي الدولة الذين تخرجوا من تلك المدرسة

وقد بحثت عن اسمك بينهم فلم اجده ويبدو انك كنت تدرس ليلي ولم يسمح لك عمرك وعملك بالدراسة النهارية

فعلا كلامك صحيح وهذا اللي خلاهم يوصلون لمراتب كبار .

أما عن أسمي الله يحفظك ويخليك مهوب ليلي بس لا ومعرز بالصف الاول ( بس الحمدلله كان به مدرس خصوصي وهو الي كان يفهم(ن) زين ... والكروه ( الاجره ) نصف صاع عبس سكري .

[ولد نجد]

يازينهم ويازين عيشتهم وبساطتهم حتى بالاعذار مالهم باللكاعة
اللهم ارحم الحي والميت
شكرا يابو عبدالله

[ابوذيب]

ياهلا والله بها الطله
شايب الصمان وابو فراس
ذكرتونا باهل القلوب الطيبه والطاهره
الله يرحم حيهم وميتهم
تلك هي القيم الاصيله والثوابت الاجتماعيه والتي هي عادات من العبادات

عموما شايب الصمان هو كاتب الجدول فلا يمكن ان يكون ضمن الاسماء
اما ابو فراس فهو قاعد يساعد الوالده يحنحن معه بالحنيني
اما ابوذيب فهو موجود معهم بس كيف تعرفون اسمه وعذره رايح لزواج المسيار
ولكم تحياتي


واللهم ياكريم يالشافي يالمعافي اشف يارب سريع الحمد وام عبد العزيز حيث لا شفاء الا شفائك شفاءا لايغادر سقما

[راعي كيف]

السلام عليكم
ياشين اللي ماسحين اساميهم يابو عبد الله هههههههه
الغريب خشم الحصان مومعهم شكله مهدد المدير قايلة إذا كتبت اسمي ابسرق بقرتكم ههههه بدليل انه مارد للحين او انه ماغاب طالب مجتهد .

الله يجزاك خير يابو عبد الله على قديكم الجديد وبيان طيبه القلب وطهارته مو مثل الحين تقول للواحد لية غايب يقولك وش دخلك او من الكلام اللي مايقال في مثل المكان ناهيك عن سواء الضن بالسائل .

ابنك المحب راعي كيف
ابو ناصر

[سحمان السبيعي]

شكرا اخي شايب الصمان على هذا الموضوع فعلا كانت البساطة رائعة التي نفتقدها في هذا الزمن

[ثامرالماضي]

بسم الله الرحمن الرحيم

الله المستعان يابوعبدالله ...

عزالله إنه وقت الكل يتمنى إنه عاش فيه ... على هذه الصراحه والبساطه إنشاءالله إنهم من أهل الجنه ...

الله يجمعنا وإياهم في جناته ...

لاهنت يابوعبدالله ... وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,

[فهدالدوسري]

الاخ الغالي
شايب الصمان
الاخوه الغالين
السلام عليكم
راحو اهل القلوب الصافيه سنها موية قربه مهوب الحين لوفلتر تلقي طعم حسد
الله يرحم من مات يختم للحي بخير اللهم امين
راعي كيف انت ورا متهجد وتقر
انا اسمي موجود بس العذر(( رايح يسرح بالبهم))
اما انت ترا نعرف عذرك تدري وشو
((شارب عشرز))
ابو فراس شايب الصمان مهوب يدرس لليلي لا ياخي هو منول سبير وحاطينه مع الهقل الكبار حقين بين عشوين
الغريبه ان المربد ((نايب)) الفصل نتيجته ((لم ينجح احد))
اما ((صقر)) عذره شوهد في(( المقبره))
اخوكم
خشم الحصان
...................
نغزه.......... الصفحه الثانية..........عذر سليمان............. اصلهم وشوف........الله من الحرص
دقشه............ شف توقعي وتعرف نهايت....... الاولين ودراستهم

[عروان]

هههههههههههههههههههههه


با أبو عبدالله

باين على ولد الدخيل كثير غياب و أعذاره واجد.

كل وقت في الصالح و فيه البطال.

بس غريبة على عيال الدخيل


تلقاه كاشتن في حدا هالفياض مع أبو ويطبخون الغدا و العذر التالي

[نقا خريم]

الله على طيبة النفوس .. في هذا الوقت الصراحه تكاد تكون معدومه الا من رحم ربك

المشاركة الأصلية كتبت بواسطة أبو شعلان

عزالله إنه وقت الكل يتمنى إنه عاش فيه

لطالما تمنيت هذاا يابو شعلان .. نسأل الله ان يجمعنا واياكم في مستقر رحمته .

شكرا على الذكريات الحلوه ياخشم الحصان

تقبل مروري وتحيتي

[ابو فراس]

عروان يابو نايف

ترا المقصود بالدخيل مهب حنا

ولا حنا مدلعين يصغروننا بالدخيل ( بشدة وكسرة على الياء) يعني تصغير دخيل

[محمد المعارك]

مشكور اخي شايب الصمان على هذه المشاركة

أما اللي عذره منشق ثوبه ... هههههههههههههههه

بارك الله فيك.