وش رايكم ناخذكم بجوله على المنطقه الجنوبيه اكثر من 100 صوره(ابوالجازي)

[ابوالجازي]

حي الله الجميع كلٍ بأسمه
واعتذر عن الانقطاع لتقريبا شهرين عن النت كله وهذا الموضوع ارضاء لكم
بعد الانقطاع
وعلى شان نرظيكم نبي ناخذكم في جوله للجنوب الغربي من المملكه الحبيبه
هذي رحلتي للمنطقة الجنوبيه في صيف عام 1431 هـ
وابي ابدأ بصور ابها وما حولها


هذا الابن سليمان يحييكم ويعلن حبه لكانون



وهذا اهداء للجميع




هذا الهمر اللي نبي نمشيكم عليه في الجنوب (تتوقعون يكفي اعضاء المنتدى)



هذه الصوره من مقر سكننا في ال يزيد



وهذه ايضا



احد الزهور



وهذي اخرى غريبه





وهذا المنظر قريب من السكن وانا رايح اتمشى رجلي بالجبال اللي حولنا



وهذي النحله وهي تتغذى من الزهور



وهذي احد السحالي او الحربا



وهذا الماء الفايض من سد المقضى بالسوده وهو يجري مع الشعيب



وصوره اخرى لنفس الشعيب



وهذي اشبه ماتكون بحيره صغيره يصب فيها الشعيب



وهنا الناس يستمتعون بجمال المنظر والمياه الجاريه



وهذي الصوره بغالق بطيء لمصب الشعيب بالبحيره والخط الابيض على يمين الصوره حصل نتيجة خطأ فني



وهذي من زاويه اخرى



وهذي السحابه اعجبتني وانا في احد مطلات السوده على تهامه



وهذا منتزه السحاب وهو يعانق السحاب



وهذا المنظر من مطل منتزه السحاب



وهذي ايضا



وهذا الحمام شبيه بالقميري لكن اكبر حجم



وهذا طائر الشنير ولحذره لم اتمكن من تصويره كاملا



وهذه اللوحه الارشاديه وضعت في محمية ريده تمنع الصيد والغريب منع الصيد بالصقور وارض المحميه لاتساعد اصلا على القنص بالصقور



وهذا المنظر من منتزهات تمنيه



انتظر قليلا للموضوع بقيه

[ابوالجازي]

نكمل معكم الرحلة الحنوبيه

هذي صورة انعكاس بيوت تمنيه في الماء



وهذا الضباب في منتزه المسقي



وهذي احد الحشرات



وهذا اليعسوب الازرق



وهذا احد رعاة الاغنام في تمنيه



وهذا المنظر من وادي المربع بأحدرفيده



وهذي من زاوية اخرى



قطرات الندى على بيت العنكبوت



وهذي الصوره من منتزه ابوخيال على الدائري بأبها



وهذه المدرجات الزراعيه بين السوده وابها



سد ابها ومسرح ابها الجديده من داخل ابها الجديده



وهذي مظلات مع الطريق الترابي في ابها الجديده
(وللمعلوميه لم استخدم تقنية ال HDR في الموضوع كله الا في صورتين من الطايف)



وهذي بيوت مطله على ابها الجديده



وهذا مقدم فقرات المسرح لكن كان يستغفل كل من كان بالمنتزه بعبارات لاتليق
كأن يقول(اهلا بالحضور كلهم وبالشرطه ورجال الهيئه والسعوديين والخليجيين يا كاتاموتوا)
وكتاموتو لفظ سوقي قبيح في احد اللغات الافريقيه
وقد ابلغت عنه رجال الهيئه



والمصيبه ان له اعلانات كدعايه للمنتزه
نحن شعب يسهل الضحك عليه



وهذي احد فقرات المسرح استعراض الفرقه الصينيه



وهذي صوره استعراضيه للفرقة الصينيه



وهذا الطفل الصيني بحركة غريبه يرفعه احد اعضاء الفرقه



وهالطفل المسكين وروه الصمرقع بحركات بهلوانيه كادة تكسر ظهره



وهذا الجندب حضر المسرح ولم يفلت الا بصوره بالفلاش



وهذي بعض صور الالعاب الناريه







انتظر باقي للموضوع بقيه

[ابوالجازي]

نكمل بقية الموضوع

تهامه وما ادراك ما تهامه
نزلنا مع عقبة القرون وهي عقبه تنزل من منتزه الجره لقرى وادي ركان وغير معبده وصعبه جدا
وهذي صوره للعقبه و اللي بالدائره السوداء جيب شاص لا يكاد يبان



وهذي مقربه للشاص



وهذا المنظر اثناء نزولنا العقبه الخطره



الغريب في منتصف العقبه شاهدنا ناقتين في عرض الجبل



وبعد ان نزلنا اكثر من نصف العقبه وجدنا قرية وبها مجمع مدارس ابتدائي ومتوسط وثانوي(الله يعين المدرسين اللي معينين فيها)



وهذا منظر الجبل وهو يلامس السحاب



وهذي صوره لسيارة الرحله مع خلفية الجبال والسحب والماء بين الحصى يمشي



طبعا جريان الماء في وديان تهامه دائم تقريبا وعند النزول للاسفل تكثر اشجا الدوم الشبيهه بالنخيل



وهذي احد الاشجار وعروقها نازله على الصخور مكشوفه لتصل لمجرى الماء



الان نبدأ بصور الطيور في تهامه
واولها هذا الطائر الغريب



وهذه الحمامه ذات الصدر الاصفر



وهذا اعتقد انه من انواع طائر البلشون



وهذا العصفور ما اعرف اسمه




وهذي القطاة تارد على الماء وكان تصويرها بالليل فأصبحت الصوره مهزوزه



في هذا المكان كدنا انا وعائلتي ان يجرفنا السيل حيث قابلنا الودي بزبده وهديره ومن حسن الحظ بعد توفيق الله ان كان على جانب الوادي من اليسار طلوع وارتفاع وكان صاحب المنزل الواضح في يسار الصوره له الفضل بعد الله في تسهيل امورنا ويدعى (صهيف بن يحيى الشهراني) والله الف ونعم



وهذا منظر من الوادي قبل ان يفيض في وادي بيش



وهذا وادي بيش لكن جريانه كان اضعف من قبل



وهذي صوره علويه لوادي ركان



طبعا اهالي الوادي وقراه تتعبهم عقبة قرون لصعوبتها وعدم زفلتتها وقد تكاتف اهل الوادي بعمل ردميه توصلهم لقرى تهامه مثل الفطيح وغيرها لقضاء حوائجهم منها
وهذه اللوحه توضح ذلك



وهذه الصوره لجزء من الخط اللي نفذوه اهالي الوادي



الان نرجع لمدن وقرى الجبل
اكيد انكم قد سمعتوا عن الحرجه (بفتح الحاء والراء والجيم)
وهي تقع على طريق نجران بين سراة عبيده وظهران الجنوب
وهذي لوحه ترحيبيه



وهذا المنظر في مدخل المدينه ويدل على الكرم وحسن الضيافه



وهذا احد البيوت القديمه في الحرجه



وهذا ايضا



وهذي عبارة التوحيد على احد جبال الحرجه




انتظر باقي في الرحله بقيه

[ابوالجازي]

نكمل باقي الرحله الجنوبيه

الربوعه وهي في تهامة عسير على ارتفاع 1400 متر تقريبا عن سطح البحر وطريقها من سراة عبيده على طريق الفرشه وطريقها من افضل الطرق المعبده في العقبات الجنوبيه وتتميز بتشكيلاتها الصخريه العجيبه وبخضرتها واشجارها العملاقه وجوها المعتدل

وهذه لوحه ترحيبيه



وهذا مدخل القريه



جدول ماء في الربوعه



خضره وجو خيالي



الابقار في الربوعه



احد الاشجار الضخمه في الربوعه



وهنا يبان حجم الاشجار بالنسبة للسيارات



وقت استرخاء وراحه في هالخضار



وهنا تظهر بعض التشكيلات الصخريه



وهذه الصوره في تنومه حينما تلامس الجبال السحاب



وهذي بعض النقوش والمنحوتات



وهذا ضب المنطقة الجنوبيه واختلافه عن ضب نجد



صوره مقربه لرأس الضب



وهنا تظهر عكرة الضب مفلطحه وليسة مثل عكرة ضب نجد



وهذا طائر الببغاء وجدناه بكثره وليس ربوّه



وهذا القصر الاندلسي بالنماص(قرية المقر)



انتظر الله يعطيك العافيه با قي اخر التقرير

[ابوالجازي]

نكمل معكم باقي الرحلة الجنوبيه

رجال المع في تهامة السوده
ونبدأ بالمعرض للتراث الشعبي وقد اسس عام 1406





وهذا المعرض من الخارج



ومن زاوية اخرى



وهذا منظر للخارج من الداخل بأطار النافذه



وهذا احد الجبال الخضراء برجال المع وكانت رجال المع من افضل الاماكن خضره مع ان الجنوب كله ولله الحمد شهد هطول امطار غزيره وكثيره هذا الصيف وزاد الغطاء النباتي



وهذا ايضا من رجال المع



من رجال المع ايضا



كذلك



وهذا مبنى قديم برجال المع وقد غطت النباتات المتسلقه جزء منه



من رجال المع



وهالحين نروح من الجنوب للطايف وهالصورتين من الشفاء بتقنية ال HDR



وهذا الغروب من جبل دكا اعلا قمه بالشفاء



وهذه الصخرة المجوفه ولها فتحتين كأبواب لها ومكانها الشفاء خلف منتزه الحدبان



وفي احد المنتزهات في الهدا كان فيه استعراض سيرك وكان لي هالصوره مع النمر
بس شكل النمر خايف مني ورابطينه على شان ما يهج




وعلى فكره ترى الهمر اللي وديتكم عليه في هالرحله صورته بالطايف ولازم نرجعه لمكانه



وهذا الابن سليمان يودعكم ببوسه



انتهى الموضوع ولله الحمد
وعساه يرضيكم عني
ان اصبت فمن الله وحده
وان اخطأت فمن نفسي والشيطان
وتقبلوا وافر احترام وتقدير اخوكم ومحبكم

(ابوالجازي)

(بــدر الغــذّامي)

[عبدالحميد الحربي]

الله يصلحلك النيه والذريه يا ابو الجازي

موضوع من أجمل ماطرح عن المنطقة الجنوبية

سلمت يمينك يالغالي

ابو الجازي / يحق للنمر أن يخاف ,,, فقد رأى أسداً

وأما السيارة / يمكن تكفينا بالمزاحم إذا أبو فراس وعزبته مهوب معنا

[فهدالدوسري]

الغالي
ابو الجازي
السلام عليكم
اخي الحبيب م نقول الا مشاء الله تبارك الرحمن الله لا يظرك امين
ابداع وتميز

اخوك
فهد
............
نغزة ............ اذا بتبطي علينا ويجي منك كل هزين ................. مودك تغيب كم .......
دقشة ............... نوع الكمرة الله يحفظك امين اذا سمحت

[ابوالجازي]

المشاركة الأصلية كتبت بواسطة عبدالحميد الحربي

الله يصلحلك النيه والذريه يا ابو الجازي

موضوع من أجمل ماطرح عن المنطقة الجنوبية

سلمت يمينك يالغالي

ابو الجازي / يحق للنمر أن يخاف ,,, فقد رأى أسداً

وأما السيارة / يمكن تكفينا بالمزاحم إذا أبو فراس وعزبته مهوب معنا

ومرورك الاجمل
وماعليك زود الله يبيض وجهك يا مشرفنا العزيز عبدالحميد
وابوفراس الاول ولا يهون باقي الربع
شاكر لك مرورك العطر الله يعطيك العافيه

[ابوالجازي]

المشاركة الأصلية كتبت بواسطة فهدالدوسري

الغالي
ابو الجازي
السلام عليكم
اخي الحبيب م نقول الا مشاء الله تبارك الرحمن الله لا يظرك امين
ابداع وتميز

اخوك
فهد
............
نغزة ............ اذا بتبطي علينا ويجي منك كل هزين ................. مودك تغيب كم .......
دقشة ............... نوع الكمرة الله يحفظك امين اذا سمحت

هلابك يا مشرفنا العزيز فهد
إن شاء الله مانبطي عليكم ونجيب مواضيع ازين
والكاميره هي كانون دي 40
لاهنت ولاشنت
ومشكور على المرور العطر

[حمد الجبيرى]

الله يمتعك بالصحه والعافيه كما متعتنا بها الصور الأكثر من رائعه الله يخليلك سليمان ويقر عينك بصلاحه واخوانه

[Abu Ibrahim]

ما شاء الله رائع
100%
( تقرير سياحي )

[محمد المعارك]

تستاهل الكمرة الزينة يابو الجازي ويخلي لك سليمان ويقر عينك به.

بصراحة الصور كل واحدة لها قصة والملاحظ هو العناية الفائقة في الالتقاط واظهار كل التفاصيل المطلوبة .

استمتعت بتصفح هذه المشاركة الرائعة ومشكور اخي بدر على هذه المشاركة المميزة.

بارك الله فيك.

[سند]

الله عليك ياأبو الجازي

بصراحه اتحفتنا وامتعتنا هنيئا لك كاميرتك وهنيئا لنا بك

يعطيك الصحه والعافيه وننتظر المزيد من الابداع

[خالد الشريهي]

يامال العافية يا ابو الجازي

تقرير وافي ومميز وتصوير أكثر من رائع وكل صورة تحكي حكاية

تقريرك غطى مناطق ومناظر مختلفه فكأن الواحد سافر لها

الحمدلله اللي سلمك والعائله من خطر الشعيب

والله يخلي لك عيالك ويلحقك برهم ويجعلهم صالحين فالحين

تقبل أجمل تحية

[عبدالكريم اليوسف]

وعليكم السلام ورحمة الله وبركاته

من اجمل واروع التقارير اللتي شاهدتها

لاعدمناك يالامير
والحمد لله على سلامتك