عندي كم سؤال لشاشة الvxr2010 او بالاصح استفسار :)

[الكونجرس]

السلام عليكم


حياكم الله اخواني اعضاء منتدى الرحلات



عندي كم استفسار


الوالد معه vx_r2010 (ماشالله )


المهم جلست اسولف معه


عن البر والقنص ايام اول وقلت له ماكان معكم قارمن وتروحون وترجعون وصيدكم ماشالله كثير


مادريت الى قال الى على طاري القارمن شف موتري انقليزي وابيه عربي الخرايط وشف يضاف له خرايط الصمان ولا لااا


قلت افاااااااا يبه اول تكشتون بدون قارمن والحين تبي قارمن على موترك
قال رح شف قبل فنجال القهوه توسط بجبهك <<<<طبعاً روح مداعبة بيني وبين الوالد
قلت ابشر بسعدك واتصلت على احد الربع قال مدري

قلت مابدهاش بكتب موضوع بمنتدى الرحلات واكيد الجواب الاقية عندهم (بعدالله سبحانة)




عندي كم سؤال


السؤال الاول : هل شاشة الvx_r تعرب الخرايط وتضاف لها خرايط الصمان ..؟؟


السؤال الثاني: شاشة الvx_rتكون بذاكره ولا بسلك من ورى الشاشه يركبونه ..؟


السؤال الثالث : هل دارج موجة يركبون الخرايط على الشاشة الي فيvx_r بجيمع موديلاته ..؟؟


السؤال الرابع ولاخير اذا كان فيه تعريب وتركيب خرايط كم مدة التركيب الخرايط وتعريب الشاشة حقت الخرايط ..؟


جزاكم ربي الجنة والله يكتب اجركم ويخليكم لوالديكم والله يكتب اجرهم ويخليكم لهم ويخليهم لكم

[بحار]

حياك الله الكونجرس
أخي الكريم نحتاج بعض المعلومات عن جهازك حتى يستطيع الأخوان المساعدة كالتالي:
- نوع الجهاز مع الصور
- النظام المركب على الجهاز ... يعني هل هو اي قو .. قارمن ... الخ
- هل يوجد في الجهاز مكان للشريحة الخارجيه
- هل الخرائط المركبه عليه حالياً معربة .. واذا تعرف توعها افضل

حفظك الله وحفظ لك والدك ومتعكم بالصحة والسعادة

مع التحية

[الكونجرس]

اشكرك اخوي بحار على الرد


الجواب شاشة الفكسار جايه شد بلد وفيها خريطه السعوديه كلها انقليزي



عاد فيها مدخل لذاكره ما ادري

بخصوص الشاشه

نفس الي بالصوره جبتها من النت



او





طبعاً وارد البريمي مو عبداللطيف جميل

[فهدالدوسري]

الغالي
السلام عليكم
هل يوجد سيدي للخريطة (دي في دي) في الدرج تاكد
اذكر ان معي نفس الموتر وارد (قطر) ولم اجد اي مدخل للذاكره الخارجية بل (سيدي) في الدرج
ويتم تحديثه من الوكالة في قطر ولكن لا يوجد عربي ربما تجد احد قام بتعريب او كسر الاحتكار
لو بحثت في النت
هذا و الله اعلم واجل
اخوك
فهد

[الكونجرس]

جزاك الله خير اخوي فهد ولا يهون اخوي بحار


دورت السيدي ولا لقيته

بس فيه مكان لليووسبي ينفع

والله يوفقكم دنيا واخره على الفزعه لاهنتم

[عاشق الزبيدي]

حياك الله الكونجرس
اول شي السلام عليكم والله يطول بعمر الوالد
بشره ان الي يفكر فيه موجود وبأيدي سعوديه
اذا كنت في الرياض الدائري الشرقي بعد مسجد الراجحي وانت متجه للمطار يعني شمال امسك خط الخدمه وقبل مصلحة الزكاة والدخل لف يمين متجه شرق مع شارع الزبير تلقى المحل على يدك اليسار يمكن حوالي 150 متر مكتوب عليه الخرائط .
الزبدة ونا اخوك شف المميزات ؟
يقلب لك الشاشه عربي ينزل لك جميع الخرائط دار موجه - الصحراء _ الشرق الاوسط - يشغل الدفدي افلام - والاعدادات ما تتغير عندك - يشتغل التلفزيون
طبعا السؤال كيف يجعلونها عربي وكل هالمور يشغلها ؟
الجواب : يتم تركيب قطعه او قطعتين ويوجد فيها عدة مخارج منها فلاش ممري وغيرة وذاكرة 4قيقا طبعا الموديلات الجديدة يركب له لاقط بث التلفزيون .
طبعا السعركالتالي
بنسبة للفي اكس ار الى موديل 2007 السعر 2500 ريال قابله للتخفيض
ومن موديل 2008 الشكل الجديد 3500 ريال قابله للتخفيض
هذا ما حبيت افيدك فيه علما بأني رحت لهم الاسبوع الماضي

اخوك عاشق الزبيدي