تجهيز البليزر

[العوضي - 93]

السلام عليكم و رحمة الله

يعطيكم العافية اخواني الرحالة

عندي كم استفسار و أحب أستفيد من أهل الخبرة

انا عندي بليزر 6 سلندر مافيه دبل

هل يصلح للمكشات و الطلعات البرية

و إذا كان لأ .. هل هناك حلول ؟؟

و بغيت أعرف وين أحصل الدعاميات الاسترالية و الأمريكية ؟؟ في الكويت أولا .. ثم السعودية ثانيا ..

و تقريبا كم اسعارهم ....

و بغيت أيضا استفسر عن حديدة سبير العلااق اللي تركب من فتحة القلص

شفتها عالبليزر شكلها مجرم .. وين أحصلها ؟؟

انتهت اسإلتي يالربع

و بالانتظار

[Bader_M]

وعليكم السلام ورحمة الله وبركاته

انا عندي بليزر 6 سلندر مافيه دبل

هل يصلح للمكشات و الطلعات البرية

و إذا كان لأ .. هل هناك حلول ؟؟

للاسف لا

لانه التعديل السيارة ليكون فيها دبل راح يكلفك كثيرا

للذالك انصحك بشراء سيارة مجهزه بدل افضل لك

تقبل مروري

[العوضي - 93]

مثل شنو اللي راح يكلفني ؟

يعني ينفع اركب دبل مثلا !؟

ياليت لو توضح لي الاشياء اللي راح تكلفني

[أبو عمر]

حياك أخي العوضي
ممكن تقولنا وش موديله عشان نقدر نساعدك بارك الله فيك

[العوضي - 93]

و فيك بارك يا أخوي حنضل

موديل 2009

[العوضي - 93]

و حتى يوم شريناه من الوكالة

ما كان لي اهتمام بالدبل

و سألت الموظف قال لي في سستم مش عارف إيه .. ما أذكر اسمه

يقول يشتغل اوتو لي غرزت و يبدل الشغل عالتواير

[أبو عمر]

البليزر قوية وعملية وجميع مواصفاتها رائعة بس
فيها عيب واحد عند إستخدامها بالبر هو أنها منخفضه جداً
أنا معي بليزر 2008 م دفع رباعي من ابدع مايكون بس بالبر
متعب ولاتقدر تغامر فيه يتعلق بسرعة .
وأنصحك إذا أنت من هواة البر أن تأخذ دفع رباعي ياباني وبالتحديد تويوتا أو نيسان
تقبل تحياتي ,,,,,,,

[العوضي - 93]

كلامك صحيح 100%

الموتر حيل نازل

حتى الأرصفة ما أقدر أصعدها !!

لكن لو رفعنا الموتر .. هل راح تنحل المشكلة .. ولا لازم الدبل ...

[Bader_M]

وش رايك تعدله زي كذا

لمزيد من المعلومات عن هذا السيارة ادخل هنا

http://www.netcarshow.com/chevrolet/2000-trailblazer_vortec/

راح اعطيك بعض القطع التي سوف تغيرها و تركب غيرها

تركيب
1-دفرنس امامي (نوع الذي في سيارتك عكس )
2- مقصات و اذرعة
3- عمود دبل
4- دبل

هذا القطع على اقل تقدير سوف تكلفك تقريبا12 الف (من التشليح)

يعني لو تبيع السيارة و تزود لك 15 الف ريال تجد مديل احدث و فيها دبل


تقبل مروري

[أبو عمر]

المشاركة الأصلية كتبت بواسطة طايربالعجه

هذا القطع على اقل تقدير سوف تكلفك تقريبا12 الف (من التشليح)

يعني لو تبيع السيارة و تزود لك 15 الف ريال تجد مديل احدث و فيها دبل

عطاك أياها طاير بالعجه من الآخر
يعني خذ مكلف ولا تتكلف

[العوضي - 93]

كلامكم صحيح

لكن و الله الصورة مشجعه

و المادة موجودة

لكني واحد - ما شاء الله - من أصحاب الوزن الثقيل

و السيارات اليابانية ( كاللاند و السفاري ) حيل ضيقين من داخل

و كشناتها .. الله يدفع البلا ,.. كرسي مدرسة

فأنا أبي موتر مريح و راهي و يمشي حاله في البر و الطلعات

و أتعبتكم معاي يالربع .. لكن بإذن الله مأجورين

[أبو عمر]

مادام الموضوع كذا عليك باليوكن
فيه كل ماطلبت
وبإنتظار تقريرك عن تجهيزه
وشوف الرابط الشباب كاشتين باليوكن بالبر وش زينه

http://www.alrahlat.com/vb/showthread.php?t=272

[العوضي - 93]

يعطيكم العافية .. و أطلنا عليكم

.. طيب استفسار أخير ..

هل هناك فرق في مقاعد السفاري العادي و السوبر سفاري ؟؟

أو كلاهما نفس الشي ؟؟ ..

يقال ,.,, أنه يختلف ؟؟