الله من قلـب الليـا منـه ادلـج=لو هو بجو فيـه للنـاس صجـه
يدوي مثل مايدوي الطير بالعـج=مع خايع ماينـدرى ويـن فجـه
ماينتبه للـي ينـادي ليـا سـج=والليا انتبه كن الشبـاري تخجـه
لابد من يـوم بـه الهـم يفـرج=عن كل عين بالسهـر مستلجـه
الله على اللي تو رقمـه يبرمـج=ماصار فيه من المطانيـج رجـه
اسرع من الزورق الليا منه امرج=واسبق من اللي بالاشعه يوجـه
جمس الليا قامت قزوزه تواهـج=ضاعن عريضات الرفارف بعجـه
من نقرة العارض يفج القور فـج=ويخلي الشملـول بيـن الاحجـه
خدٍ تحت مـزن بروقـه تلاعـج=نبته من الوسمي غصونه من اجه
لومابها الا الذيب والطير الابلـج=ناخذ بها عن ضيقة الصدر سجـه
عن مجمع به راعي الحق يفلـج=بعض البشر فرقاااه عمره وحجه
العد تنفـاه الضوامـي الليـا رج=والمـر تنكـاه الكبـود وتزجـه
التوقيع
بعض العـرب لو هــو بعينك تمناه
ودك لو بعينك عــــيون وتشـــوفه
وبعض العرب تسعد عيونك بفرقاه
ودك تشوف الموت من دون شوفه
راقت لي
العرض العادي
