#1
متى على الله يظهر سهيل ويبين ...( قصيدة )..... أبو شعلان ..
بسم الله الرحمن الرحيم
إخواني أعضاء وزوار منتدى الرحلات ....
السلام عليكم ورحمة الله وبركاته وبعد ...
بمناسبة قرب دخول نجم سهيل ... أهديكم قصيدة لي ... بالإضافه إلى صورة رائعة ... وأتمنى أن تحوز على رضاكم وإستحسانكم ...
الصورة تعبر عن فرحة الصقارين بأول مقناص
متـى علـى الله يظهر سـهيل ويبين * والــوقت بــرّد وإجـمدّن اللــيالي وأهـل الولـع بـطيورهم مــستعّدين * والكــل جــهّز مــوتره بــالكمالي سبعــة شـهورٍ بــالتمــام مــتحّرين * شفقه لنقل الطير لــو هــو قــبالي وإلى أقفت الربّطه وتمّت الموسين * والـطير شفقٍ للعلــف مــا يـزالي قم ياخلف وأظهر حــرارٍ مــزايين * الكــل فعلــه بــالحبــاري هــبالي مـن بينهن غــشامٍ وطلعــه الــزين * اللــي بــطلعـه مــالغيره مــجالي ومـن بينهن وراّد رفــّة جــناحــين * اللــي جناحه مثل قوس الــهلالي ومن بينهن وكري بكر مالي العين * هــديةٍ مــن واحــدٍ مــن خـــوالي وأركو عليهن بــالدّعو يـــالميامين * نبـغي الوناسه باوّل الوقت وتـالي ويــرتاح بــالـي لاســرينـا مــقفّين * شـرقٍ نوينـا وإن بـغينـا شـــمالي بارضٍ نبتها عرفج ورمث لــونين * وفيها خطايط عشب مثل الزوالي وخصٍ ليا صرنا عن البّر مــبطين * تلقــى الحماسه والربع بـإنشغالي ربعٍ علــى الشدّات دايـــم ولـــيفين * ومــن بينهــم لامـــايهّم الـــرّيالي وجينا المراح اللي له الربع شـفقين * بأرضٍ دكاك من المشاجير خالي سقاه ربّي من المطر قــبل يــومين * سقاه من غــرّ الــمزون الـــثقالي وشّبيت لي ضوٍ من أرطاه غمرين * وبجالها الفنجال هـو راس مــالي من دلّةٍ صفراء بـها بهار نـــوعين * هيــلٍ ومسمــارٍ ومــاهــن زلالي وكلن نقل طيــره وحــّنا مــتقهوين * وسوالــفٍ وش قـال وفــلان قالي وقتٍ قصير وكــامل الربع نــيمين * وكـلن زبن طيره يخاف الــثعالي وحين أذّن الفجر وخلصنا مصلين * كلن لقط روحــه يحوف الــدلالي وقبل طلوع الشمس بالجيب ماشين * في وسط شغيه ماوطاها الحلالي وإستقطعت جرّه جديده وهـــالحين * وأنــا ألـقط الريشه وأنادِ الــعيالي قلت أبشروا عندي جراير لـثــنتين * خـربٍ وتـبراه الـدجاجه عـــدالي وأنا أرتفع خوفي يطيرن عن يمين * والطير طلعه مـايبي لــه ســؤالي قلت أســرعوا يمّي وقـــالوا قريبين * قلـت إلتفت شـفني يمينك مــوالي ويـزين وجه الــطير وهــّم مــتقّفين * ويوم بغى الطلعه أرخيت الحبالي قلت الركـــاده لاتصيروا ســريعين * الــطير وجـّه يــمّكـم يــالــرّجالي وعثربهن بالجيب (خمسه وسبعين) * ويــطيـرن الــثنتين عــّنا شــمالي والطير أشوفه عنّهن حول مــترين * يــكرب جــناحه بـالهدد بإشتعالي والخرب ردّه فــوق يمكـن مــردّين * وعــنه الدجاجه نوّخت بــالمفالي وثالـث مردّ للــخرب عنّه بــشبرين * والـرابعه صكّه وجــاك إمــتدالي ويطيح مـثل الشــال بـين الــبعارين * وحوّل عليه الـطير ياوجد حــالي وحاولت أخلّص مير ماعاد يــمدين * قــدّله زمــن ميّت ومـابه جــدالي وأنــسّره نـسرٍ خــفيفٍ وعــــجلين * ومــن الـرباشه مــالقيت الــنّعالي ثــم إنــحرفنا للــدجاجــه ســلاطين * والكــل طيره فــرّعه بــإحـتمالي وعنّي يمين الجكّس سبعه وتــسعين * يــقـول طــيري غــّزته للـــتلالي قلت أرخله سبقّه عسى الرازق يعين * وفـعلن طلـع غشـّـام إرتاح بــالي وإبفزّته وشهــي فــروخ الــشياهين * وحين إنطلق مثل السهم مـايبالي وجّه علــى الــيمّه وحــنـّـا بــعيدين * وسقنا المواتر في وعور وسهالي مـرّه أشــوفــه ومـرّةٍ يــالله إيــبـيـن * أليــن شـــفناهـن وجّـوه صــفالي وكتف عليهــا الــطير نشّه مــنشين * وصــادها بــالقاع زيــن الــفعالي ثــم إجــتمعنا كــل أبــونـا ســعيدين * وكلن ذكر إسـم الله بصوت عالي لا شك هذي منوتي إن كنت توحين * وفصّلت كـل اللـي يـدور بـخيالي وأطلب من الله يالرّبع قـولوا آمــين * يـحـقـق هوى منهو تـولّع بــغالي وصلاة ربّي عـّد حــرفٍ وحــرفين * على الشفيع اللـي بيوم الـــهوالي
وسلامتكم
(( أبو شعلان ))
معاني الكلمات :
متحرّين : منتظرين خمس وسبعين : نداء بالكنودتوحين : تنصت لكلامي .
تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,,
التوقيع
#2
رقم العضوية :
144
تاريخ التسجيل :
1 - 2 - 2007
المكان :
الرياض
المشاركات :
928
الحالة :
من مواضيعي
رحلتي لسودة أبها وزيارة محمية ( ريدة ) وتصوير أقدم مسجد بالسودة ماذا تعني هذة النقوش صورتين جميلتين في نظري صورة ناطقة ,,,,, من الوافي عزام قواقع بحرية من شاطئ قيال ,,,,,,,
السلام عليكم ورحمة الله وبركاته والله يعينك بيجيك بعد شوي اللي على بالك
التوقيع
أشكر الغالي A.K.H على هذا التوقيع المميز
#3
خبير اجهزة ملاحة ومصمم خرائط
شكرا ابو شعلان على هذه القصيدة.
التوقيع
#4
حسبي الله عليك يابو شعلان وش هالروعه وش هالزين اثرك مثل مايقولون امغبا اوياليت منتدانا فيه قسم للشعر الخاص بالرحلات اوفيه خاصية تنسيق القصيده كان امشعلل بامثلكم هيضتنا يالغلي اشكرك على القصيده ولك تحياتي
#5
متى على الله يظهر سهيل ويبيـن والوقـت بـرّد وإجمـدّن الليالـي
ايه والله يابو شعلان هالحين تشوف نفسيات الناس منشرحة
صح لسانك على هالقصيدة وعلى فكرة تراي نقلته وشاركت بهالقصيدة الرائعة بمجلس عنيزة فالسموحة
التوقيع
الليالي أجـمـعـتـنا عـلـى وضـح النـقا
جـعـلـنا بالـطـيب والـعـز دايـم نـلـتـقـي
فى مـنـتـدى الرحلات يـزيـن مـضمـون اللـقا
مـلـتـقـى أهـل الـشـعـر والـذوق والـهـرج الـنـقـي
مـرحـبـا وأهـلا هـلا عـد مــاراح وبـقا
نـعـرف اللــي راح واللــه يـعـلـم وش بـقـي
#7
[quote=أبو شعلان;20044]وإذا فيه أحد يقدر ينسقها ... أكون له من الشاكرين ....
quote]
أخوي أبو شعلان الغالي
ألف ألففففففففف شكر على هالقصيدة الرائعة وصح لسانك وتلبية لطلبك يالغالي أبشر باللي ينسق لك إياها في تصميم متواضع آمل أن يحوز على رضاك ورضى الجميع وأهدي لجميع الأخوة الأعضاء والزوار الكرام هذه القصيدة على مقطع بصوت شاعرنا الصقار المتألق أبو شعلان وذلك بعد أخذ الإذن والخشم ههههههـ منه
تم رفع القصيدة في سيرفر الرحلات ( بإمكانك حذفها من الرابط المجاني).
اضغط هنا للتحميل للإستماع المقطع الصوتي وتقبلوا تحياتي ------------------------------------------------------------------------
التعديل الأخير تم بواسطة محمد المعارك ; 24-08-07 الساعة 11:34 PM
سبب آخر: تحميل المقطع والصورة على سيرفرات المنتدى مع الشكر للأخ عيسى
#8
ابو شعلان وش هالزين وبالصوت بعد ثــم إجــتمعنا كــل أبــونـا ســعيدين * وكلن ذكر إسـم الله بصوت عالي * وفصّلت كـل اللـي يـدور بـخيالي الله يسعدكم ويجمعنا بكم بحدى هلكشتات وبجنات ربي قولو امين
#9
وأطلب من الله يالرّبع قـولوا آمــين * يـحـقـق هوى منهو تـولّع بــغالي
#10
الشاعر المبدع ابو شعلان :::قلت أبشروا عندي جراير لـثــنتين * خـربٍ وتـبراه الـدجاجه عـــدالي ــــــــــــــــــــــــــــــــــــ سلا111111111111م
#11
صح لسااااااااااااااانك ولا هنت يابوشعلان
#12
رائعه يا ابوشعلان صح لسانك تقبل اجمل تحية
التوقيع
أبــــــوعـــبـــدالله
#13
الغالي ابو شعلان كل الشكر لك على هذه القصيدةالجميله وتقبل كل الود لك على ماتبذله لهذا الصرح الجميل وكل الشكر للغالي عيسى على الاضافه الاجمل لاعدمناك
#14
اقتباس:
المشاركة الأصلية كتبت بواسطة الوافي عزام
السلام عليكم ورحمة الله وبركاته
يا سلام يا ابوشعلان .... خليتنا نعيش جو ثاني بعيد عن اجوائنا ذالايام
وذكرتنا بايام حلوه قادمه لنا ولكم ان شاء الله بصحه وسلامه
صح لسانك يالغالي وقصيده طيبه من وجه اطيب
والله يعينك بيجيك بعد شوي اللي على بالك
والسلام عليكم ورحمة الله وبركاته
هلا وغلا يابومحمد ... وهذي الساعة المباركه ... وصح بدنك ...
وترى مابقى شي سهيل ودخل ... والله يعين على هالأيام الباقيه ...
الله يجزاك خير وبيض الله وجهك ...
واللي على بالنا مامر إلى هالحين .......
,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,
اقتباس:
المشاركة الأصلية كتبت بواسطة كان
شكرا ابو شعلان على هذه القصيدة.
العفو أخوي كان ... ومشكور على مرورك يالغالي ... ,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,
التوقيع
#15
قصيده جزله ومعانيها وافيه
التوقيع
المواضيع المتشابهه
متى على الله يظهر سهيل ويبين ...( قصيدة )..... أبو شعلان ..
العرض العادي
