السلام عليكم ورحمة الله وبركاته
أنا شايفٍ فعــــلٍ غــــريبٍ عليـــه اثبــــات ... تسويه ناسٍ مالقت من يطــالبهـــا
أخص الرجــــال اللي تخلت عن العـــادات ... تبيع الحليب وخالفت عن مذاهبها
على شارع وسط البلـد تشبـــك الخلفـــات ... تسلــــم صبي للــزبـــاين يحلبهـــا
ولاهــا حلال القوم مـــايحصي الحلبــــات ... تولى عطايا الله نشيط يعــــاقبهـــا
ولا همه إلا قــول يــــازول دوك وهــــات ... على كل وقت لابغى الحلب مد بهـا
غريبة على راعي الوطن يخلف الهقوات ... يغير اسلوم فالجزيرة نفوز ابهــــا
ابنخى هل الشيمة وابنخى هل النخــوات ...زحول الرجال اللي خذت سلم شايبها
سلايل رجال تنثني حـــزة الغـــــــارات ... وكم حرة زيد أبعدوا راس راكبهــــا
سلايل هل الطالة سلايل هل النخــــوات ... تلد النظر وظعوف النفس تعاقبهـــا
مادام الشجيع اللي تعزوى بها ما مــات ... يعجل عليها فزعته لا يشح ابهـــــا
نبا شرهة من واحد يفهم الشرهـــــات ... يقابل بها اللي ما يحسب عواقبهـــــا
نبا العاقل اللي كلمته تنفهم بسكــــــات ... فهيم حكيم كل دعوى مجربهـــــــــــا
يقول اتق الله واحد يفرج الضيقـــــات ... تحسن بها وإلا على السوق فاجلبهــا
ترازم عطايا الله تبا منكم الفزعــــــات ... على اللي قناها ولا عرف قدر واجبها
حجزها بشبك واحد يجهل الشيمـــــات ... قولوا عطايا الله ورا ما تروف ابهــــا
عقب ما اتمشى بالجزيرة زمان فـــات ... وتسج اــــلديار اللي وساع مناكبهــــا
ولبنها لأهلها مدة وأجزل المـــــــدات ... تقاليـــد لأهل المملكة لو نطوف ابهــــا
انجدد عوايدنا ولا نفرح الشمـــــــات ... ونشجع سلوم جدودنا مـــا نخـــربهــــا
يقولون للراعي لا شفت النشاما جات .... تبد الحليب اللي يدسم شـــــواربهـــــا
وتحلب لروس ضيوفها وأبرك الحزات ... ودوم النشامـا فالمفــــالي تعـــزبهــــا
الشاعر مرير الحبيل العتيبي
أنا شايف فعل غريب عليه اثبات & تسويه ناس مالقت من يطالبها
العرض العادي
