على الموعد بـ لهفه جيت لامانع و لاتأخير
لفيت من العصر هايم مع ان الموعد المغرب
وجتني بس انا مدري شعرت الجيه هذي
وهي تقرب من (عيوني ) شعرت ان الممات اقرب
وقلت الله يهونها عسى في جيتك لي خير
انا من شفـتك .. وانا خايف ومستغرب
على كثر الحكي مدري كأنه خانها التعبير
قالت لي و اشيـاء ؛ لا تكتب ولا تعــرب
هدت فجأه تطالعني وانا في حاجة التفسير
لجل نحكي بهدوء اكثر سألت الحلوة وش تشرب
وصاحت بي ولك في هـ/ الحشى تقدير ..
وتدري ان (المثـل ) فينا وفي احساسنا يضــــــرب
صحيح انك (وفـي ) وانك ( بـري) من تهمة التقصير
ولكن ذي عوايدهم من ايام وزمــن يثـــــــــرب
تكون البنت لـ/آبن العم ؛ ورغبات الكبار تصيــرو
تدري الاقربون اولى /, مع انك للخفوق أقــــــرب
وتدري للقدر كلمة /, و لعادات الأهل لذا ارجوك ,!
تتركني وانا من دنيتك بـ/أهــــــرب
شعرت بـ/ حكيها كنه قصاص و أمر بالتعزير ؛
؛شعرت الدنيا ضاقت بي من المشرق ليا المغرب
مشت خلت وراها طفل مايدرك وش التدبير
يحسب ان الغرام شاعر و اغنية مطرب
ضحكت وماقدرت اني الاقي لـ/ ضحكتي ؛ تبرير
من اللي بـوقتنا مره ضحك من لدغة العقرب
رفضت استوعب اللي صار ولا استسلمت للتغيير
أجي نفس المكان بحزة المغرب
برغم ان الثمان شهور (جرح ) وكلفتني كثير
انا لـ/ اليوم أجي وادعي .. تجي يارب .. تجي يارب
فيصل الفاضل حزت المغرب
العرض العادي
