هذة قصة قديمة قالها لي أحد الشيبان الصقاقيـــــر .. وحبيت أذكرها لكم وخصوص أهل الطيور والمقانيص يحبون أي شئ يتعلق بالقنص والطيور .
فية صقار ياكان عندة وكري أو وكريه وكان يصيد بطيرة الأرانب وقديماً لاتوجد سيارة ولا شئ أما ذلول والا وإلا رجلي .. وكان هذا الصقار يقنص رجلي طبعاً ومره وهو قانص يصيد الأرانب لقي طير موقع فى الروض وماكان عندة لاشبكه أرضيه ولا شبك ولا أى شئ وفكر أشلون يصيد هالطير !!
وطرت عليه فكرة يهد الوكري علي الطير وقال مالي إلا هي .. قام يقرب من الطير الوحش لين ماطار الوحش وهد عليه الوكري ولحق الوكري الوحش وعلقه وحول فيه وجاي الصقار بسرعه ومسك الوحش اللي ماسكه الوكري ... طبعاً فرح الصقار لأنه طرح طير وحش لأن أسعارها لاباعها ممتازه (( يعني يعتاش هو وعياله من فلوس هالوحش )) .
الموضوع أن الصقار قام يصيد بالطيور عن طريق الوكري يهدة علي الطير الوحش لا لقاه
ويوم من الأيام وهو يدور الأرانب والطيور الوحوش ..... طبعاً . وألا هذاك الطير الحر (( الأبيض ))
توجه للحر الأبيض لين ماطييرة وطار الحر هد الوكري عليه ولحقه الوكري وحول فيه وقبل لايوصل الصقار فلت الحر وطار ثاني مرة ورد الوكري يطرد الحر ولحقه وحول فيه ثاني مرة وقبل لا يوصل الصقار فلت الحر من الوكري وطار .
قام الوكري يطرد الطير الوحش .... بس هالمره غير !!!
تنكس الحر الأبيض علي ظهرة وضرب الوكري وجهه بوجهه (( زعل الحرار)) كايد .
طبعا طاح الوكري من السماء مميت (( من صيد أمس ))
طبعا راح الحر الأبيض في السماء (( حر ))
وعود الصقار من دون ..... وكريه . لا صاد ولاسلم وكريه
مـــو كل طيـــــــــر يتأكل لحمـــــــــــه ...
العرض العادي
