محاورتي مع شاعر إماراتي ( تصفية حساب قديم ) طبعاً على لحني الشاعر تركي 2000 (نوماس سدير)

[أبوخالد التويجري]

السلام عليكم ورحمة الله وبركاته

أحبتي أعضاء منتدى الرحلات.
.
.

سبق منذ زمن طويل وأن حصل لي إشكال مع شاعر إماراتي وختمها بقوله ( منت شاعر أصلاً ) ...

ومع أعترافي ببداية مسيري تجاه الشعر إلا أنني أفضل حالاً منه بكثير ولكن .!

هجرتهم وكلي أسى مما فعله بي ..

طبعاً لا أحد يعلم الحقيقة غيري أنا وهو ومشرف آخر ... وفضلت أترك المنتدى من غير إثارة بلبلة ...

وبعد زمن ... ألقيت نظرة على ذاك المنتدى ... ورأيت صاحبنا قد علق تحت إسمه بـ( شاعر المنتدى ) ... فأتاني الحنين للقلم ... ودخلت مرةً أخرى ( مع ضيق الوقت ) ... إلا أنني بدأت المحاورة معه بإسم جديد .. لكي أحرق أعصابه وأبين الحقيقة ... فسترون الأخلاق التي تبين لكم أن المشكلة تكمن في أخلاق ذاك الشاعر ... فكانت هذه المحاورة :-

تنويه : سوء أخلاق الشاعر لا يتعدى شخصيته وذاته وكلنا نعرف أهل الإمارات وأخلاقهم الرفيعة

بدايةً ... طلبت المحاورة من الشاعر بوشهاب ... وكانت بكل أدب ... ورحب بي وطلب مني أن أبدأ وبدأت بهذا الرد ( طبعاً على لحني الشاعر تركي 2000) :-


تدري يالغالي شي(ن) فيك معجبني
تـاج الحـروف على قصــايدك تـبني
مثلك عــرفته وحــرفك لي يناسبني
والراس مرفـوع والريات مرفوعه



سلامي على شيـخ(ن) عالي(ن) مقــداره = فـي منتدى للشيخ زايــد والله غـالين
أبنشدك يا شيخـي وتــرى النفــس أمــاره = أبعطــــيك صنـــدوق مـــالـه إلا بابــين
أبنشــدك عن كـــريم(ن) ما ينطفــي نــاره = نار الــدار هي ساسه وهي له عناوين
وقــرب عنده ضيــف(ن) هــو من بيت جاره = ومد له تمــر بعــد قسـمها له نصفـــين
نصف(ن) قـــدمها ونص(ن) تركــهاا حجــاره = هـــذا الباب الأول والتالي خـله بعــدين




وكان هذا الرد منه :-



أحس يالنايفـــ بشي (ن) يزقـرني
صوب القلم احـسـاس يـدفـعـنـي
ببني قـصيـدي عـلـى أوتـار فـني
بيت القصــيد عـمـدان وسـقـوفـه



يا مرحبا بشيخ (ن) حلــوه أشعــاره = مـن بـلاد حـبــاهـا الله بـحـــرمـيـن
إن يـيـتـنـي بسيكل أو ييت بسيارة = بـصـنـدوقـك الـلي مقفول بـقـفلين
قـفـلك بـيـيـب لـه شـيـول وكسّارة = بكســره بحــروف الـشـعـر مرتـيـن
هـذا حــويــتــم لــي كـــرم جـــاره = وعقــر حـق الـصـغــاريــة نـاقـتـيـن
بـخـتـم جـوابـي بـحـسـن الـعـبـارة = وصلي على محمد إمام المرسلين




إلى الآن ... هو شاك في الأمر بس ماحرك ساكن





وهذا ردي الثاني :-

يابوشهاب الســوالف هـذي اتركها
حرب الحـروف هـذي مانتا بقـادرها
أفهم المقصد من (ا)حــروف قايلها
والراس مـرفـوع والريات مرفوعه



تسلم يا شيخ(ن) على بابه البشاره = واللي داخــل البيت مـن الكــرم خابــرين
أنت ولـد شيـخ عــلا أسمه الصداره = الكرم والطيب ساسه من ماضي السنين
أفهم المغــزى من المكنون المحاره = إن كـــنت تـقــــول أنــا للأغـــاز مضــــوين
تذكــر شاعــر(ن) مــر عليــكم زياره = ولآقى مـــرْ الضيافـة من اسباب شخصين
تِذَكــر والحـــر يفــهم مــن الإشــاره = وحـلمــك حـلمــك تـــرانا تـــونـا مــبتـدين





الحين عرف إن فيه شي وسالفة قديمة ... طبعاً الرد الجاي بيعلمكم أنني غير ملآم يوم أهجر المنتدى بسببهم :-



يالـنـايف مقاصـدك عارفها
وعارف وجــودك واسبابها
بـنـيـّة و حـاطـة مـكـياجها
وحروفك بالزور مسموعه



سلامي لشيخ(ن) راكب حماره=سلامي لشيخ التقوى والدين
شـاعـر جـمـيل جمال البشكارة = ومـثـل الـكـولـي طالع فطين
مـر عــلـيـنـا وطــــاف الإشــارة = وعــالـلـفــة صـيـّـح ويـلـيــن
إنـهـي هـنـاك لأفلعك بالحجارة = وانـتـه كـــريـم وشــهم وزين
انـتـه مـيـهـود وتـبـغــي زيــارة = واحـنـا لـلـمـيـــانـيـن عايـدين






رد قوي صح .؟ لا ومكسر مره


أنا أعرفه قبل وأعرف قلة الأدب اللي فيه .. بس ولو حبيت أحرقه أكثر وأستمر معه لين يوقف وبعدين أعلمه من أنا فكان هذا الرد :-


النايفــــــ

اهـلا هـلا باللي قصـايـده مكســوره
فـي منتـدى أظـنه بالـنت مشهـــوره
اليــوم مـوعـد لكشـف كل مستــوره
والراس مرفوع والرايات مرفـوعه


حسافـــــه حسافــــه إنك مــن داره = دار الشيــخ زايــد يرحــم الله بسـاتين
بساتين الشيخ اللي غرسها بديـاره = هــذا دليل إن الــزرع يصــيبه تعفـــين
لكن جهـــد الشيـخ ما يـروح خساره = اللي مثلك وشـرواك في الكون مالين
على هونـك تـرى تشتعل فـيك ناره = وشد الحيل ترى الحروف من سكاكين
أخـذت الجـروح منـك وهــي إعـاره = ولآبــد الــدين ينـرد لصاحـبه و ضعفـين



الحين هو عرف المغزى وإني جاي ناويه :-

الـولـد يـايـنـي إمـشّـط شـعوره
لابس شماغ وناسي الـكـندورة
يـبـا يـعـلـمـنـي الشعر وبحوره
راسه مكسور ورايته مقطوعه

ياللي تبيع طماطه وخياره = لا تسوي عمرك مسيكين
انـتـه بـديـت بسـرد العباره = وانتـه بــديـت تسب وتهين
هاذي حماقه مب شطاره = مـثـلـك بـهـالـكـون كـثيرين
انـتـه لـوتـي فـيك الحقاره = وانـتـه هـرم وشـهـم وزيـن
وانـا ديـّن وفـيـنـي طـهاره= دخــيـلـك تــســبّـح مـرتـيـن



طبعاً الكسور ملآزمه علشان كذا تغاضيت عنها لكي يستمر :-


النايفـــــ


تتعب تجاري حروف(ن) تشتعل ناره
كـبر المعاني تعـادل الأرض وابحاره
ومثلك مايعـرف من اليمـين ويساره
والراس مرفوع والـريات مـرفـوعه


ارمس عـن كـل شـين إلا في بحـاره = عــدل الحــين وزن القصـــايـد ولآقـين
مهما قلت ماقلت منت من_أهل داره = دار الأخـلاق الطـيبه منبعها دار العـين
ولا تهـــون ما بقـي مـن باقي الأماره = بس أنا لي معــارف مـن دارك دار الزين
ومثلك واللي شرواك عليهم خساره = كلامك ما يقــوله رجـل هـو مـن غالـين
يرحم ربي شيخ(ن) أخلاقـه منـواره = والكــتاب تــرى ينفــهم مـــن العــناوين



بعدها

قفل الموضوع

طبعاً السبب معروف ... ويقولون ... إذا كان خصمك القاضي من تقاضي




أتمنى أن أكون قدمت لكم شيئاً يستحق القرآءة




نوماس سدير

[ثامرالماضي]

صح لسانك يانوماس سدير ... وبيض الله وجهك ...

ولكن القصيد متعه للشاعر والقارئ ... وقد يريح الشاعر عندما يخرج مابقلبه من هموم ...

والمنازعات بالقصيد غير مستحسن ... لأن القصيده هي مرأة تعكس ما بجوف الشاعر ...

هذا رأي محتمل الصواب والخطأ ...

شاكر لك أخي نوماس

وننتظر جديدك


,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,

[أبوخالد التويجري]

المشاركة الأصلية كتبت بواسطة أبو شعلان

صح لسانك يانوماس سدير ... وبيض الله وجهك ...


ولكن القصيد متعه للشاعر والقارئ ... وقد يريح الشاعر عندما يخرج مابقلبه من هموم ...

والمنازعات بالقصيد غير مستحسن ... لأن القصيده هي مرأة تعكس ما بجوف الشاعر ...

هذا رأي محتمل الصواب والخطأ ...

شاكر لك أخي نوماس

وننتظر جديدك



,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,

المبدع أبوشعلان

صح بدنك يالغالي ولا هنت

وكلامك عين الصواب .. وأغلب المحاورات تحتمل عناصر سلبية كالكبرياء والتفاخر .. هذا إذا ماتعدت وطالت الطرف الآخر

لكن في هذه المحاورة .. وكما ترى ... لم أتعدى حدود الأدب وكانت أبياتي تعني قدرته الشعريه , حيث ردودي عليه رداً على تلك الكلمة ( منت شاعر أصلاً )


ومن حيث المحاورات .. لي فيها صولات وجولات وكلها كيبورديه مباشرة لذلك أعذروني على بساطتها ولك مثال على نموذج الحسن في المحاورات


هذه محاورة لي مع شاعر إماراتي آخر ولو كانت قصيرة


يا حــي ولــد الشيخ زايــد شيخ الرجال
يا حــي حــروف(ن) تعكس قول افعالك

ما يخيب الظن في شرواك لا هذا محال
يخـــيب الظن بالنفس ولا يخيب بامثالك

حروفي تحييك وتحكر لك صفــر الـدلال
تفـــضل ذا خـــلاص و سـكري يحـلالك

رفيع الشان يعقد في شرواه كبير آمال
أبيك اليـــوم تـــطربنا وتدحـــر عــذالك

تفضل ويحــق لشــرواك لا أقـبل يختال
مثــلك لا حـــدى يصــفق كـل من قبالك





رفيع الشان


يامــــرحبـــا والله بنبـــــراس الأفعـــــال
ياللــي فعلــك دايـــم يسابـــق اقــــوالـك

حشيـــم الوصـف قدره فـــــوق الآمـــال
صعبـــه علـــى شم الجبال وصــــالــــك

وإن قلت النايـــف تقـول وراي رجــــال
والنعم مليـون عـــد نجـــوم تسـعـــــالك

وأنا فـــي هالمكـــان بعــــدلك أقــــــوال
لإن الشعر يعجز (ف) وصف أمثـــــالك

راعي الموده والطيب (ف) كل الأحوال
قهــــرة بعطــــر طيبــــك كــــل عـــذالك

أنـــا أشهـــــد إنـــك لامســــت الخيـــال
عســــى ربــــي يـــطيــــب دوم فـــالـــك





وهذا ردي


حروفـك تجـــبر الخــاطر لو الخــاطر شال
ومثــلك ثلج(ن) ع القـلب والطـــيب فـــالك

يا حـي الحـــروف اللــي تلعـب دور الأبطال
خمــس أبيـــات ( رديـه ) صدقــني اشوالك

حكر الحروف بالخمس هي نار تقهر العذال
يا كيــف حـــكـر المعـانـي فــي قليل اقوالك

نــوخـــت حـــروفي بأرضــك وهـن لك ذلال
رمــيته بيــن يـــدينـــك والعبـــها الحــــالك

حـــلال فيــهن مـن رفيــع الوصــايف تنقال
وأنت الكــريم تســــامح لا وقفـــت اقبـالك







رفيع الشان



يامن علــــى الطيـــب زاد بجبـــال
والسماحه والكـــرم دوم ترقـالــك

إن قلت قمـه غيـــرك لهـــا طـــال
لكـــن إنتـــه شـــي محــال ينطالك

وقد قالوها العــرب (ف) الأمثــال
إنتــــه المعـــزه والـعـــز نــــالــك

هي خمس أبيات نقوة لــك تنقــال
هواجيس أقـنــدها بحالــي زلالـك

وأختمها بإسمك ياسيـــد الرجــال
يالنايـف عسـى ربي يطيـب حـالك





وهذا ردي


خبرني من هو أنت لجل اوصفك بأشكال
مثـــلك جـــزل القـــصيـد تنتهض تهيالك

حــروف المدايح ما كل شخصٍ له تنقال
وإن كان بعضهم تشري القصيـد بريالك

لكن لحروفـي رنه وحنه والصدى ينطال
ينطــال لسابع جيــل وذي رساله لعيالك

ما كل قبــايل العرب يورث عزها ارجال
كيف من شموخ أسمه قبـل موته هالك

رفيع الشان لولا الحـرام رسموك تمثال
واعـــتز احفـــادك بــدلال الكـــرم دلالك



وإنتهى اللقاء على خير



أخوي الغالي ابوشعلان

سرني مرورك وتعليقك الذي هو نموذج للأخوة .. تبين ما لي وما علي ولا هنت




نوماس سدير

[محمد المعارك]

نوماس سدير صح لسانك وصح لسان رفيع الشان
ورأيي من رأي أبو شعلان.

بارك الله فيك.

[أبوخالد التويجري]

المشاركة الأصلية كتبت بواسطة صقر

نوماس سدير صح لسانك وصح لسان رفيع الشان
ورأيي من رأي أبو شعلان.

بارك الله فيك.

صح بدنك أخوي صقر ولاهنت

والراي ماعليه غبار ولاهنتم جميعاً





نوماس سدير

[مرباع]

السلام عليكم ورحمة الله وبركاته


صح لسانك يا نوماس عز الله انك احسن من تركي الفين ومن الامارتي
لاهنت يالذيب

[أبوخالد التويجري]

المشاركة الأصلية كتبت بواسطة مرباع

السلام عليكم ورحمة الله وبركاته


صح لسانك يا نوماس عز الله انك احسن من تركي الفين ومن الامارتي
لاهنت يالذيب

صح بدنك يالغالي ولا هنت


تسلم يالغالي على هذا الإطراء الذي لا استحقه وعسى الله يحمانا من زلات الأحرف


بيض الله وجهك





نوماس سدير

[ذيب سدير]

صح لسانك نوماس سدير

والشعر أساليبه كثيره

[راعي ساموده]

صح لسانك يانوماس عز الله انك كتمته خلاص ماعاد يرد عليك خخخخخخخخخ

,,,واحرص على استخدام شعرك في مرضات الله ,,,

[مخاوي الكشاتة]

مشكور على هذا الموضوع الدراماتيكي .. ولكن ما يميز أخوانا الإمارتيين وأقولها بالفم الملئان كرم أخلاقهم والله سافرت الإمارات وفي الفندق وأنا طالع قبلت إماراتي ينتظر خويه وسلمت وسألته عن محلات وأماكن فقعد يوصف لي بكل راحة وسلاسة وإبتسامة واليوم الثاني قابلته فبادر هو بالسلام ووصف لي >>> تحسون أني ما إنعطي وجه هههههههههههههههههه والله شعب كريم الأخلاق ..


أخوي نوماس بأصارحك بس لا تزعل وكذلك الشاعر الإماراتي >> أبياتكم فيها كسور وإلا أنا غلطان ؟؟ أرجوك لا تزعل بس يمكني غلطان ..

[أبوخالد التويجري]

المشاركة الأصلية كتبت بواسطة ذيب سدير

صح لسانك نوماس سدير

والشعر أساليبه كثيره

صح بدنك يالغالي ذيب سدير ولاهنت

وبالتأكيد للشعر فنون كثيرة عسى الله يحمانا من زلات اللسان


نوماس سدير

[أبوخالد التويجري]

المشاركة الأصلية كتبت بواسطة راعي ساموده

صح لسانك يانوماس عز الله انك كتمته خلاص ماعاد يرد عليك خخخخخخخخخ

,,,واحرص على استخدام شعرك في مرضات الله ,,,

صح بدنك يالغالي راعي ساموده ولا هنت

وكلامك عين الصواب والحمدلله لي تجارب جميلة مع هذه النوعية من الشعر ( المحاورات ) وكلها وديه عدا هذه التي كانت تصفية حساب وتوضيح الحق وعسى الله يتوب علينا إن زللنا فيها





نوماس سدير

[أبوخالد التويجري]

المشاركة الأصلية كتبت بواسطة مخاوي الكشاتة

مشكور على هذا الموضوع الدراماتيكي ..ولكن ما يميز أخوانا الإمارتيين وأقولها بالفم الملئان كرم أخلاقهم والله سافرت الإمارات وفي الفندق وأنا طالع قبلت إماراتي ينتظر خويه وسلمت وسألته عن محلات وأماكن فقعد يوصف لي بكل راحة وسلاسة وإبتسامة واليوم الثاني قابلته فبادر هو بالسلام ووصف لي >>> تحسون أني ما إنعطي وجه هههههههههههههههههه والله شعب كريم الأخلاق ..


أخوي نوماس بأصارحك بس لا تزعل وكذلك الشاعر الإماراتي >> أبياتكم فيها كسور وإلا أنا غلطان ؟؟ أرجوك لا تزعل بس يمكني غلطان ..

أهل الإمارات لهم في الشعر مالنا وأمر صغار الشعراء ( شعراء الإنترنت ) لنا ولهم نصيب في ذلك ولا اراها عيباً حيث أن طريق الشعر يبدأ من الصفر والإنترنت هي أحد الطرق للبداية فيها


الغالي مخاوي الكشاته

لا هنت ع الرد




نوماس سدير

[مخاوي الكشاتة]

المشاركة الأصلية كتبت بواسطة نوماس سدير

أهل الإمارات لهم في الشعر مالنا وأمر صغار الشعراء ( شعراء الإنترنت ) لنا ولهم نصيب في ذلك ولا اراها عيباً حيث أن طريق الشعر يبدأ من الصفر والإنترنت هي أحد الطرق للبداية فيها


الغالي مخاوي الكشاته

لا هنت ع الرد




نوماس سدير

الله لا يضرك ويا ولد سدير تراني عيال منطقة وحدة >>>

ومشكور يالشاعر نوماس سدير ..