من يساجل بالشعر

[ثامرالماضي]

يالله يامنشي ثقيلات الامزان=طالبك تنشيها علينا وتسوقي
غيمٍ مشاهدهن يسرّن الاعيان=ويطرب لهن قلبٍ يزيد الخفوقي
غيثه يعمّ وكل ماجاه رويان=وتبّتل من عقب الجفاف العروقي
يروي الفياض وتنبت أشكال وألوان=والعشب ينبت بالحزم والشقوقي
ونظهر أنا والربع بأطراف ساقان=ويزول همٍ بالضمير إمخنوقي

قولو آمين

,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,

[ابو سعد الرويس]

اللهم آمين .......اللهم.......آمين

اابياات طيبه يابو شعلان

والله يرزقنا بالخير والرحمه

[ثامرالماضي]

ياللي نظمت القاف حاول تعيده *** أبــاتسلى وأنطرب في لـحونه

يالله أنا لــي بـالشعر والقصيده *** تامر هل الرحلات لا يقطعونه

لاتقطعون الردود يالربع ...

حرف الــــ هـــ

,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,

[ذيب نجد]

ابو شعلان ...
هـواي البـر واهل البـر و راعين المعنا كــلـه
هواي العود ودهن العود وشوفة طيب الفال

اللام

[الانيق]

ليا نخيت رحلاتي نخيت رجال = على العسر واللين ماعنك مجناب

[احمد777]

الباء بغيث سيل(ن) وهتان= يسقي شمال المملكه مع جنوبـــــــــه

[الانيق]

هاض البحر واستدرج احمد حلوّ الالحان = واقولها يامرحبا بك عد ممطر مطرها

[ثامرالماضي]

الله على اللى تو حطوبه سبوق *** مطروح بين الغانمى والحنيه

جابه طويرش لين سلمه مرزوق *** وكل درابه فى خلال أضحويه

يوم اكشفو راسه وهوداخل السوق *** مثل الزبيدى فى فياضن عذيه

الشاعر / فهد رفاعي

[منيهيج]

هوى من نوى طي التخاتيخ والسرى

شف المناة وعن قطا الطير نايبه

لها الخد يطوى طايع(ن) مثلما طوى

سجلات خط(ن) فالرغ(ن) منه كاتبه

[الانيق]

هم الكـرم والطيب واهل المروات = تشهـد فعايلهم من ماضي الاجيالي

ومـدحٍ في ربعي هل الرحلات = غير قصورٍ في اخواني وربعي وخوالي

واسف على الانقطاع والتغيب لظروف الانترنت يعني مهب غياب كامل

[منيهيج]

ياركب(ن) من فوق علكوم كورها

خرسا اللسان ومشخص العين قاطبه

حمرا من الظفرا طوال ضلوعها

وفج نحرها والمحاقيب شايبه

راشد الخلاوي.....حرف الها

[ثامرالماضي]

هانت عليكم ياهل الشعر الابيات=ليه القطاعة حسبي الله على إبليس
منّي وأنا ثامر ترى البيت بالذات=للي يجي بعدي حظور وعواسيس
سلامٍ أحلى من حلى درّ خلفات=يوم الربيع يضيع به كل جليّس

أبو شعلان

,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,

[حمد الجبيرى]

	سلامى لهل الطيب واهل الحميه --- ربعى اهل الرحلات واهل المكاشيت كـلٍ ابفـعــل الطـيب يسبق خـويـه --- هني منهو يكسب المجد والصيت

[قباا]

	نشرة تحدي للحباري على الدور ...اللي تروح بسبق تاخذ جداره

[قباا]

العذر بدر مني خطأ
تحكي درر وكلامك مابه خطيه...والعذر ان كانني بالوقت سجيت